စစ်ကိုင်းတိုင်း၊ ယင်းမာပင်မြို့နယ်၊ ကနီမြို့နယ်နှင့် ရွှေဘို မြို့နယ်တို့တွင် လူထုခေါင်းဆောင် ဒေါ်အောင်ဆန်းစုကြည်၏ မွေးနေ့ အထိမ်းအမှတ် နှင်းဆီလှုပ်ရှားမှု ယနေ့ ဇွန်လ ၁၉ ရက်နေ့တွင် ပြုလုပ်ခဲ့ကြောင်း သိရသည်။

ယင်းမာပင်မြို့နယ်တွင် ၉ ရွာ၊ ၉ မိုင် လမ်းလျှောက်သပိတ်လှုပ်ရှားမှုကို ယင်းမာပင်-ဆားလင်းကြီး ကျေးရွာပေါင်းစုံ သပိတ်ဦးဆောင်ကော်တီက ဒေသတွင်း သပိတ်အင်အားစုများနှင့် အတူပြုလုပ်ခဲ့ကြောင်း သိရသည်။

ကနီမြို့နယ် သပိတ်ဦးဆောင်ကော်မတီနှင့် ကနီမြို့နယ်မှ ပြည်သူများ၊ ပြည်သူ့ အခြေပြုကျောင်းများမှ ကျောင်းသား လူငယ်များ ပူးပေါင်း၍ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၈၁ နှစ်ပြည့်မွေးနေ့တွင် နှင်းဆီလှုပ်ရှားမှု ပြုလုပ်ခဲ့ကြောင်း သိရှိရသည်။

ရွှေဘိုမြို့နယ်တွင်လည်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၈၁ နှစ်ပြည့် မွေးနေ့တွင် ပန်းများဖြင့် မေစုအမည် ပုံဖော်၍ နှင်းဆီးလှုပ်ရှားမှုပြုလုပ်ခဲ့ကြောင်း သိရသည်။

The post ယင်းမာပင်၊ ကနီနှင့် ရွှေဘို မြို့နယ်တို့တွင် လူထုခေါင်းဆောင် ဒေါ်အောင်ဆန်းစုကြည်၏ မွေးနေ့ အထိမ်းအမှတ် နှင်းဆီလှုပ်ရှားမှု ပြုလုပ် appeared first on Khit Thit Media.

စစ်ကိုင်းတိုင်း၊ ရွှေဘိုမြို့နယ်နှင့် မန္တလေးတိုင်း အတွင်းရှိ စစ်ရှောင်ပြည်သူများက နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၈၁ နှစ်ပြည့် မွေးနေ့ အထိမ်းအမှတ် နှင်းဆီလှုပ်ရှားမှုအဖြစ် ယနေ့ ဇွန်လ ၁၉ ရက်နေ့တွင် ပြုလုပ်ခဲ့ကြောင်း သိရသည်။

ထို့ပြင် ရွှေဘိုမြို့နယ် ပြည်သူ့ကာကွယ်ရေးအဖွဲ့ (ပကဖ) ရဲဘော်များ၊ တိုက်နယ်အသီးသီးမှ ပကဖ ရဲဘော်များကလည်း တော်လှန်ပြည်သူများနှင့်အတူ ကျွန်း၊ တမာ၊ ဗန်ဒါ၊ နှင်းဆီ၊ ကံ့ကော်၊ တရုတ်စကား၊ ရွက်လှ၊ သနပ်ခါး၊ ယုဇန စသည့် သစ်ပင်ပန်းမန်မျိုးစုံတို့ကို နေရာအသီးသီး၌ ၈၁ ပင် စိုက်ပျိုးခဲ့ကြောင်း သိရှိရသည်။

The post ရွှေဘိုနှင့် မန္တလေးတို့တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၈၁ နှစ်ပြည့် မွေးနေ့ အထိမ်းအမှတ် နှင်းဆီလှုပ်ရှားမှု ပြုလုပ် appeared first on Khit Thit Media.

ရန်ကုန်မြို့ပေါ်တွင် ယနေ့ ဇွန်လ ၁၉ ရက်နေ့၌ လူထုခေါင်းဆောင် ဒေါ်အောင်ဆန်းစုကြည် မွေးနေ့ ၈၁ နှစ်ပြည့် နှင်းဆီလှုပ်ရှားမှုကို Yangon 4 Brothers ရန်ကုန်တော်လှန်ညီနောင် ၄ ဖွဲ့က လုံခြုံရေးတင်းကြပ်နေသည့်ကြားမှ ရန်ကုန်မြို့ တနေရာတွင် လှုပ်ရှားမှု ပြုလုပ်ခဲ့ကြောင်း သိရသည်။

အလားတူ ကချင်ပြည်နယ်၊ ဖားကန့်မြို့တွင်လည်း ယနေ့ ဇွန်လ ၁၉ ရက်နေ့ နံနက်ပိုင်းက ဖားကန့်ပြည်သူများက သမ္မတရူး တရားမဝင် စစ်အာဏာသိမ်း ခေါင်းဆောင် အကြမ်းဖက် မင်းအောင်လှိုင်၏ မတရားဖမ်းဆီးခံထားရသော လူထုခေါင်းဆောင် ဒေါ်အောင်ဆန်းစုကြည် ၈၁ နှစ်ပြည့် မွေးနေ့အထိမ်းအမှတ် အဖြစ် စစ်အာဏာရှင် ဆန့်ကျင်ရေး လူထုလှုပ်ရှားမှု ပြုလုပ်ခဲ့ကြောင်း သိရသည်။

ထိုလှုပ်ရှားမှုတွင် ဖားကန့်ပြည်သူများက “Let’s continue fighting alongside Mother Suu” ၊ “အမေစုနှင့်အတူ တိုက်ပွဲဝင်ကြ” ၊ “မတရား ဖမ်းဆီးခံထားရသော ဒေါ်အောင်ဆန်းစုကြည် ကျန်းမာပါစေ” ၊ “ ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများ ချက်ချင်းလွတ်” ၊ “ စစ်အာဏာရှင် စနစ်အမြစ်ဖြတ်သည်အထိ ပြည်သူအားလုံးပါဝင်စို့”၊ “ တော်လှန်ရေးအင်အားစု အားလုံးစည်းစည်းလုံးလုံး စစ်အာဏာရှင်စနစ် အမြစ်ဖြတ်သည်အထိ ပူးပေါင်းတိုက်ပွဲဝင်ကြစို့” စသည့်စာသားများ ကိုင်ဆောင်ကာ ပြုလုပ်ခဲ့ကြောင်း သိရှိရသည်။

The post ရန်ကုန်နှင့် ဖားကန့်တို့တွင် လူထုခေါင်းဆောင် ဒေါ်အောင်ဆန်းစုကြည် ၈၁ နှစ်ပြည့် မွေးနေ့ အထိမ်းအမှတ် လှုပ်ရှားမှု ပြုလုပ် appeared first on Khit Thit Media.

