ရန်ကုန်၊ ဖေဖေါ်ဝါရီ ၁၁
ချင်းပြည်နယ်၊ မတူပီမြို့နယ်၊ မတူပီ-ပလက်ဝ ကားလမ်းပေါ်ရှိ ထယ်ဘွေးကျေးရွာအခြေစိုက် စစ်ကောင်စီတပ်စခန်းကို ယနေ့ ဖေဖေါ်ဝါရီ ၁၁ ရက်၊ နံနက် ၁၁ နာရီ ၁၅ မိနစ်တွင် CDF မတူပီက ဝင်ရောက်တိုက်ခိုက်ခဲ့ပြီး စစ်သား ၄ ဦး သေဆုံးကြောင်း၊ CDF များ အထိအခိုက်မရှိ ဆုတ်ခွာနိုင်ခဲ့ကြောင်း CDF မတူပီ က သတင်းထုတ်ပြန်သည်။အလားတူ ချင်းပြည်နယ်၊ ဖလမ်းမြို့နယ်ဘက်သို့ ထွက်ခွာလာသော စစ်ကောင်စီယာဉ်တန်းကို လုံခြုံရေးယူပေးသော ရှေ့ပြေးတပ်ဖွဲ့ကို CNDF တပ်ဖွဲ့က က ဖေဖေါ်ဝါရီလ ၉ ရက်နေ့တွင် ပစ်ခတ်တိုက်ခိုက်လို့ စစ်သား ၅ ဦးသေဆုံးပြီး ဒဏ်ရာရသူများရှိကြောင်း CNO/CNDF က သတင်းထုတ်ပြန်သည်။အဆိုပါ ရှေ့ပြေးတပ်ဖွဲ့သည် ဖလမ်းမြို့သို့ ထွက်ခွာလာသော စစ်ကောင်စီ စစ်ကား ၂ စီးကို လုံခြုံရေးယူပေးသော အဖွဲ့ဖြစ်ပြီး ဖလမ်းမြို့နယ်၊ ပါရ်သဲကျေးရွာအနီးတွင် ပစ်ခတ်တိုက်ခိုက်ခဲ့ခြင်းဖြစ်ကြောင်း သိရှိရသည်။
ဓါတ်ပုံ – CDF မတူပီ တပ်ဖွဲ့ဝင်များ
