စစ်ကောင်စီ၏ အတုအယောင် ရွေးကောက်ပွဲဖြစ်စဉ်တွင် ပါဝင်ခြင်းမပြုကြရန် တော်လှန်ရေးအစုအဖွဲ့များအလိုက် ကြေညာချက် များ ထုတ်ပြန်၊ ပါဝင်ကူညီ သူ များကို အရေးယူမည်ဟု ကြေညာ
ရန်ကုန်၊ ဇန်နဝါရီ ၈
အကြမ်းဖက် စစ်ကောင်စီက ကျင်းပရန်စီစဉ်နေသည့် ရွေးကောက်ပွဲသည်အတု အယောင် ရွေးကောက်ပွဲဖြစ်သည့်အတွက် အဆိုပါရွေးကောက်ပွဲ ဖြစ်စဉ် တွင် ပူး ပေါင်းပါဝင်ကြသည့် စစ်ကောင်စီ၏ ထွေအုပ်၊လဝက နှင့် ဝန်ထမ်းများကို အရေးယူ ဆောင်ရွက်သွားမည်ဖြစ်ကြောင်း တော်လှန်ရေးအဖွဲ့တစ်ခု ချင်းစီ အ လိုက် ကြေညာချက်များ အသီးသီးထုတ်ပြန်နေကြသည်။
တနင်္သာရီပြည်သူ့အုပ်ချုပ်ရေးအဖွဲ့က တနင်္သာရီမြို့နယ်သည် ပြည်သူလုထု၏ ပူးပေါင်းပါဝင်မှု နှင့် တော်လှန်ရေးအင်အားစုများ၏ ကြိုးပမ်းအားထုတ်မှု ကြောင့် နယ်မြေစိုးမိုးမှု၊ထိန်းချုပ်မှုရှိသည့် ကျေးရွာအုပ်စု အများအပြား ရရှိ ထားပြီး ရပ်ကျေးပြည်သူ့အုပ်ချုပ်ရေးကိုလည်း အကောင် အထည်ဖော်ဆောင် ရွက်နေကြောင်း၊ ပညာရေး၊ကျန်းမာရေးစသည့် ပြည်သူ့ဝန်ဆောင်မှု လုပ်ငန်း များ ကို အုပ်ချုပ်ရေးအဖွဲ့များမှ ဆောင်ရွက်နေကြောင်း ၊ အုပ်ချုပ်ရေးအဖွဲ့ များ၏ ကြီးကြပ်မှုဖြင့် ကျောင်းစုံညီပွဲတော်များ၊အားကစားပွဲများ ကျင်းပခဲ့ ကြောင်း ၊ တနင်္သာရီမြို့နယ်သည် မြိတ်ခရိုင်အတွင်း ဒုတိယတိုက်ပွဲအများဆုံး ဖော်ဆောင် နေသောမြို့နယ်ဖြစ်ကြောင်း ကြေညာထားသည်။
အလားတူ သပိတ်ကော်မတီများကလည်း စစ်အုပ်စု၏ အတုအယောင် ရွေး ကောက် ပွဲတွင် မပါဝင်ကြရန်၊ လူဦးစာရင်းနှင့်သန်းခေါင် စာရင်း ကောက် သူ များကို မှတ်သားထားပြီး သတင်းပို့ကြရန် နှိုးဆော်နေကြသည်။