အကြမ်းဖက် မြန်မာစစ်တပ်က မတရား ဖမ်းဆီးထိန်းသိမ်းထားသော ဒေါ်အောင်ဆန်းစုကြည် နှင့် နိုင်ငံရေးအကျဉ်းသားများ လွတ်မြောက်ရေးအတွက် နိုင်ငံ တကာ လွှတ်တော်အမတ် ၁၃၄ ဦးက အာဆီယံဥက္ကဋ္ဌဖိလစ်ပိုင်နိုင်ငံထံသို့ အိတ်ဖွင့်ပေးပို့တောင်းဆိုလိုက်ကြသည်။

ယနေ့ ဇွန်လ ၁၉ ရက်တွင် ကျရောက်သော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အသက် ၈၁ နှစ်ပြည့် မွေးနေ့အထိမ်းအမှတ်အဖြစ် ဒေါ်အောင်ဆန်းစုကြည်နှင့်အတူ မြန်မာနိုင်ငံရှိ မတရားဖမ်းဆီးခံထားရသော နိုင်ငံရေးအကျဉ်းသားအားလုံးကို ခြွင်းချက်မရှိ ချက်ချင်းလွှတ်ပေးရန် အာဆီယံနှင့် အဖွဲ့ဝင်နိုင်ငံများအနေဖြင့် စစ်ကောင်စီအား ဖိအားပေးတောင်းဆိုရန် ကမ္ဘာ့နိုင်ငံပေါင်း ၁၁ နိုင်ငံမှ လက်ရှိနှင့် အငြိမ်းစား လွှတ်တော်အမတ် ၁၃၄ ဦးက စုပေါင်း၍ အာဆီယံဥက္ကဋ္ဌထံ အိတ်ဖွင့်ပေးစာတစ်စောင် ပေးပို့တောင်းဆိုလိုက်ကြခြင်းဖြစ်သည်။

အာဆီယံလူ့အခွင့်အရေးဆိုင်ရာ လွှတ်တော်အမတ်များအဖွဲ့ (APHR) နှင့်အတူ ဩစ တြေးလျ၊ ကမ္ဘောဒီးယား၊ အင်ဒိုနီးရှား၊ အီတလီ၊ မလေးရှား၊ မြန်မာ၊ ဖိလစ်ပိုင်၊ စင်ကာပူ၊ တောင်အာဖရိက၊ ထိုင်းနှင့် တီမောလက်စ်တေနိုင်ငံတို့မှ လွှတ်တော်အမတ်များသည် ၂၀၂၆ ခုနှစ် အာဆီယံဥက္ကဋ္ဌဖြစ်သူ ဖိလစ်ပိုင်သမ္မတ ဖာဒီနန် မားကော့စ် ဂျူနီယာ (Ferdinand R. Marcos Jr.) နှင့် အာဆီယံခေါင်းဆောင်များထံ အိတ်ဖွင့်ပေးစာ ပေးပို့ခဲ့ခြင်းဖြစ်သည်။

အဆိုပါ စာပေးပို့သော လှုပ်ရှားမှာ ဒေါ်အောင်ဆန်းစုကြည် သက်ရှိထင်ရှားရှိကြောင်း သက်သေပြရေး (Proof of Life)” နှင့် “81 for 81” လှုပ်ရှားမှုများကို ဝန်းရံထောက်ခံခြင်းလည်း ဖြစ်သည်။

၂၀၂၁ ခုနှစ် ဖေဖော်ဝါရီလ ၁ ရက် စစ်အာဏာသိမ်းချိန်မှစ၍ လက်ရှိအချိန်အထိ ပြည်သူ ၃၁,၁၄၁ ဦးထက်မနည်း ဖမ်းဆီးခံခဲ့ရပြီး ၂၂,၀၀၀ ကျော်မှာ ဆက်လက်ထိန်းသိမ်းခံထားရဆဲ ဖြစ်သည်။ ထို့ပြင် ဒီမိုကရေစီအရေးလှုပ်ရှားသူများနှင့် အရပ်သား ၇,၈၀၀ ကျော် သတ်ဖြတ်ခံခဲ့ရသည်။

၂၀၂၆ ခုနှစ် ဧပြီလတွင် ဒေါ်အောင်ဆန်းစုကြည်အား ထောင်မှ နေပြည်တော်ရှိ လျှို့ဝှက်နေရာတစ်ခုသို့ နေအိမ်အကျယ်ချုပ်အဖြစ် ပြောင်းရွှေ့ခဲ့သည်ဟူသော သတင်းများထွက်ပေါ်လာပြီးနောက်၊ ၎င်း၏ ကျန်းမာရေးအခြေအနေနှင့်ပတ်သက်၍ မိသားစုဝင်များနှင့် ရှေ့ နေများအား တွေ့ဆုံခွင့် ပိတ်ပင်ထားဆဲ ဖြစ်သဖြင့် သက်ရှိထင်ရှားရှိကြောင်း သက်သေပြရန် အရေးပေါ်လိုအပ်နေသည်။

နိုင်ငံတကာအမတ်များ၏ အိတ်ဖွင့်ပေးစာတွင် အာဆီယံခေါင်းဆောင်များအနေဖြင့် မြန်မာ့အရေးကို ထိရောက်ပြတ်သားစွာ ကိုင်တွယ်ရန် တိုက်တွန်းထားပြီး ဒေါ်အောင်ဆန်းစုကြည်နှင့် နိုင်ငံရေးအကျဉ်းသားအားလုံးကို စစ်ကောင်စီက ခြွင်းချက်မရှိ ချက်ချင်းလွှတ်ပေးရန် အာဆီယံအနေဖြင့် တရားဝင် ပြတ်ပြတ်သားသား တောင်းဆိုရန် တိုက်တွန်းထားသည်။

ယင်းအပြင် စစ်ကောင်စီနှင့် မည်သည့်တွေ့ဆုံဆွေးနွေးမှုမျိုးမဆို မလုပ်ဆောင်မီ ဒေါ်အောင်ဆန်းစုကြည်အား လူထုရှေ့မှောက်သို့ တရားဝင် ထုတ်ပြရမည်ဖြစ်ပြီး၊ ၎င်း၏ မိသားစု၊ ရှေ့နေများနှင့် လွတ်လပ်သော ဆေးကုသရေးအဖွဲ့များကို ချက်ချင်း အတား အဆီးမရှိ တွေ့ဆုံခွင့်ပေးရန် ကနဦးစည်းကမ်းချက်အဖြစ် သတ်မှတ်ရန်လည်း ဆက်လက် တောင်းဆိုထားသည်။

အာဆီယံ၏ ဘုံသဘောတူညီချက် ၅ ချက်အတိုင်း တိုးတက်မှုရှိမှသာ စစ်ကောင်စီကို ဆက်ဆံရန်ဖြစ်ပြီး၊ နိုင်ငံရေးအကျဉ်းသားများလွှတ်ပေးရေး၊ အကြမ်းဖက်မှုရပ်တန့်ရေးနှင့် အားလုံးပါဝင်သည့် နိုင်ငံရေးဆွေးနွေးပွဲများ ဖြစ်ပေါ်လာရေးတို့တွင် သိသာထင်ရှားသော တိုးတက်မှုများ မပြသနိုင်ပါက စစ်ကောင်စီကို ဆက်လက်အသိအမှတ်မပြုရန်၊ အာဆီယံအနေဖြင့် ဒေသတွင်းစည်းလုံးညီညွတ်မှုကို ပြသပြီး အရှေ့တောင်အာရှပြည်သူများ အခက် ခဲဆုံးအချိန်တွင် အားကိုးထိုက်သော အဖွဲ့အစည်းတစ်ခုဖြစ်ကြောင်း သက်သေပြရန် အခွင့်အရေးကို အရယူရန် နိုင်ငံတကာအမတ်များက တိုက်တွန်းထားသည်။

The post ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများ လွတ်မြောက်ရေးအတွက် နိုင်ငံတကာ လွှတ်တော်အမတ် ၁၃၄ ဦးက အာဆီယံဥက္ကဋ္ဌထံသို့ အိတ်ဖွင့်ပေးပို့ appeared first on Khit Thit Media.

