မိုးကုတ်ဒေသ ပြည်သူ့ကာကွယ်ရေး တပ်မတော် ၏ တပ်ရင်း တပ်ဖွဲ့များကို လက်နက်တပ်ဆင်
ရန်ကုန်၊ ဧပြီ ၁၇
မိုးကုတ်ဒေသ ပြည်သူ့ကာကွယ်ရေး တပ်မတော် (PDF) ၏ တပ်ရင်း တပ်ဖွဲ့များကို အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာနက လက်နက်တပ်ဆင်ပေးခဲ့ကြောင်း သိရသည်။
ဧပြီလ ၁၆ ရက်နေ့တွင် အမျိုးသား ညီညွတ်ရေး အစိုးရ ကာကွယ်ရေး ဝန်ကြီးဌာနက ပြည်သူ့ကာကွယ်ရေးတပ်မတော် (PDF) ၏ တပ်ရင်း တပ်ဖွဲ့များကို လက်နက်တပ်ဆင်ခြင်းအား လုပ်ထုံး လုပ်နည်းများနှင့် အညီ စနစ်တကျ တပ်ဆင်ပေးအပ်လျက်ရှိကြောင်း၊ လက်နက်တပ်ဆင်မှုများအား ဆက်လက်အရှိန်မြှင့် သွားမည်ဖြစ်ကြောင်း ကာကွယ်ရေးဝန်ကြီးဌာနက ထုတ်ပြန်ထားသည်။
