လောင်းလုံးတွင် ကျောင်းသားလူငယ်များ ဦးဆောင်ကာ PTTEPနှင့် PTT တံဆိပ်ပါ ကုန်ပစ္စည်းများ မသုံးစွဲရေးနှင့် စစ်အာဏာရှင် ဆန့်ကျင်ရေး ဟောပြော
ရန်ကုန်၊ ဖေဖော်ဝါရီ ၂၆
လောင်းလုံးမြို့နယ်တွင် ထားဝယ်ခရိုင် ဒီမိုကရေစီ အရေးလှုပ်ရှားမှု သပိတ်ကော်မတီ၊ စည်းရုံးလှုံ့ဆော်ရေးဆပ်ကော်မတီမှ ဦးဆောင်ကာ ယနေ့ ဖေဖော်ဝါရီလ ၂၆ ရက်နေ့တွင် အကြမ်းဖက် စစ်တပ်ထံ ရင်းနှီးမြုပ်နှံထားသည် PTTEPနှင့် PTT တံဆိပ်ပါ ကုန်ပစ္စည်းများ မသုံးစွဲရေးနှင့် စစ်အာဏာရှင် ဆန့်ကျင်ရေး ဟောပြောခဲ့ကြောင်း သိရသည်။
PTTEPနှင့် PTT သည် မြန်မာနိုင်ငံရှိ ရေနံနှင့် သဘာဝဓါတ်ငွေ့ စီမံကိန်းများဖြစ်ကြသည့် ရတနာသဘာဝဓါတ်ငွေ့စီမံကိန်းတွင် ၂၅.၅% ၊ ရဲတံခွန်စီမံကိန်းတွင် ၁၉.၃၂% နှင့် ဇောတိကစီမံကိန်းတွင် ၈၀% ရင်းနှီးမြှုပ်နှံ လုပ်ကိုင်လျှက်ရှိပြီး အာဏာသိမ်းစစ်ကောင်စီအား ဒေါ်လာသန်းပေါင်းများစွာ ပေးဆောင်နေသည့် ထိုင်းနိုင်ငံပိုင် ရေနံ နှင့် စွမ်းအင်ကုမ္ပဏီကြီး တစ်ခုဖြစ်ကြောင်း သိရှိရသည်။