စစ်ကိုင်းတိုင်း၊ မုံရွာမြို့ပေါ်တွင် နှင်းဆီလှုပ်ရှားမှု ပြုလုပ်ပြီးနောက် အကြမ်းဖက် စစ်တပ်က မြို့ကို ပိတ်ဆို့၍ ရှာဖွေ စစ်ဆေးမှုများ လုပ်ဆောင်နေကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဇွန်လ ၁၈ ရက်နေ့တွင် အကြမ်းဖက် စစ်တပ်၏ အနောက်မြောက်တိုင်း စစ်ဌာနချုပ်တည်ရှိရာ မုံရွာမြို့ပေါ်တွင် စစ်တပ်က အစစ်အဆေးများ၊ နှင်းဆီပန်း ဝယ်ယူသူများ၊ သယ်ယူခွင့်များကို ပိတ်ဆို့ထားသည့် ကြားမှ ပြည်သူလူထု၏ အကူအညီဖြင့် နှင်းဆီလှုပ်ရှားမှုကို မုံရွာလူထုသပိတ်တိုက်ပွဲ ဦးဆောင်ကော်မတီက အောင်မြင်စွာဖော်ဆောင်နိုင်ခဲ့ခြင်းဖြစ်ကြောင်း သိရသည်။

ထိုသို့ လှုပ်ရှားမှု ပြုလုပ်ပြီးနောက် အကြမ်းဖက် စစ်တပ်က မုံရွာမြို့ပေါ်တွင် လက်ရှိညပိုင်းအထိ ပိတ်ဆို့ စစ်ဆေးမှုများ၊ လိုက်လံ ရှာဖွေ စစ်ဆေးမှုများ ပြုလုပ်နေပြီး မြို့နေ ပြည်သူများ နှင်းဆီလှုပ်ရှားမှုတွင် မပါဝင်နိုင်ရန် ပုံသဏ္ဍန်မျိုးစုံဖြင့် စစ်ဆေးဆောင်ရွက်နေကြောင်း သိရှိရသည်။

ထို့ကြောင့် မုံရွာမြို့ခံ ပြည်သူများအနေဖြင့် လုံခြုံရေးအထူးဂရုပြုကာ အကြမ်းဖက်စစ်တပ်ကြောက်သည့် နှင်းဆီလှုပ်ရှားမှုကို ညဏ်နှင့်ယှဥ်၍ ပါဝင် တော်လှန်ကြရန် မုံရွာလူထုသပိတ်တိုက်ပွဲဦးဆောင်ကော်မတီက တိုက်တွန်းနှိုးဆော်ထားကြောင်း သိရသည်။

“မြို့ထဲမှာ နှင်းဆီလှုပ်ရှားမှု ပြုလုပ်သွားတာ သိလားဆိုပြီး စစ်ခွေးတွေက လိုက်မေးပြီး ရှာဖွေနေတယ်။ အခုညထိ စစ်ခွေးတွေ မြို့ပေါ်မှာ ခြေရှုပ်နေတုန်းပဲ” ဟု ဒေသပြည်သူတစ်ဦးက ပြောဆိုသည်။

နှင်းဆီ လှုပ်ရှားမှုကို ဇွန်လ ၁၉ ရက်နေ့တွင် ပြည်တွင်း ပြည်ပ ပြည်သူတစ်ရပ်လုံး ဒေသနှင့် လုံခြုံရေးအခြေအနေများ အလိုက် နှင်းဆီပန်း (သို့မဟုတ်) ရရှိနိုင်တဲ့ အခြားပန်းတစ်မျိုးမျိုးကို ဘုရားတင်ခြင်း၊ ပန်ဆင်ခြင်း၊ အပြန်အလှန် ဝေငှခြင်းများ ပြုလုပ်ခြင်း၊ Online ကမ်ပိန်းအဖြစ် ပန်း ပန်ဆင်ထားခြင်း၊ ကိုင်ဆောင်ထားခြင်းများဖြင့် ပန်းဓာတ်ပုံများကို Social Media ပေါ်တွင် တင်ပြီး အွန်လိုင်းမှ ပါဝင်ခြင်း၊ မြေပြင်သပိတ်လှုပ်ရှားမှုများတွင် နှင်းဆီပန်းများ ကိုင်ဆောင်ပြီး ပါဝင်ခြင်းများ ပြုလုပ်ကြရန် အထွေထွေသပိတ် ပေါင်းစပ်ညှိနှိုင်းရေးအင်အားစုက အသိပေးပြောဆိုထားသည်

The post မုံရွာမြို့ပေါ်တွင် နှင်းဆီလှုပ်ရှားမှု ပြုလုပ်ပြီးနောက် စစ်တပ်က မြို့ကို ပိတ်ဆို့၍ ရှာဖွေ စစ်ဆေးမှုများ လုပ်ဆောင်နေ appeared first on Khit Thit Media.

မနက်ဖြန် ဇွန်လ ၁၉ ရက်နေ့တွင် ကျရောက်မည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၈၁ နှစ်ပြည့် မွေးနေ့ အကြို အထိမ်းအမှတ် နှင်းဆီလှုပ်ရှားမှုများကို ယနေ့တွင် စတင်ပြုလုပ်နေကြသည်။

ရွှေဘို၊ကလေးမြို့ အပါအဝင် စစ်ကိုင်းတိုင်းအတွင်းရှိ မြို့နယ်များ၊ PDF တပ်ရင်းများတွင် ယနေ့မှစတင်၍ ဒေါ်အောင်ဆန်းစုကြည်၏ အသက် ၈၁ နှစ်ပြည့် မွေးနေ့အကြိုအထိမ်း အမှတ်ကို လုပ်ဆောင်ကြရန် ဇွန်လ ၁၉ ရက်နေ့ တစ်နိုင်ငံလုံး နှင်းဆီလှုပ်ရှားမှုများတွင် ပါဝင်ကြရန် နှိုးဆော်ကြခြင်းဖြစ်သည်။

ပြည်တွင်း၊ ပြည်ပရှိ ပြည်သူလူထုတစ်ရပ်လုံး ပါဝင်မည့် “နိုင်ငံတကာလှုပ်ရှားမှု – ROSE Movement: Roses of Hope” သို့မဟုတ် နှင်းဆီလှုပ်ရှားမှုကို ဒေါ်အောင်ဆန်းစုကြည်၏ မွေးနေ့ဖြစ်သော လာမည့် ဇွန်လ ၁၉ ရက်နေ့တွင် တစ်ခဲနက် ဆင်နွှဲသွားမည်ဖြစ်ကြောင်း တော်လှန်ရေးအင်အားစုများက တရားဝင် ထုတ်ပြန်ကြေညာထားသည်။

အဆိုပါ လှုပ်ရှားမှုကြီးသည် ၂၀၂၆ ခုနှစ်၏ ပထမဦးဆုံးသော နိုင်ငံလုံးဆိုင်ရာ လူထုလှုပ်ရှားမှုကြီးဖြစ်ပြီး အွန်လိုင်းနှင့် မြေပြင်အပြင် မိမိဒေသနှင့် ရန်သူ့ဒေသပါမကျန် အသွင်သဏ္ဌာန်မျိုးစုံဖြင့် ဖော်ဆောင်သွားမည်ဖြစ်ကာ မဏ္ဍိုင်လှုပ်ရှားမှုကို “Proof of Life” ကမ်ပိန်းနှင့်လည်း အတူပူးတွဲ၍ လှုပ်ရှားစည်းရုံးသွားမည်ဖြစ်သည်။

ယခုလှုပ်ရှားမှု၏ ကြွေးကြော်သံအဖြစ် “အမေစုနှင့်အတူ ဆက်လက်တိုက်ပွဲဝင်ကြ” ဟု သတ်မှတ်ထားပြီး ပြည်သူလူထုအနေဖြင့် ဇွန်လ ၁၉ ရက်နေ့တွင် မိမိတို့ သက်ဆိုင်ရာဒေသ၏ လုံခြုံရေးအခြေအနေများအရ အောက်ပါနည်းလမ်းများဖြင့် ပါဝင်လှုပ်ရှားနိုင်ကြောင်း သိရသည်။

