ရန်ကုန်၊ မေ ၂၀
စစ်ကောင်စီကို ပံ့ပိုးထောက်ခံနေသော တရုတ်အစိုးရကို ဆန့်ကျင်သည့်အနေဖြင့် ဂျပန်အပါအဝင် ၉ နိုင်ငံရှိ တရုတ်သံရုံးများရှေ့တွင် တစ်ပြိုင်နက်တည်း ဆန္ဒပြကြသည်။
ဒီမိုကရေစီလိုလားသူ မြန်မာပြည်သူများမှ နိုင်ငံ ၉ ခုရှိ တရုတ်သံရုံးများသို့ တစ်ပြိုင်နက်တည်း ပြင်းထန်စွာဆန့်ကျင်ဆန္ဒဖော်ထုတ်ခဲ့ကြသည့်အပြင် မြန်မာပြည်သူများ၏ဆန္ဒကို ထင်ဟပ်ပေါ်လွင်စေသော အိတ်ဖွင့်ပေးစာကိုလည်း တရုတ်သံရုံးများသို့ ပေးပို့ကာ မီဒီယာများကိုလည်း ဖြန့်ဝေခဲ့ကြကြောင်း သိရှိရသည်။
