ရန်ကုန်၊ ဖေဖော်ဝါရီ ၁၇
ကိုးကန့် တိုင်းရင်းသားခေါင်းဆောင်လည်းဖြစ်၊ မြန်မာအမျိုးသားဒီမိုကရေစီမဟာမိတ်တပ်မတော် MNDAA တည်ထောင်သူ ဦးဖုန်ကြားရှင် ကွယ်လွန်သွားမှုကို ဝမ်းနည်းကြောင်း အကြမ်းဖက် စစ်ကောင်စီ ခေါင်းဆောင် မင်းအောင်လှိုင်က သဝဏ်လွှာပေးပို့ကြောင်း ကိုးကန့်သတင်းဌာနက သတင်းထုတ်ပြန်သည်။
ကိုးကန့်တိုင်းရင်းသားခေါင်းဆောင် ဦးဖုန်ကြားရှင်သည် ဖေဖော်ဝါရီလ ၁၆ ရက်နေ့ နံနက် ၅ နာရီ ၄၀ မိနစ်အချိန် နေအိမ်တွင် လူကြီးရောဂါဖြင့် ကွယ်လွန်သွားပြီး ကွယ်လွန်ချိန်တွင် အသက် ၉၄ နှစ်ရှိနေပြီဖြစ်သည်။
MNDAA ခေါင်းဆောင်နှင့်ကိုးကန့်တိုင်းရင်းသားခေါင်းဆောင် ဦးဖုန်ကြားရှင် ကွယ်လွန်မှုကို ဝမ်းနည်းကြောင်း အကြမ်းဖက် စစ်ခေါင်းဆောင်က သဝဏ်လွှာပေးပို့သော်လည်း ရှမ်းပြည်နယ်မြောက်ပိုင်းတွင် ကိုးကန့်တပ်များကို အကြမ်းဖက် စစ်ကောင်စီတပ်များက အင်အားအများအပြားဖြင့် ကုန်းကြောင်း၊ လေကြောင်းး ထိုးစစ်ဆင်တိုက်ခိုက်မှုများ အဆက်မပြတ်လုပ် ဆောင်လျက်ရှိနေသည်။