ပြည်သူများအနေဖြင့် ဘုရားတင်/ပန်ဆင်ခြင်း – နှင်းဆီပန်း (သို့မဟုတ်) လက်လှမ်းမီရာ အခြားပန်းတစ်မျိုးမျိုးကို ဘုရားတင်ခြင်း၊ ပန်းဆင်ခြင်းနှင့် အပြန်အလှန် ဝေငှခြင်းများ ပြုလုပ်ရန်၊ Online ကမ်ပိန်းလုပ်ခြင်း၊ မိမိတို့ ပန်ဆင် သို့မဟုတ် ကိုင်ဆောင်ထားသည့် ပန်းဓာတ်ပုံများကို လူမှုကွန်ရက်စာမျက်နှာ (Social Media) ပေါ်တွင် တင်ပြီး အွန်လိုင်းမှ ပါဝင်ရန်တို့ လုပ်ဆောင်နိုင်ကြောင်း သိရှိရသည်။

လွတ်မြောက်နယ်မြေများရှိ မြေပြင်လှုပ်ရှားမှုအဖြစ် မြေပြင်လူထုသပိတ်လှုပ်ရှားမှုများတွင် နှင်းဆီပန်းများ ကိုင်ဆောင်ပြီး ဆန္ဒပြပါဝင်နိုင်သည်ဟု သိရှိရသည်။

ယင်းလှုပ်ရှားမှုမှတစ်ဆင့် လူထုခေါင်းဆောင် အမေစုနှင့်တကွ နိုင်ငံရေးအကျဉ်းသားများအားလုံး ခြွင်းချက်မရှိ ချက်ချင်းလွှတ်ရန်၊ အဓမ္မစစ်မှုထမ်းဥပဒေကို ချက်ချင်းဖျက်သိမ်းရန်နှင့် မြန်မာပြည်၏ သမ္မတသည် ဦးဝင်းမြင့် ဖြစ်ပြီး ဒေါ်အောင်ဆန်းစုကြည်သည် နိုင်ငံတော်၏ အတိုင်ပင်ခံပုဂ္ဂိုလ် ဖြစ်ကြောင်း ထပ်လောင်းအတည်ပြုဖော်ပြရန်ဟူသော လူထု၏ ကြေညာချက် ၃ ရပ်ကို လူထုအသံအဖြစ် ဖော်ထုတ်ပြသသွားမည် ဖြစ်သည်

The post နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၈၁ နှစ်ပြည့် မွေးနေ့ အကြို အထိမ်းအမှတ် နှင်းဆီလှုပ်ရှားမှုများ ပြုလုပ် appeared first on Khit Thit Media.

မြန်မာနိုင်ငံတွင် တိုက်ပွဲများ ဖြစ်ပွားနေသရွေ့ နိုင်ငံရေးအဖြေရှာမှုနှင့် ဒီမိုကရေစီ ပြန်လည်ဖော်ဆောင်ရေး ကြိုးပမ်းမှုများ မအောင်မြင်နိုင်သောကြောင့် အာဆီယံအနေဖြင့် ချည်းကပ်ပုံ သုံးသပ်ပြောင်းလဲရန် အရှေ့တီမောသမ္မတ ဒေါက်တာ ဟိုဆေး ရာမို့စ်-ဟော်တာ (José Ramos-Horta) က သတိပေးပြောဆိုသည်။

ဇွန်လ ၁၆ ရက်နေ့ မလေးရှားနိုင်ငံ ကွာလာလမ်ပူမြို့တွင် ကျင်းပသည့် “Navigating Turbulent Times, Pursuing Peace” ခေါင်းစဉ်ဖြင့် လူထုဟောပြောပွဲအပြီး သတင်း ထောက်များ၏ မေးမြန်းမှုကို ဖြေကြားရာတွင် ၎င်းက အထက်ပါအတိုင်း ပြောဆိုလိုက်ခြင်းဖြစ်သည်။

အရှေ့တီမော သမ္မတ ဒေါက်တာ ဟိုဆေး ရာမို့စ်-ဟော်တာ (José Ramos-Horta) က မြန်မာနိုင်ငံအရေးနှင့်ပတ်သက်၍ အာဆီယံအနေဖြင့် လက်ရှိချဉ်းကပ်ပုံကို ပြန်လည်သုံးသပ်သင့်ကြောင်း၊ ဒီမိုကရေစီ ပြန်လည်ထူထောင်ရေးထက် လက်နက်ကိုင်ပဋိပက္ခများ ရပ်တန့်ရေးကို ဦးစားပေးဆောင်ရွက်သင့်ကြောင်း ပြောကြားလိုက်သည်။

အရှေ့တီမောသမ္မတက မြန်မာနိုင်ငံတွင် တိုက်ပွဲများ ဆက်လက်ဖြစ်ပွားနေသရွေ့ နိုင်ငံရေးအဖြေရှာမှုများနှင့် ဒီမိုကရေစီ ပြန်လည်ဖော်ဆောင်ရေး ကြိုးပမ်းမှုများ အောင်မြင်နိုင်မည်မဟုတ်ကြောင်း ပြောသည်။

“ပထမဆုံး လုပ်ရမှာက တိုက်ပွဲတွေ ရပ်ဖို့ပါ။ ဒုတိယအဆင့်ကလည်း တိုက်ပွဲတွေ ရပ်အောင် ဆက်လုပ်ရမယ်။ ပြီးတော့ လူသားချင်းစာနာထောက်ထားမှု အခြေအနေတွေကို ပုံမှန်ပြန်ဖြစ်လာအောင် ဆောင်ရွက်ရမယ်။ အစိုးရမဟုတ်တဲ့ အဖွဲ့အစည်းတွေ၊ နိုင်ငံတကာအဖွဲ့အစည်းတွေ၊ အိမ်နီးချင်းနိုင်ငံတွေ ဝင်ရောက်ကူညီနိုင်အောင် လုပ်ရမယ်။ နိုင်ငံရေးကိစ္စတွေကိုတော့ နောက်မှ ဆက်ဆွေးနွေးနိုင်တယ်” ဟု ၎င်းက ဆိုသည်။

ထို့ပြင် “မြန်မာနိုင်ငံမှာ စစ်တပ်နဲ့ အခြားအင်အားစုတွေက တိုက်ပွဲတွေ ရပ်ဖို့ သဘောတူနိုင်မယ်ဆိုရင် ဒီမိုကရေစီက ခဏစောင့်လို့ရတယ်” ဟု အရှေ့တီမောသမ္မတက ဆက်လက်ပြောဆိုသည်။

နိုဘယ်ငြိမ်းချမ်းရေးဆုရှင်ဖြစ်သူ ရာမို့စ်-ဟော်တာက ၎င်း၏ အမြင်မှာ အငြင်းပွားဖွယ် ဖြစ်နိုင်သော်လည်း ကမ္ဘာတစ်ဝန်းရှိ ငြိမ်းချမ်းရေးလုပ်ငန်းစဉ်များတွင် ဦးစားပေးအဆင့်များ ခွဲခြားသတ်မှတ်ပြီး ဆောင်ရွက်ရခြင်းမှာ ပုံမှန်ဖြစ်ကြောင်း ရှင်းပြသည်။

မြန်မာနိုင်ငံ၏ ပဋိပက္ခသည် ကမ္ဘာပေါ်တွင် အရှုပ်ထွေးဆုံး ပဋိပက္ခများအနက် တစ်ခုဖြစ် ကြောင်း၊ အခြားနိုင်ငံများရှိ လက်နက်ကိုင်ပုန်ကန်မှုများနှင့် မတူဘဲ တိုင်းရင်းသားလက် နက်ကိုင်အဖွဲ့အစည်း အများအပြား ပါဝင်နေခြင်းကြောင့် ဖြေရှင်းရန် ခက်ခဲနေကြောင်းသူက ရှင်းလင်း ပြောဆိုသည်။

