ရေးမြို့အခြေစိုက် ခမရ ၅၈၇ တပ်ရင်းဂိတ်စခန်းကို ဗုံးပစ်လောင်ချာဖြင့် တိုက် ခိုက်
ရန်ကုန်၊ ဖေဖော်ဝါရီ ၁၄
မွန်ပြည်နယ်၊ ရေးမြို့နယ်၊ ရေးမြို့အခြေစိုက် ခမရ ၅၈၇ တပ်ရင်း ဂိတ်စခန်းကို ယနေ့ ဖေဖော်ဝါရီလ ၁၄ ရက် နံနက် ၆ နာရီခွဲခန့်တွင် ဗုံး၄၀ မမ ဗုံးပစ်လောင်ချာဖြင့် ပစ်ခတ်တိုက်ခိုက်ခဲ့ကြောင်း မွန်ပြည် နယ်အခြေပြု တော်လှန်ရေးအဖွဲ့အစည်းမှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။
အဆိုပါတိုက်ခိုက်မှုကြောင့် ခမရ ၅၈၇ ကင်းဂိတ်စခန်းရှိ အကြမ်းဖက်စစ်သား ထိခိုက်သေဆုံးမှုမသိရ သေးကြောင်း ၊ ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ အန္တရာယ်ကင်းစွာဆုတ်ခွာနိုင်ခဲ့ ကြောင်း ၊ နောက်နောင်တွင်လည်း ရေးမြို့နယ်အတွင်းရှိ အကြမ်းဖက်စစ်ကောင်စီတပ်နှင့်အတူ ဒေါက်တိုင်များကို အလျဉ်းသင့်သလို တိုက်ခိုက်သွားမည်ဖြစ်ကြောင်း သိရသည်။
“ကင်းဂိတ်ထဲမှာ စစ်ခွေး ၃ ကောင်ရှိတယ်၊ ၄၀ မမ ဗုံးသီးတစ်လုံးပစ်လိုက်တာ၊ ဂိတ်ကင်းထဲ တည့်တည့် ကျပြီးပေါက်ကွဲခဲ့တယ်၊ စစ်ခွေးသေဆုံးထိခိုက်မှုတော့ စုံစမ်းနေတုန်းပါ၊ သိရရင် ထုတ်ပြန်ပေးပါ့မယ်၊ ကျနော်တို့ရဲဘော်တွေ ပြန်ဆုတ်လာတဲ့အချိန်တော့ ပြန်ပစ်တာမကြားရဘူး၊ နောက်ပိုင်းတော့ မသိတော့ ဘူး” ဟု မွန်ပြည် နယ်အခြေပြု တော်လှန်ရေးအဖွဲ့အစည်းမှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောကြားသည်။
ဓာတ်ပုံ- မွန်ပြည် နယ်အခြေပြု တော်လှန်ရေးအဖွဲ့။
