Khit Thit သတင်းဌာန၏ အောက်တိုဘာ ၁၁ ရက် နေ့လယ်ပိုင်း ရုပ်သံသတင်းအစီအစဉ်

Khit Thit သတင်းဌာန၏ အောက်တိုဘာ ၁၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ အောက်တိုဘာ ၁၁ ရက် နေ့လယ်ပိုင်းတင်ဆက်ပေးမယ့် သတင်းတွေကတော့ – မင်းအောင်လှိုင် ခေါင်းဆောင်တဲ့ မြန်မာ အကြမ်းဖက်စစ်တပ်က ကလေး အယောက် ၃၀၀ ကို သတ် ဖြတ်ခဲ့ပြီး ၃ နှစ် ၃ လ အရွယ်ကလေးကိုပါ မိသားစု နဲ့ အတူ ထောင်ဒဏ် ၃ နှစ် ချမှတ်ခဲ့တာတွေ အပါအဝင် ကလေးငယ်တွေကို ရာဇဝတ်သားလို ဆက်ဆံမှုတွေ ကျူးလွန်နေတယ်လို့ မြန်မာသံ အမတ်ကြီးဦးကျော်မိုးထွန်းက ကုလသမဂ္ဂအစည်းအဝေးမှာ တင်ပြခဲ့တယ်လို့ သိရပါတယ်။ – မန္တလေးတိုင်း ၊ ဝမ်းတွင်းမြို့နယ်မှာ ဆိုင်ကယ် စီးနင်းလာတဲ့ ပြည်သူ ၂ ဦးကို အကြမ်းဖက် စစ်ကောင်စီ တပ်ဖွဲ့ဝင်တွေက အကြောင်းမဲ့ ပစ်ခတ်လိုက်တဲ့အတွက် ပြည်သူ ၁ ဦးသေဆုံးပြီး ၁ ဦး အပြင်းအထန် ဒဏ်ရာရရှိခဲ့တဲ့အပေါ် စစ်ကောင်စီတပ်က လူမှားပစ်မိတယ်လို့ပြောပြီး သေဆုံးသူနဲ့ ဒဏ်ရာ ရသူကို စွန့် ပစ်ထားခဲ့တယ်လို့ Voice of Wundwin က ရန်ကုန်ခေတ်သစ်ကို ပြောပါတယ်။ – မကွေးတိုင်း၊ မြိုင်မြို့နယ်က ဝက်ပုတ်ရွာမှာ တပ်စွဲထားတဲ့ အကြမ်းဖက် စစ်ကောင်စီတပ် နဲ့ ပျူစောထီး တွေကို အောက်တိုဘာလ ၉ ရက်နေ့က ဒေသခံ ကာကွယ်ရေး တပ်ဖွဲ့တွေကနေ လက်နက်ကြီးတွေနဲ့ ပစ်ခတ်တိုက်ခိုက်ခဲ့တဲ့သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။