Khit Thit သတင်းဌာန၏ ဧပြီ ၁၀ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဧပြီ ၁၀ ရက် ညနေပိုင်းတင်ဆက်ပေးမယ့်သတင်းတွေကတော့
– အမျိုးသားညီညွတ်ရေးအစိုးရ NGU ကာကွယ်ရေးဝန်ကြီးဌာနအပါအဝင် နိုင်ငံတစ်ဝန်း တော်လှန်ရေး အဖွဲ့အစည်းတွေကနေ ဒီကနေ့ ကျရောက်တဲ့ ၁၄ နှစ်မြောက် ရက္ခိုင့်တပ်တော်နေ့ အထိမ်းအမှတ် သဝဏ်လွှာတွေ ပေးပို့ကြပြီး စစ်အာဏာရှင်တော်လှန်ရေးမှာ AA နဲ့ အတူ လက်တွဲပါဝင်သွားမယ် လို့လည်း ကတိပြုပြောဆိုကြတယ်လို့ သိရပါတယ်။
– ချင်းပြည်နယ်၊ ဖလမ်းမြို့နယ်က မဏိပူရ မြစ်ပေါ်မှာရှိတဲ့ အကြမ်းဖက်စစ်ကောင်စီရဲ့ ဗာရ်း- စခန်းကို ဒီကနေ့ ဧပြီလ ၁၀ ရက်နေ့ မနက်အစောပိုင်းက ချင်းအမျိုးသားကာကွယ်ရေးတပ်ဖွဲ့ CNDF ကနေ တိုက်ခိုက်သိမ်းပိုက်ခဲ့ရာမှာ အကြမ်းစစ်ကောင်စီတပ်သား အများအပြားသေသွားတယ်လို့ သိရပါတယ်။
– မကွေးတိုင်း၊ မြိုင်မြို့နယ်တောင်ပိုင်းမှာရှိတဲ့ ညောင်အုပ်ကျေးရွာ နဲ့ အိုင်းမ(အနောက်)ရွာက နေအိမ် ၅၀ နီးပါးကို အကြမ်းဖက်စစ်တပ်က ဧပြီလ ၉ ရက်နေ့မှာ မီးရှို့ဖျက်ဆီးခဲ့တဲ့အပြင် ၊ စိတ်ရောဂါခံစား နေရသူ အမျိုး သားတစ်ဦးကိုပါ ပစ်ခတ်သတ်ဖြတ်သွားတဲ့ သတင်းအပါ အဝင် နောက်ဆုံးရ သတင်း တွေကို တင်ဆက်ပေးပါမယ်။
