လောင်းလုံးတွင် တော်လှန်လူငယ်များက စစ်တပ်ထံ ရင်းနှီးမြုပ်နှံထားသည့် PTTEPနှင့် PTT ထုတ်ကုန် ပစ္စည်းများ မသုံးစွဲရေး ဟောပြော
ရန်ကုန်၊ ဖေဖော်ဝါရီ ၂၃
လောင်းလုံးမြို့နယ်တွင် ထားဝယ်ခရိုင် ဒီမိုကရေစီအရေးလှုပ်ရှားမှု သပိတ်ကော်မတီ (DDMSC)၊ စည်းရုံးလှုံ့ဆော်ရေးဆပ်ကော်မတီမှ တော်လှန်လူငယ်များ ဦးဆောင်ကာ ယနေ့ ဖေဖော်ဝါရီလ ၂၃ ရက်နေ့တွင် အကြမ်းဖက် စစ်တပ်ထံ ရင်းနှီးမြုပ်နှံထားသည့် PTTEPနှင့် PTT ထုတ်ကုန် ပစ္စည်းများ မသုံးစွဲရေး ဟောပြောခဲ့ကြောင်း သိရသည်။
PTTEPနှင့် PTT ထုတ်ကုန်များသည် မြန်မာနိုင်ငံရှိ ရေနံနှင့် သဘာဝဓါတ်ငွေ့ စီမံကိန်းကြီးများဖြစ်ကြသည့် ရတနာသဘာဝဓါတ်ငွေ့စီမံကိန်းတွင် ၂၅.၅% ၊ ရဲတံခွန်စီမံကိန်းတွင် ၁၉.၃၂% နှင့် ဇောတိကစီမံကိန်းတွင် ၈၀% ရင်းနှီးမြှုပ်နှံ လုပ်ကိုင်လျှက်ရှိပြီး အာဏာသိမ်းစစ်ကောင်စီအား ဒေါ်လာသန်းပေါင်းများစွာ ပေးဆောင်နေသည့် ထိုင်းနိုင်ငံပိုင် ရေနံ နှင့် စွမ်းအင်ကုမ္ပဏီကြီးတစ်ခုဖြစ်သည်။
