စစ်အုပ်ချုပ်ရေး ကြေညာထားသော ပုလောတွင် စစ်တပ် ဝါဒဖြန့် စာအုပ်များကို PRDF က ဖမ်းဆီး မီးရှို့ရှင်းလင်း
ရန်ကုန်၊ ဖေဖော်ဝါရီ ၅
တနင်္သာရီတိုင်း၊ ပုလောမြို့နယ်ကို စစ်အုပ်ချုပ်ရေး ကြေညာထားသော်လည်း စစ်တပ် ဝါဒဖြန့် စာအုပ်များကို PRDF က ဖမ်းဆီး မီးရှို့ရှင်းလင်းလျက်ရှိကြောင်း ပုလောဒေသကာကွယ်ရေးတပ်ဖွဲ့ (PRDF) ထံမှ သိရသည်။
ဖေဖော်ဝါရီလ ၄ ရက်နေ့တွင် ပုလောမြို့နယ်၊ ကဒဲရွာအနီး ခရီးသည်တင်ကား တစ်စီးကို PRDF တပ်ဖွဲ့နှင့် မဟာမိတ် တပ်ဖွဲ့များ စစ်ဆေးစဥ် စစ်တပ် ဝါဒဖြန့် စာအုပ်များကို ဖမ်းဆီး ရမိခဲ့ပြီး မီးရှို့ရှင်းလင်းခဲ့ကြောင်း၊ ထို့ပြင် ယာဥ်မောင်းကိုလည်း စစ်တပ်နှင့် ပတ်သက်ဆက်နွယ်သည့် ပစ္စည်းများ မယူဆောင်ရန် သတိပေး၍ ပြန်လွှတ်ပေးခဲ့ကြောင်း နယ်မြေခံ သတင်းရင်းမြစ်များ ပြောဆိုချက်အရ သိရသည်။
