Khit Thit သတင်းဌာန၏ အောက်တိုဘာ ၂၆ ရက် မနက်ပိုင်း ရုပ်သံသတင်းအစီအစဉ်

Khit Thit သတင်းဌာန၏ အောက်တိုဘာ ၂၆ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ အောက်တိုဘာ၂၆ ရက်နေ့ မနက်ပိုင်းတင်ဆက်ပေးမယ့် သတင်းတွေကတော့ -အကြမ်းဖက်စစ်ကောင်စီက လေကြောင်းကနေ ဗုံးကြဲတိုက်ခိုက်မှုကြောင့် အပြစ်မဲ့ဒေသခံ ပြည်သူထုတွေ၊ အနုပညာရှင်တွေ၊ KIA အရာရှိ/ရဲဘော်တွေ အစုလိုက် အပြုံလိုက် ထိခိုက်သေဆုံး ဒဏ်ရာရမှုနဲ့ ပတ်သက်လို့ ကချင်လူထု၊ ကျန်ရစ်သောမိသားစုများနဲ့အတူ ထပ်တူထပ်မျှဝမ်းနည်းရပြီး အဲဒီဖြစ်ရပ်အတွက် ထိုက်သင့် တဲ့ တုန့်ပြန်မှုတွေ လုပ်ဆောင်သွားမယ်လို့ ချင်းလက်နက်ကိုင်ဖွဲ့တွေ ကထုတ်ပြန်ပါတယ်။ – စစ်ကိုင်းတိုင်း၊ ဘုတလင်မြို့နယ် မကျည်းအုပ်ရွာကို စစ်တပ်က မနေ့နံနက်ပိုင်းက ဝင်ရောက် ပစ်ခတ် စီးနင်းရာ အမျိုးသမီး ၁ ဦး သေဆုံးပြီး ၃ ဦးဒဏ်ရာရခဲ့တယ်လို့ ဒေသခံတွေဆီက သိရပါတယ်။ – မန္တလေးမှာ အောက်တိုဘာလ ၂၂ ရက်နေ့ ညပိုင်းက တစ်ဦးတည်းကားမောင်းလာတဲ့ ကျောက်စိမ်းနဲ့ ရတနာ ကုန်သည် ဦးစိန်ဝင်းကို စစ်တပ်နဲ့ရဲက ပစ်သတ်လိုက်ပြီး ကားပေါ်ပါ သိန်းထောင်ချီတန် ကျောက်စိမ်းနဲ့ ရတနာအချောထည်တွေ ပျောက်ဆုံးနေကာ စစ်တပ်နဲ့ရဲက အပြန်အလှန်လွှဲချနေပြီး လက်သည်မပေါ်ဘဲ ပျောက်ဆုံးနေတဲ့သတင်းအပါအဝင်နောက်ဆုံးရသတင်းတွေကိုတင်ဆက်ပေးပါမယ်။