ရန်ကုန်၊ ဧပြီ ၂၇
စစ်ကိုင်းတိုင်း၊ မင်းကင်းမြို့နယ်၊ ဇင်ကလဲကျေးရွာအနီးတွင် အင်အား ၁၅၀ ခန့်ပါသော အကြမ်းဖက်စစ်ကောင်စီ၏ ခလရ ၈၇ ခြေလျင်စစ်ကြောင်းကို ယမန်နေ့ ဧပြီလ ၂၆ ရက် နံနက်တွင် ဒေသကာကွယ်ရေးမဟာမိတ် ၆ ဖွဲ့ပူးပေါင်းကာ မိုင်းဆွဲပစ်ခတ်တိုက်ခိုက်ခဲ့ပြီး စစ်သား ၂၁ ဦးသေဆုံးကာ အများအပြား ဒဏ်ရာရကြောင်း အာဏာရှင်တော်လှန်ရေးပြည်သူ့တပ်မတော် (DRPA) က သတင်းထုတ်ပြန်သည်။
အဆိုပါ စစ်ကောင်စီတပ်ဖွဲ့သည် ကျေးရွာများကို မီးရှို့ဖျက်ဆီးပြီး ဒေသခံပြည်သူများကို ဒုက္ခပေးနေကြောင်း၊ ယမန်နေ့ နံနက် ၈ နာရီဝန်းကျင်မှ စတင်ကာ ၁၅ မိနစ်ခန့် တိုက်ပွဲဖြစ်ပွားခြင်းဖြစ်ကြောင်း၊ ကာကွယ်ရေးအဖွဲ့ရဲဘော်များ အထိအခိုက်မရှိသော်လည်း ဆိုင်ကယ် ၂ စီး ပျက်စီးသွားကြောင်း DRPA က ဆိုသည်။
စစ်ကောင်စီတပ်ဖွဲ့ကို DRPA၊ FRF၊ GALAXY FORCE DEPEYIN -ပကဖ၊ စစ်ကိုင်းခရိုင် တပ်ရင်း ၃၊ MDF၊ သံပေါက်ဒေသခံကာကွယ်ရေးတပ်တို့ ပူးပေါင်းတိုက်ခိုက်ခဲ့ကြောင်း သိရှိရသည်။
ဓါတ်ပုံ – အာဏာရှင်တော်လှန်ရေးပြည်သူ့တပ်မတော် DRPA တပ်ဖွဲ့ဝင်များ
