Khit Thit သတင်းဌာန၏ နိုဝင်ဘာ ၂ ရက် ညနေပိုင်း ရုပ်သံသတင်းအစီအစဉ်

Khit Thit သတင်းဌာန၏ နိုဝင်ဘာ ၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၂ ရက်နေ့ ညနေပိုင်းတင်ဆက်ပေးမယ့် သတင်းတွေကတော့ – ကရင်ပြည်နယ်၊ ကော့ကရိတ်မြို့အနီးကို စိုးမိုးထိန်းချုပ်ထားလိုက်ပြီဖြစ်တဲ့ Lion Battalion ပူးပေါင်း တပ်ဖွဲ့ ကို နိုဝင်ဘာလ ၁ ရက်နေ့က အကြမ်းဖက် စစ်ကောင်စီတပ်နဲ့ သူ့ရဲ့လက်ပါးစေ BGF တပ်ဖွဲ့ တွေက ပြန်လည် ထိုးစစ်ဆင်လာတဲ့အတွက် တိုက်ပွဲဖြစ်ပွားရာကနေ စစ်ကောင်စီတပ်နဲ့ BGF အဖွဲ့ဝင် ၂၄ ဦး သေသွားတယ် ဆိုပါတယ်။ -ရခိုင်ပြည်၊ မောင်တောမြို့နယ် – မြောက်ပိုင်း နဲ့ သံတွဲမြို့နယ် တွေမှာ အကြမ်းဖက် စစ်ကောင်စီတပ်ဖွဲ့ တွေကို ရခိုင့်တပ်တော် AA က မိုင်းဆွဲတိုက်ခိုက်ခဲ့တဲ့အပြင် ၊ ပလက်ဝမြို့နယ်မှာလည်း စစ်ကောင်စီတပ် နဲ့ ရက္ခိုင့်တပ်တော် AA ကြား နှစ်ဖက် တိုက်ပွဲဖြစ်ပွားခဲ့တယ်လို့ AA ဖက်က ပြောပါတယ်။ – စစ်ကိုင်းတိုင်း၊ မုံရွာ-ချောင်းဦး – ကားလမ်းမှာ ဒီကနေ့ နိုဝင်ဘာလ ၂ ရက်နေ့ မနက်ပိုင်းက မိုင်းရှင်းဖို့ လာတဲ့ အကြမ်းဖက် စစ်ကောင်စီကားတွေကို ဒေသကာကွယ်ရေး တပ်ဖွဲ့တွေက မိုင်းခွဲတိုက်ခိုက်ရာမှာ စစ်ကောင်စီဘက်က ၃ ဦး သေနိုင်တဲ့သတင်းအပါအဝင် နောက်ဆုံးရသတင်းတွေ ကိုတင်ဆက် ပေးပါမယ်။