“ပူတင်ကို တရားစွဲဆိုပြီး ဖမ်း၀ရမ်းထုတ်သလို အကြမ်းဖက်စစ်အုပ်စုကိုလည်း ဒီကိစ္စအပေါ်မှာ ကျူးလွန်တဲ့အချက်တွေက ခိုင်လုံတဲ့အတွက် ပြစ်မှုအရ မြောက်နေတာ တွေ့ရပါတယ်”
အမျိုးသားညီညွတ်ရေးအစိုးရ လူ့အခွင့်ရေးဆိုင်ရာဝန်ကြီး ဦးအောင်မျိုးမင်းနှင့်တွေ့ဆုံမေးမြန်းခြင်း
By ရန်ကုန်ခေတ်သစ်
အကြမ်းဖက်စစ်တပ် အာဏာစသိမ်းတဲ့ကာလကနေ ၂၀၂၃ခုနှစ် မတ်လ ၁၃ရက်နေ့အထိ စစ်တပ်က ပြည်သူပေါင်းများစွာကိုသတ်ဖြတ်ခဲ့တဲ့အထဲမှာ လူ ၅ ဦးနဲ့အထက် အစုလိုက် အပြုံလိုက် အသတ်ခံ ရမှုပေါင်း ၆၄ ကြိမ်ရှိပြီး အစုလိုက်အပြုံလိုက် အသတ်ခံရသူပေါင်း ၇၆၆ဦးအထိ ရှိလာပြီလို့ အမျိုးသားညီညွတ်ရေးအစိုးရNUG လူ့အခွင့်အရေးဆိုင်ရာဝန်ကြီးဌာနက ထုတ်ပြန်ထားပါတယ်။
ဒါကြောင့် ရုရှားသမ္မတ ပူတင်ကို ICC တရားရုံးက ဖမ်း၀ရမ်းထုတ်လိုက်သလို မင်းအောင်လှိုင်ကိုလည်း မြန်မာပြည်သူတွေကို အစုလိုက်အပြုံလိုက် သတ်ဖြတ်နေတဲ့စစ်ရာဇဝတ်မှုတွေအတွက် ပူတင်လို ဖမ်း၀ရမ်းထုတ်ခံရနိုင်လား။
ယူကရိန်းကို ကုလစုံစမ်းသူတွေဝင်ရောက်စစ်ဆေးသလို မြန်မာနိုင်ငံအတွင်းကိုရော ဝင်ရောက် စစ်ဆေးခွင့်ရလာနိုင်သလား။ အကြမ်းဖက်စစ်အုပ်စုရဲ့ ပြည်သူတွေကို သတ်ဖြတ်နေမှုတွေ၊ လူ့အခွင့် အရေးချိုးဖောက်နေမှုတွေ၊ မီးရှို့နေမှုတွေနဲ့ ပတ်သက်ပြီး NUG အစိုးရအနေနဲ့ ဘာတွေဆောင် ရွက်နေ သလဲ စတာတွေနဲ့ပတ်သက်လို့ NUG လူ့အခွင့်အရေးဆိုင်ရာဝန်ကြီးဌာန ပြည်ထောင်စုဝန်ကြီးဦးအောင်မျိုးမင်းနှင့်တွေ့ဆုံမေးမြန်းထားပါတယ်။
