Khit Thit သတင်းဌာန၏ ဇန်နဝါရီ ၂၅ ရက် မနက်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဇန်နဝါရီ ၂၅ ရက် မနက်ပိုင်းတင်ဆက်ပေးမယ့်သတင်းတွေကတော့
-ပဲခူးတိုင်း၊ တောင်ငူအကျဉ်းထောင်မှာ စစ်တပ်က မတရားဖမ်းဆီးအကျဉ်းချထားတဲ့ နိုင်ငံတော်သမ္မတ ဦးဝင်းမြင့် ဆီကို သမ္မတကတော်ဒေါ်ချိုချိုက ထောင်ဝင်စာပို့ဖို့ လူကိုယ်တိုင်သွားရောက်ကာ ကြိုးစားခဲ့ပေမယ့် စစ်ကောင်စီ က ငြင်းပယ်လိုက်တဲ့အတွက် ထောင်ဝင်စာတွေ ပြန်ယူသွားရတယ်လို့ ပြည်ထဲရေး သတင်းရင်းမြစ်က ရန်ကုန် ခေတ်သစ်သတင်းဌာနကို ပြောပါတယ်။
– ရန်ကုန်-မန္တလေး အမြန်လမ်းမှာ ပစ်ခတ်ခံရပြီး သေဆုံးခဲ့တဲ့ အမှတ် ၁ စစ်ဘက်ရေးရာလုံခြုံရေးအကူတပ် စစ်ကြောရေးတာဝန်ခံ စရက (၁) တပ်မှူး ဗိုလ်မှူး သန်းထွဋ် နဲ့တပ်ကြပ်ကြီး မြင့်အောင်တို့ရဲ့ အလောင်းတွေနဲ့ မီးရှို့ခံရတဲ့ကားကို စစ်တပ်က ပြန်လည်သယ်ယူသွားတယ်လို့ သိရပါတယ်။
– ကရင်ပြည်နယ်၊ ကော့ကရိတ်မြို့နယ်၊ ကျုံဒိုးမြို့အနီးက ကျေးရွာတွေကို စစ်တပ်က ဝင်ရောက်စီးနင်းတာ လက်နက်ကြီးတွေနဲ့ ပစ်ခတ်တာအပါအဝင် မီးရှို့ဖျက်ဆီးမှုတွေ လုပ်ဆောင်နေတဲ့အတွက် ပြည်သူတွေ ထွက် ပြေးနေရတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
