Khit Thit သတင်းဌာန၏ အောက်တိုဘာ ၁၈ ရက် မနက်ပိုင်း ရုပ်သံသတင်းအစီအစဉ် 

Khit Thit သတင်းဌာန၏ အောက်တိုဘာ ၁၈ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ အောက်တိုဘာ ၁၈ ရက်နေ့ မနက်ပိုင်းတင်ဆက်ပေးမယ့် သတင်းတွေကတော့ -ပြည်ထဲရေးဝန်ကြီးဌာန လက်အောက်က စသုံးလုံး၊ ရဲတပ်ဖွဲ့နဲ့ ထွေ/အုပ် ဝန်ထမ်းတွေ ပစ်မှတ်ထား တိုက်ခိုက် ခံနေရတဲ့အတွက် မလိုအပ်ရင် အပြင်မထွက်ဖို့နဲ့ တာဝန်မှအပ နံနက် ၆ နာရီကနေညနေ ၆ နာရီသာ အပြင် ထွက်ကြဖို့ ဌာနဆိုင်ရာကညွှန်ကြားထားတယ်လို့သိရပါတယ်။ – ကယားပြည်နယ်အတွင်း အကြမ်းဖက်စစ်တပ်နဲ့ ကာကွယ်ရေးတပ်ဖွဲ့တွေအကြား ထိတွေ့တိုက်ပွဲ ၉ ကြိမ် ဖြစ်ပွားပြီး စစ်ကောင်စီတပ်သား ၁၈ ဦးသေသွားတယ်လို့ KNDF B-02 ဆီကသိရပါတယ်။ – မန္တလေးတိုင်း၊ ဝမ်းတွင်းမြို့နယ်အုပ်ချုပ်ရေးမှူး ဒုရဲမှူးအသွင်ပြောင်း ကျော်မိုးဦးနဲ့ တပည့်တစ်ဦး ထမင်းဆိုင်မှာ ထမင်းစားနေစဉ် ပစ်ခတ်ခံရပြီး သေဆုံးသွားတယ်လို့ WTRF တပ်ဖွဲ့မှ တာဝန်ရှိသူတစ်ဦးက ပြောပါတယ်။ – မန္တလေး ပြည်ကြီးတံခွန်မြို့နယ် ဆရာတော် နေထိုင်ဖူးတဲ့ စိတ္တသုခ ပတ္တမြား ကျောင်းတိုက်ကို စစ်တပ်က ဝင်ရောက်စီးနင်းပြီး လူငယ် ၂ ဦးကို ရိုက်နှက်ခဲ့တဲ့ သတင်းအပါအဝင်နောက်ဆုံးရသတင်းတွေကို တင်ဆက် ပေးပါမယ်။