“ကျွန်တော် သိသလောက် ကမ္ဘာပေါ်မှာ လက်နက်ကိုင်အဖွဲ့ ၁၈ ဖွဲ့လောက် ပါဝင်နေတဲ့ ပဋိပက္ခမျိုးက မြန်မာနိုင်ငံပဲ ရှိတယ်” ဟု ၎င်းက ဆိုသည်။

ယင်းကဲ့သို့ ရှုပ်ထွေးသော အခြေအနေကြောင့် ဒေသတွင်းနှင့် နိုင်ငံတကာအင်အားစုများက နှစ်ပေါင်းများစွာ ကြားဝင်ဆောင်ရွက်ခဲ့သော်လည်း ရေရှည်တည်တံ့သည့် ငြိမ်းချမ်းရေးသဘောတူညီချက် မရရှိသေးကြောင်းလည်း ၎င်းက သုံးသပ်သည်။

ထို့အပြင် အာဆီယံအနေဖြင့် မြန်မာနိုင်ငံအရေးတွင် ယုံကြည်လေးစားခံရသော ကြားနေပုဂ္ဂိုလ်တစ်ဦးကို တာဝန်ပေး၍ ဆွေးနွေးညှိနှိုင်းမှုများ ဆောင်ရွက်စေသင့်ကြောင်း အကြံ ပြုခဲ့သည်။

ကမ္ဘောဒီးယားနိုင်ငံ၏ ပဋိပက္ခကို ၁၉၈၀ ပြည့်နှစ်များနှင့် ၁၉၉၀ ပြည့်နှစ်များအစောပိုင်းတွင် အာဆီယံက ကူညီဖြေရှင်းခဲ့သည့် အတွေ့အကြုံကို ကိုးကား၍ အောင်မြင်သော ငြိမ်း ချမ်းရေးဆောင်ရွက်မှုများတွင် ပြိုင်ဘက်အင်အားစုများကို မျက်နှာမပျက် ထွက်ပေါက်ပေးနိုင်သည့် ဩဇာကြီးမားသော ပုဂ္ဂိုလ်များ လိုအပ်ကြောင်း သူက ထောက်ပြသည်။

“ငြိမ်းချမ်းရေးရနိုင်တယ်။ ဒါပေမယ့် အာဏာသက်ရောက်မှု မြင့်မားတဲ့ လူတစ်ယောက် ပါဝင်ရမယ်။ ဥပမာ ဒေသတွင်းက အငြိမ်းစား ကြယ်လေးပွင့်ဗိုလ်ချုပ်တစ်ယောက်လိုမျိုး” ဟု သူက ဆိုသည်။

သမ္မတ ရာမို့စ်-ဟော်တာက မြန်မာနိုင်ငံအတွင်း ဖြစ်ပွားနေသော ပဋိပက္ခသည် နိုင်ငံအတွင်းသာမက အိမ်နီးချင်းနိုင်ငံများအပေါ်တွင်လည်း ဒုက္ခသည်အရေးနှင့် လူသားချင်းစာနာမှုဆိုင်ရာ အခက်အခဲများကို ပိုမိုဖိအားပေးနေကြောင်း သတိပေးသည်။

အထူးသဖြင့် ရိုဟင်ဂျာအရေးကို လျစ်လျူရှုထား၍ မြန်မာနိုင်ငံ၏ အနာဂတ်ကို ဆွေးနွေးမည်ဆိုပါက မည်သည့် ငြိမ်းချမ်းရေးသဘောတူညီချက်မဆို ပြည့်စုံမည်မဟုတ်ကြောင်း ၎င်းက ပြောကြားသည်။

“ရိုဟင်ဂျာပြဿနာကို မဖြေရှင်းဘဲ မြန်မာနိုင်ငံပြဿနာကို ဖြေရှင်းလို့ မရနိုင်ဘူး” ဟု ၎င်းက ဆိုသည်။

နေပြည်တော်ရှိ အာဏာပိုင်များအနေဖြင့် မြန်မာ နိုင်ငံ၏ မတည်ငြိမ်မှုသည် အိမ်နီးချင်းနိုင်ငံများအတွက် ဝန်ထုပ်ဝန်ပိုးတစ်ခု ဖြစ်လာနေကြောင်း အသိအမှတ်ပြုသင့်ကြောင်း သူက တိုက်တွန်းသည်။

“မြန်မာနိုင်ငံမှာ လုပ်နေတဲ့အရာတွေ၊ မလုပ်ချင်တဲ့အရာတွေဟာ အိမ်နီးချင်းနိုင်ငံတွေအတွက် ဝန်ထုပ်ဝန်ပိုး ဖြစ်စေတယ်။ ဒါဟာ အိမ်နီးချင်းနိုင်ငံတွေကို မတည်ငြိမ်စေတယ်။ အခု အာဏာကို ကိုင်ထားတဲ့သူတွေထဲက တစ်ယောက်ယောက်က သမိုင်းဝင် ဆုံးဖြတ်ချ က်တစ်ခု ချပြီး အားလုံးကို စည်းလုံးညီညွတ်အောင် လုပ်ဆောင်သင့်တယ်” ဟု သူက ရှင်းပြသည်။

အရှေ့တီမောနိုင်ငံသည် အမျိုးသားညီညွတ်ရေးအစိုးရ (NUG) နှင့် ထိတွေ့ဆက်ဆံမှုများရှိနေပြီး မြန် မာစစ်ဗိုလ်ချုပ်များကို စစ်ရာဇဝတ်မှုများဖြင့် တရားစွဲဆိုထားခြင်းကို လက်ခံထားသဖြင့် လက်ရှိတွင် စစ်ကောင်စီနှင့် သံတမန် ရေးအရ တင်းမာမှုများ ဖြစ်ပွားနေသော အာဆီယံအဖွဲ့ဝင်နိုင်ငံတစ်ခုဖြစ် သည်။

The post မြန်မာနိုင်ငံတွင် တိုက်ပွဲများ ဖြစ်ပွားနေသရွေ့ နိုင်ငံရေးအဖြေရှာမှုနှင့် ဒီမိုကရေစီ ပြန်လည်ဖော်ဆောင်ရေး မအောင်မြင်နိုင်သောကြောင့် အာဆီယံအနေဖြင့် ချည်းကပ်ပုံ ပြောင်းလဲရန် အရှေ့တီမောသမ္မတ သတိပေး appeared first on Khit Thit Media.

အကြမ်းဖက်စစ်တပ်၏ စောင့်ကြည့်ဖိနှိပ်မှုများကြားမှ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၈၁ နှစ်ပြည့် မွေးနေ့ အကြို အထိမ်းအမှတ် နှင်းဆီလှုပ်ရှားမှုကို ရန်ကုန်မြို့၏ အထင်ကရနေရာများနှင့် လမ်းမများတွင် စတင်စီးကူးဖော်ဆောင်လျက်ရှိကြောင်း သိရသည်။

ရန်ကုန်မြို့ပေါ်တွင် စစ်အုပ်စုက အကြောက်တရားဖြင့် တားမြစ်ပိတ်ပင်ထားသည့် နှင်းဆီပန်းများကို မြင်တွေ့နိုင်ရန် တော်လှန်ရေးအင်အားစုများက ကြိုးပမ်းလုပ်ဆောင်ခဲ့ကြခြင်း ဖြစ်သည်။

