ရန်ကုန်၊ မတ် ၁
တနင်္သာရီတိုင်း၊ ပုလောမြို့နယ် ထမင်းမစားကျေးရွာတွင် ပျူစောထီးတပ်ဖွဲ့နှင့် ပြည်သူ့ကာကွယ်ရေးတပ်မတော် (ပုလော) ပူးပေါင်းတပ်ဖွဲ့ကြား ကြား ယနေ့ မတ်လ ၁ ရက် နံနက် ၇ နာရီမှ ၈ နာရီ ၄၀ အထိ တိုက်ပွဲဖြစ်ပွားကြောင်း သတင်းရရှိသည်။
ယင်းနောက် ပလောက်အခြေစိုက် စစ်ကောင်စီ၏ တိုင်းဗဟို ၁၂ မှ စစ်သား အင်အား ၃၀ ခန့်သည် အရပ်ဝတ်များဖြင့် လာရောက်ပြီး အင်အားဖြည့်တင်းမှုကြောင့် ပုလော PDF နှင့် တိုက်ပွဲထံမံ ဖြစ်ပွားခဲ့ကြောင်း ပြည်သူ့ကာကွယ်ရေးတပ်မတော် (ပုလော) က သတင်းထုတ်ပြန်သည်။
တိုက်ပွဲ ၂ ကြိမ်တွင် အကြမ်းဖက်စစ်ကောင်စီတပ်နှင့် ပျူစောထီးများဘက်မှ ထိခိုက်ဒဏ်ရာရမှုများရှိကြောင်း၊ ပြည်သူ့ကာကွယ်ရေးတပ်မတော် (ပုလော) က ထိခိုက်မှုမရှိကြောင်း သိရှိရသည်။
လက်ရှိတွင် တိုက်ပွဲငြိမ်သက်သွားပြီး ထမင်းမစားကျေးရွာသို့ အကြမ်းဖက်စစ်ကောင်စီတပ်ဖွဲ့ တပ်ကူများ ထပ်မံရောက်ရှိလာနေသဖြင့် ပြည်သူများ သတိထား သွားလာနေထိုင်ကြရန် ပြည်သူ့ကာကွယ်ရေးတပ်မတော် (ပုလော) က သတင်းထုတ်ပြန်ထားသည်။
ဓါတ်ပုံ – ပြည်သူ့ကာကွယ်ရေးတပ်မတော် (ပုလော) တပ်ဖွဲ့ဝင်များ
