ရန်ကုန်၊ ဖေဖော်ဝါရီ ၁၂
ကချင်ပြည်နယ်၊ ဖားကန့်တွင် စစ်အာဏာရှင်ဆန့်ကျင်ရေး နှင့် KIA၊ PDF ၊ NUG ထောက်ခံပွဲအဖြစ် ပြည်သူ ၅၀၀ ကျော်က အင်အားပြည့် ယနေ့ ချီတက် ဆန္ဒပြကြသည်။ ဖေဖော်ဝါရီ ၁၂ ရက်နေ့ အင်တာနက်ဖြတ်တောက်ခံထားရသည့် ဖားကန့်တွင် ဆန္ဒပြပြည်သူများက “KIA နှင့်PDF တိုက်ပွဲ တိုင်းမှာနိုင်ပါစေ” ၊ “NUG အစိုးရ ဒို့အစိုးရ “၊ “ဖက်ဒရယ်ပြည်ထောင်စု ပေါ်ပေါက်ရေး ဒို့အရေး ” ၊ “ဖက်ဒရယ် တပ်မတော်ပေါ်ပေါက်ရေး ဒို့အရေး” ၊ “အကြမ်းဖက် စစ်တပ်လုံးဝအုပ်ချုပ်ခွင့်မရစေရ”၊ “အင်တာနက်ဖြတ်တဲ့ မင်းအောင်လှိုင် အဖွဲ့ အသေဆိုး နဲ့ သေပါစေ” ၊ ၊နွေဦးတော်လှန်ရေး အရေးတော်ပုံအောင်ကို အောင်ရမယ်”ဟု ကြွေးကြော်ချီတက် သပိတ်မှောက်ကြသည်။