တစ်ပြိုင်နက်တည်းမှာပင် စစ်အာဏာရှင်တော်လှန်ရေး လုပ်ငန်းစဉ်များကို တန်ပြန်ပံ့ပိုးပေးရန်နှင့် နိုင်ငံရေးအကျဉ်းသားများအားလုံး လွတ်မြောက်ရေးအတွက် ပြည်တွင်း၊ ပြည်ပရှိ ပြည်သူလူထုတစ်ရပ်လုံး ပါဝင်မည့် “နိုင်ငံတကာလှုပ်ရှားမှု – ROSE Movement: Roses of Hope” သို့မဟုတ် နှင်းဆီလှုပ်ရှားမှုကို ဒေါ်အောင်ဆန်းစုကြည်၏ မွေးနေ့ဖြစ်သော လာမည့် ဇွန်လ ၁၉ ရက်နေ့တွင် တစ်ခဲနက် ဆင်နွှဲသွားမည်ဖြစ်ကြောင်း တရားဝင် ထုတ်ပြန်ကြေညာထားသည်။

အဆိုပါ လှုပ်ရှားမှုကြီးသည် ၂၀၂၆ ခုနှစ်၏ ပထမဦးဆုံးသော နိုင်ငံလုံးဆိုင်ရာ လူထုလှုပ်ရှားမှုကြီးဖြစ်ပြီး အွန်လိုင်းနှင့် မြေပြင်အပြင် မိမိဒေသနှင့် ရန်သူ့ဒေသပါမကျန် အသွင်သဏ္ဌာန်မျိုးစုံဖြင့် ဖော်ဆောင်သွားမည်ဖြစ်ကာ မဏ္ဍိုင်လှုပ်ရှားမှုကို “Proof of Life” ကမ်ပိန်းနှင့်လည်း အတူပူးတွဲ၍ လှုပ်ရှားစည်းရုံးသွားမည်ဖြစ်သည်။

ယခုလှုပ်ရှားမှု၏ ကြွေးကြော်သံအဖြစ် “အမေစုနှင့်အတူ ဆက်လက်တိုက်ပွဲဝင်ကြ” ဟု သတ်မှတ်ထားပြီး ပြည်သူလူထုအနေဖြင့် ဇွန်လ ၁၉ ရက်နေ့တွင် မိမိတို့ သက်ဆိုင်ရာဒေသ၏ လုံခြုံရေးအခြေအနေများအရ အောက်ပါနည်းလမ်းများဖြင့် ပါဝင်လှုပ်ရှားနိုင်ကြောင်း သိရသည်။

ပြည်သူများအနေဖြင့် ဘုရားတင်/ပန်ဆင်ခြင်း – နှင်းဆီပန်း (သို့မဟုတ်) လက်လှမ်းမီရာ အခြားပန်းတစ်မျိုးမျိုးကို ဘုရားတင်ခြင်း၊ ပန်းဆင်ခြင်းနှင့် အပြန်အလှန် ဝေငှခြင်းများ ပြုလုပ်ရန်၊ Online ကမ်ပိန်းလုပ်ခြင်း၊ မိမိတို့ ပန်ဆင် သို့မဟုတ် ကိုင်ဆောင်ထားသည့် ပန်းဓာတ်ပုံများကို လူမှုကွန်ရက်စာမျက်နှာ (Social Media) ပေါ်တွင် တင်ပြီး အွန်လိုင်းမှ ပါဝင်ရန်တို့ လုပ်ဆောင်နိုင်ကြောင်း သိရှိရသည်။

လွတ်မြောက်နယ်မြေများရှိ မြေပြင်လှုပ်ရှားမှုအဖြစ် မြေပြင်လူထုသပိတ်လှုပ်ရှားမှုများတွင် နှင်းဆီပန်းများ ကိုင်ဆောင်ပြီး ဆန္ဒပြပါဝင်နိုင်သည်ဟု သိရှိရသည်။

ယင်းလှုပ်ရှားမှုမှတစ်ဆင့် လူထုခေါင်းဆောင် အမေစုနှင့်တကွ နိုင်ငံရေးအကျဉ်းသားများအားလုံး ခြွင်းချက်မရှိ ချက်ချင်းလွှတ်ရန်၊ အဓမ္မစစ်မှုထမ်းဥပဒေကို ချက်ချင်းဖျက်သိမ်းရန်နှင့် မြန်မာပြည်၏ သမ္မတသည် ဦးဝင်းမြင့် ဖြစ်ပြီး ဒေါ်အောင်ဆန်းစုကြည်သည် နိုင်ငံတော်၏ အတိုင်ပင်ခံပုဂ္ဂိုလ် ဖြစ်ကြောင်း ထပ်လောင်းအတည်ပြုဖော်ပြရန်ဟူသော လူထု၏ ကြေညာချက် ၃ ရပ်ကို လူထုအသံအဖြစ် ဖော်ထုတ်ပြသသွားမည် ဖြစ်သည်။

The post ရန်ကုန်မြို့တွင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၈၁ နှစ်ပြည့် မွေးနေ့ အကြို အထိမ်းအမှတ် နှင်းဆီ လှုပ်ရှားမှု ပြုလုပ် appeared first on Khit Thit Media.

မြေပြင်တွင် ထင်သာမြင်သာရှိသော တိုးတက်မှုတစ်စုံတစ်ရာ မပြသနိုင်ဘဲ အာဆီယံအဖွဲ့ဝင်နိုင်ငံအချို့က မြန်မာစစ်ကောင်စီနှင့် သီးခြားစီ သွားရောက်တွေ့ဆုံနေခြင်းသည် စစ်ကောင်စီကို တရားဝင်မှု ပေးလိုက်သကဲ့သို့ ဖြစ်သွားနိုင်ပြီး အာဆီယံ၏ ဂုဏ်သိက္ခာနှင့် စည်းလုံးညီညွတ်မှုကို ထိခိုက်စေနိုင်ကြောင်း နိုင်ငံတကာရေးရာ ကျွမ်းကျင်သူများက သတိပေးလိုက်သည်။

အင်ဒိုနီးရှား နိုင်ငံခြားရေးဝန်ကြီး ‘ဆူဂျီယိုနို’ (Sugiono) ၏ ဇွန်လ ၈ ရက်နေ့ မြန်မာနိုင်ငံခရီးစဉ်သည် ၂၀၂၁ ခုနှစ် စစ်အာဏာသိမ်းပြီးနောက်ပိုင်း အင်ဒိုနီးရှားဝန်ကြီးတစ်ဦး၏ ပထမဆုံးအကြိမ် တရားဝင်ခရီးစဉ် ဖြစ်လာခဲ့ပြီး၊ ၎င်းသည် မြန်မာ့အရေးနှင့် ပတ်သက်၍ အာဆီယံ၏ ဆက်ဆံရေးဗျူဟာ ပြောင်းလဲလာနိုင်ခြေရှိမှုကို ထင်ဟပ်နေသည်။

လေ့လာဆန်းစစ်သူများကမူ ယခုခရီးစဉ်ကို ကြီးမားသည့် မူဝါဒအပြောင်းအလဲထက် “လက်တွေ့ကျကျ ပြန်လည်ညှိနှိုင်းခြင်း” အဖြစ်သာ ရှုမြင်ကြသည်။

မြန်မာစစ်ကောင်စီကို အထီးကျန်အောင် ပိတ်ဆို့ထားခြင်းက အာဆီယံ၏ ဘုံသဘောတူညီချက် ၅ ချက် (5PC) ငြိမ်းချမ်းရေးလုပ်ငန်းစဉ်ကို တိုးတက်မှုမရှိစေကြောင်း အဖွဲ့ဝင်နိုင်ငံများက အသိအမှတ်ပြုလာကြခြင်း ဖြစ်သည်။

