ကနီတွင် တော်လှန်သင်္ကြန်(အကြိုနေ့) အဖြစ် စစ်အာဏာရှင်ဆန့်ကျင်ရေး သပိတ်ချီတက်
ရန်ကုန်၊ ဧပြီ ၁၃
ကနီမြို့နယ် နွေဦးတော်လှန်ရေးသပိတ်အင်အားစုနှင့် ပြည်သူများဦးဆောင်၍ တော်လှန်သင်္ကြန်(အကြိုနေ့) အဖြစ် စစ်အာဏာရှင်ဆန့်ကျင်ရေး သပိတ်ကို မုံရွာ – ယာကြီး – ကလေးဝ ကားလမ်း တစ်နေရာ၌ ယနေ့ ဧပြီလ ၁၃ ရက်နေ့ နံနက်ပိုင်းတွင် ကျင်းပပြုလုပ်ခဲ့သည်။
“တူမီးသပိတ် တူမီးသင်္ကြန်” ၊ “အာဇာနည်စိတ်မွေး ဖက်ဒရယ်တည်ဆောက်” ၊ “အလံမလိပ် အသံမတိတ် စခ ကျွန်မခံ ကနီသပိတ်” စသည့် ဘန်နာ စာသားများ ကိုင်ဆောင်၍ ချီတက်ခဲ့ကြခြင်း ဖြစ်ပြီး သပိတ်ဦးဆောင်သူများမှ စစ်အာဏာရှင် ဆန့်ကျင်ရေးတရား ဟောပြောကြသည်