အဆိုပါခရီးစဉ်သည် အာဆီယံအတွင်း ဖြစ်ပေါ်နေသော လမ်းကြောင်းသစ်တစ်ခု၏ အစိတ်အပိုင်းလည်း ဖြစ်သည်။ မကြာသေးမီကပင် ထိုင်းနိုင်ငံခြားရေးဝန်ကြီး ‘သီဟစပ်’ (Sihasak Phuangketkeow) က ဧပြီလတွင်လည်းကောင်း၊ မလေးရှား နိုင်ငံခြားရေးဝန်ကြီး ‘မိုဟာမက် ဟာဆန်’ (Mohamad Hasan) က မေလတွင်လည်းကောင်း နေပြည်တော်သို့ အသီးသီးသွားရောက်ကာ စစ်ကောင်စီနှင့် တိုက်ရိုက်ဆက်သွယ်စကားပြောနိုင်မည့် လမ်းကြောင်းများကို ရှာဖွေခဲ့ကြသည်။

အင်ဒိုနီးရှားသည် မြန်မာစစ်ကောင်စီကို အရေးယူရန် အာဆီယံအတွင်း အသံအကျယ်ဆုံး ထွက်ခဲ့သည့် နိုင်ငံဖြစ်သောကြောင့် ယခုခရီးစဉ်သည် ပိုမိုစောင့်ကြည့်ခြင်း ခံခဲ့ရသည်။

ယင်းခရီးစဉ်အတွင်း အင်ဒိုနီးရှားဝန်ကြီး ဆူဂျီယိုနိုသည် မြန်မာနိုင်ငံတွင် အားလုံးပါဝင်နိုင်ပြီး ရေရှည်တည်တံ့သော ငြိမ်းချမ်းရေးလုပ်ငန်းစဉ်ကို အင်ဒိုနီးရှားက ထောက်ခံကြောင်း သမ္မတ ပရာဘိုဝို ဆူဘီယန်တို (Prabowo Subianto) ၏ သဝဏ်လွှာကို ပေးအပ်ခဲ့ပြီး၊ စစ်ကောင်စီဥက္ကဋ္ဌ မင်းအောင်လှိုင်နှင့် ဆွေးနွေးမှုများသည် “ရင်းနှီးပွင့်လင်းပြီး တည်ဆောက်မှုဆန်သည့် အခင်းအကျင်း” တွင် ဖြစ်ပေါ်ခဲ့ကြောင်း ဖော်ပြခဲ့သည်။

စင်ကာပူအခြေစိုက် ISEAS – Yusof Ishak Institute ၏ အာဆီယံလေ့လာရေးစင်တာမှ အကြီးတန်းအရာရှိ ဂျိုအန်းလင်း (Joanne Lin) က “ဒါကို လက်တွေ့ကျကျ ပြန်လည်ညှိနှိုင်းတာလို့ မြင်နိုင်ပါတယ်။ ပိတ်ဆို့အထီးကျန်ရုံတင်နဲ့ ဘာတိုးတက်မှုမှ မရဘူးဆိုတာကို ဂျကာတာက သဘောပေါက်လာတာပါ။ အင်ဒိုနီးရှားအနေနဲ့ အာဆီယံ ဘုံသဘောတူညီချက် ၅ ချက်ကို ဆက်ပြီး ထောက်ခံနေတုန်းပဲ ဖြစ်ပေမယ့် ပြောင်းလဲလာတာကတော့ အလေးပေးတဲ့ ပုံစံပဲ ဖြစ်ပါတယ်” ဟု The Straits Times သတင်းစာသို့ ပြောကြားခဲ့သည်။

ဤသို့ ဆက်ဆံရေးလမ်းကြောင်းသစ် ရှာဖွေမှုများသည် ၂၀၂၅ ခုနှစ် ဒီဇင်ဘာလမှ ၂၀၂၆ ခုနှစ် ဇန်နဝါရီလအတွင်း ကျင်းပခဲ့သော ရွေးကောက်ပွဲများအပြီးတွင် ပေါ်ပေါက်လာခြင်း ဖြစ်သည်။ အဆိုပါရွေးကောက်ပွဲများကို အတိုက်အခံများနှင့် လူ့အခွင့်အရေးအဖွဲ့များက ပြင်းပြင်းထန်ထန် ဝေဖန်ခဲ့ကြသော်လည်း ယင်းရွေးကောက်ပွဲကြောင့် မင်းအောင်လှိုင်သည် ဧပြီလတွင် သမ္မတ ဖြစ်လာခဲ့ပြီးနောက် အာဆီယံအတွင်း မြန်မာ့ဦးဆောင်မှုကို မည်သို့ဆက်ဆံရမည်နည်းဆိုသည့် မေးခွန်းများ ထွက်ပေါ်လာခဲ့သည်။

စစ်အာဏာသိမ်းပြီးကတည်းက အာဆီယံသည် စစ်ကောင်စီခေါင်းဆောင်များကို အဆင့်မြင့်အစည်းအဝေးများ တက်ရောက်ခွင့် ပိတ်ပင်ထားခဲ့သော်လည်း တိုးတက်မှုမရှိသည့်အတွက် ချဉ်းကပ်ပုံကို ပြန်လည်သုံးသပ်လာကြခြင်း ဖြစ်သည်။ အာဆီယံ အထွေထွေအတွင်းရေးမှူးချုပ် ‘ကော်ကင်ဟွန်’ (Kao Kim Hourn) ကလည်း အာဆီယံနိုင်ငံခြားရေးဝန်ကြီးများသည် မြန်မာစစ်ကောင်စီ၏ နိုင်ငံခြားရေးဝန်ကြီးနှင့် ဗီဒီယိုကွန်ဖရင့်မှတစ်ဆင့် တွေ့ဆုံရန် သဘောတူထားကြောင်း မေလ ၈ ရက်နေ့က Reuters သို့ ပြောကြားခဲ့သည်။

ISEAS မှ ပညာရှင် ဂျူလီယာလော (Julia Lau) ကလည်း “အင်ဒိုနီးရှားရဲ့ လေသံက ပျော့ပြောင်းလာသလို ထင်ရပေမယ့် မူဝါဒတစ်ခုလုံး အခြေခံကျကျ ပြောင်းလဲသွားတာ မဟုတ်ဘူး။ မြန်မာ့အကျပ်အတည်းမှာ စေ့စပ်ညှိနှိုင်းရေးသမား သို့မဟုတ် ကြားခံအဖြစ် အင်ဒိုနီးရှားက အခန်းကဏ္ဍတစ်ခုကနေ ဆက်ပြီး ပါဝင်နိုင်ဦးမယ်လို့ ယုံကြည်နေဆဲဖြစ်တာ ထင်ရှားပါတယ်” ဟု သုံးသပ်သည်။

စင်ကာပူနိုင်ငံ Solaris Strategies မှ အကြီးတန်းနိုင်ငံတကာရေးရာဆန်းစစ်သူ ဒေါက်တာ မူစတာဖာ အစ်ဇူဒင် (Dr Mustafa Izzuddin) က “ရလဒ်က အောင်မြင်သည်ဖြစ်စေ၊ မအောင်မြင်သည်ဖြစ်စေ မြန်မာ့အရေး ဖြေရှင်းဖို့ ဆက်လက်ကြိုးပမ်းနေတဲ့ အင်ဒိုနီးရှားကို အသိအမှတ်ပြုရပါမယ်။ သမ္မတ ပရာဘိုဝို လက်ထက်မှာ အင်ဒိုနီးရှားဟာ ပဋိပက္ခတွေကို လူသားချင်းစာနာမှုဖြင့် ဝင်ရောက်ဖြေရှင်းပေးမယ့် လက်တွေ့ကျတဲ့ မဇ္ဈိမအင်အားကြီးနိုင်ငံ (Middle Power) အဖြစ် ပုံဖော်နေတာ ဖြစ်ပါတယ်” ဟု ဆိုသည်။

အင်ဒိုနီးရှား လေ့လာစောင့်ကြည့်သူအချို့ကမူ အင်ဒိုနီးရှား၏ နိုင်ငံရေးအတိတ်သမိုင်း (၁၉၉၈ ခုနှစ်နောက်ပိုင်း စစ်တပ်က နိုင်ငံရေးမှ တဖြည်းဖြည်းဆုတ်ခွာပြီး နောက်ပိုင်းတွင် စစ်ဘက်ခေါင်းဆောင်ဟောင်းများ ရွေးကောက်ပွဲမှတစ်ဆင့် အရပ်သားအစိုးရအဖြစ် ပြန်လည်တက်လာသည့် ဖြစ်စဉ်) သည် မြန်မာ့အရေး စဉ်းစားချက်အပေါ် သက်ရောက်မှုရှိနိုင်ကြောင်း သုံးသပ်ကြသည်။

သို့သော်လည်း ယခုကဲ့သို့ တိုက်ရိုက်ထိတွေ့ဆက်ဆံမှုတွင် ကြီးမားသည့် စွန့်စားရမှုများ ရှိနေသည်။

ပညာရှင် ဂျိုအန်းလင်းက “မြေပြင်မှာ ထင်သာမြင်သာရှိတဲ့ တိုးတက်မှု မပြနိုင်ဘဲ သီးခြားစီ သွားရောက်တွေ့ဆုံနေခြင်းက စစ်ကောင်စီကို တရားဝင်မှု ပေးလိုက်သလို ဖြစ်သွားနိုင်ပြီး အာဆီယံရဲ့ ဂုဏ်သိက္ခာကို ထိခိုက်စေနိုင်သည်” ဟု သတိပေးပြောကြားသည်။

အာဆီယံအဖွဲ့ဝင်နိုင်ငံများအနေဖြင့် ဘုံရည်မှန်းချက်မရှိဘဲ သီးခြားစီ သံတမန်ရေးအရ ချဉ်းကပ်နေပါက အဖွဲ့၏ ဂုဏ်သိက္ခာကို ထိခိုက်စေနိုင်ကြောင်း ၎င်းက ထောက်ပြသည်။

ထို့အပြင် ဂျူလီယာလောကလည်း မြန်မာနိုင်ငံကို ဒေသတွင်း သံတမန်ရေးရာတွင် မည်မျှအထိ ပြန်လည်ပူးပေါင်းခွင့်ပေးမည်နည်းဟူသည့်အပေါ် အာဆီယံအဖွဲ့ဝင်နိုင်ငံများအကြား သဘောထားကွဲလွဲမှုများ ရှိနေသဖြင့်၊ ယခုလုပ်ရပ်က အာဆီယံ၏ စည်းလုံးညီညွတ်မှုကို ပိုမိုပျက်ပြားလွယ်ကြောင်း ပြသရာရောက်သွားနိုင်သည်ဟု သတိပေးပြောကြားထားပါသည်။

(Indonesia’s Myanmar visit draws attention to ASEAN engagement ပါ သတင်းအချက် အလက်များကို ပြန်လည် ထုတ်နုတ် ဘာသာပြန်ဆိုထားပါသည်။ )

The post မြန်မာအာဏာသိမ်းစစ်တပ်ကို ထင်သာမြင်သာ တိုးတက်မှု မပြသနိုင်ဘဲသွားရောက်တွေ့ ဆုံမှုကြောင့် စစ်ကောင်စီကို တရားဝင်မှု ပေးသကဲ့သို့ ဖြစ်နိုင်၍ အာဆီယံဂုဏ်သိက္ခာ ထိခိုက်စေနိုင်ဟု ကျွမ်းကျင်သူများ သတိပေး appeared first on Khit Thit Media.

ကချင်ပြည်နယ်၊ မြစ်ကြီးနားမြို့နယ်၊ ဧရာဝတီမြစ်တွင် မြစ်ဆုံစီမံကိန်း ဖျက်သိမ်းရေး လှုပ်ရှားမှုပြုလုပ်ခဲ့ကြောင်း ယင်းလှုပ်ရှားမှုတွင် ဦးဆောင်ပါဝင်သူက ရန်ကုန်ခေတ်သစ်သတင်း ဌာန ထံသို့ ပြောကြားသည်။

ယနေ့ ဇွန်လ ၁၃ ရက် နံနက်ပိုင်း မြစ်ကြီးနားမြို့နယ်၊ ဧရာဝတီမြစ်ကြောင်း၏ နေရာ ၃ ခု ဧရာဝတီမြစ်ကို ချစ်မြတ်နိုးသူ လူငယ်အချို့က ဦးဆောင်ကာ မြစ်ဆုံစီမံကိန်း အ ပြီးတိုင် ဖျက်သိမ်းရေးအတွက် စတစ်ကာ ရေမျှောကမ်းပိန်းလှုပ်ရှားမှု ပြုလုပ်ခဲ့ကြောင်း၊ ယင်းစတေကာများတွင် မြစ်ဆုံစီမံကိန်း အလိုမရှိ၊ ဧရာဝတီကို ကာကွယ်ကြပါစို့၊ ဧရာဝတီရှင်သန်ဖို့ မြစ်ဆုံကို ကာကွယ်စို့၊ ပြည်သူ့အသံကို နားထောင်ပါ၊ မြစ်ဆုံသည် ရောင်းကုန်မဟုတ် စသည့်စာများရေးသား ထားကြောင်း သိရသည်။

“အဓိကကတော့ မြစ်ဆုံစီမံကိန်း ထာဝရ ဖျက်သိမ်းဖို့အတွက် ဒီစတစ်ကာကို ကောက်ပြီးတော့ ဖတ် မိတဲ့သူတိုင်း၊ မြင်တဲ့သူတိုင်း အားလုံးက ဒီဟာကို သိပြီးတော့ မြန်မာနိုင်ငံရဲ့ အသက်သွေးကြော ဖြစ် တဲ့ ဒီဧရာဝတီမြစ်ကြီးကို ကာကွယ်ဖို့အတွက်နှိုးဆော်ရခြင်းဖြစ်တယ်။ အားလုံးက ဝိုင်းဝန်းပြီး တော့ ကန့်ကွက်သွားဖို့ ဖြစ်တယ်။ လူကိုယ်တိုင်မပြောပြနိုင်တဲ့အတွက် စတစ်ကာနဲ့ ပြောပြခြင်းဖြစ်ပါ တယ်။” ဟု ယင်းလှုပ်ရှားမှုတွင် ဦးဆောင်ပါဝင်သူက ရန်ကုန်ခေတ်သစ်သတင်းဌာနထံသို့ ပြောကြား သည်။

ဧရာဝတီမြစ်ဆုံနှင့် ဧရာဝတီမြစ်သည် မြန်မာနိုင်ငံအတွက် အသက်သွေးကြောတစ်ခုဖြစ်ပြီး မြန်မာ နိုင်ငံသူ၊ နိုင်ငံသားများအပါအဝင် နိုင်ငံတကာရှိ ဧရာဝတီမြစ်နှင့်မြစ်ဆုံကိုချစ်မြတ်နိုးသူများအနေဖြင့် ဝိုင်းဝန်းကာကွယ်ပေးကြပါရန် တိုက်တွန်းတောင်းဆိုထားသည်။

၂၀၁၁ ခုနှစ် သမ္မတ သိန်းစိန်အစိုးရလက်ထက် ပြည်သူများ၏ ကန့်ကွက်မှုကြောင့် ရပ်ဆိုင်းထားသော မြစ်ဆုံစီမံကိန်းကို အကြမ်းဖက်မင်းအောင်လှိုင်က တရုတ်နှင့်ပူးပေါင်း၍ ပြန်လည် စတင်ရန် ကြိုးပမ်း နေခြင်းဖြစ်သည်။

The post မြစ်ကြီးနားမြို့နယ်၊ ဧရာဝတီမြစ်တွင် မြစ်ဆုံစီမံကိန်း ဖျက်သိမ်းရေး လှုပ်ရှားမှု ပြုလုပ် appeared first on Khit Thit Media.