မြင်းခြံနှင့် နွားထိုးကြီးတို့တွင် တိုက်ပွဲဖြစ်ပွားပြီး စစ်တပ်ဘက်မှ စစ်သား ၁၂ ဦး သေဆုံး
ရန်ကုန်၊ မေ ၁၅
မန္တလေးတိုင်း၊ မြင်းခြံမြို့နယ်၊ နယ်ခြားကျေးရွာရှိ အကြမ်းဖက်စစ်တပ် အထိုင်စခန်းကို ဝင်ရောက်တိုက်ခိုက်ခဲ့ ရာ အကြမ်းဖက်စစ်သား၊ ပျူးစောထီး ၅ ဦးသေဆုံးခဲ့ကြောင်း မြင်းခြံခရိုင် တပ်ရင်း ၂ (Myingyan Ranger) တပ်ဖွဲ့ထံမှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
မေလ ၁၃ ရက် နံနက်ပိုင်းက အဆိုပါအကြမ်းဖက်စစ်တပ်စခန်းအား ပြည်သူ့ကာကွယ်ရေး ပူးပေါင်းတပ် ဖွဲ့များမှ ဝင်ရောက်တိုက်ခိုက်ခဲ့ခြင်းဖြစ်ပြီး စခန်းအတွင်းထဲအထိ ထိုးဖောက်ဝင်ရောက်နိုင်ခဲ့သော်လည်း ရာသီဥတုဆိုးရွားလာသဖြင့် စခန်းသိမ်းနိုင်ခြင်းမရှိပဲ ပြန်လည် ဆုတ်ခွာခဲ့ရကြောင်း၊ ယင်းတိုက်ခိုက်မှု အတွင်း အကြမ်းဖက်စစ်သား၊ ပျူစောထီး ၅ ဦးသေဆုံးပြီး အများပြားထိခိုက်ဒဏ်ရာရရှိခဲ့ကြောင်း သိရ သည်။
အဆိုပါတိုက်ခိုက်မှုကို မြင်းခြံခရိုင် တပ်ရင်း ၂ တပ်ခွဲ ၃ (Myingyan Ranger) ၊ မြင်းခြံခရိုင် တပ်ရင်း ၂ တပ်ခွဲ ၁ (PDF TAloke) ၊ Buremese Guerilla Force -Myingyan) ၊ မြင်းခြံခရိုင် တပ်ရင်း ၃ ၊ MGN 35 ပြောက်ကျားတပ်ဖွဲ့၊ မန္တလေးခရိုင် တပ်ရင်း ၃ (MDY PDF) ၊ Mobile People Defence Force ၊ Phoenix အထူးပြောက်ျကျားတပ်ဖွဲ့၊ YSO -ISA တပ်ဖွဲ့၊ ကျေးရွာ တပ်ပေါင်းစု – မြောင် တို့ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ် ရေးတပ်ဖွဲ့ဝင်များအထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
ထို့ပြင် မန္တလေးတိုင်း၊ မြင်းခြံခရိုင်၊ နွားထိုးကြီးမြို့နယ်အတွင်း စစ်ကြောင်းထိုးလာသော အကြမ်းဖက်စစ်သား များကို ဒရုန်းဖြင့် ၃ ကြိမ်ဗုံးကျဲတိုက်ခိုက်ခဲ့ရာ အကြမ်းဖက်စစ်သား ၇ ဦးသေဆုံးခဲ့ကြောင်း Myingyan District Drone Strike တပ်ဖွဲ့ထံမှ သိရသည်။
မေလ ၁၂ ရက်နေ့က နွားထိုးကြီးမြို့နယ်၊ လျှော်ဖြူကျေးရွာသို့ စစ်ကြောင်းထိုးဝင်ရောက်လာသော အကြမ်းဖက် စစ်သားများကို ဒရုန်းဖြင့် ဗုံးသီး ၂ လုံးကိုလည်းကောင်း၊ မကျည်ကျေးရွာကို ဝင်ရောက်စဉ် ဒရုန်းဖြင့် ဗုံးသီး ၂ လုံးကိုလည်းကောင်း၊ အိုးဘိုတောကျေးရွာသို့ ထပ်မံဝင်ရောက်စဉ် ဒရုန်းဖြင့် ဗုံးသီး ထပ်မံကျဲခဲ့ရာ အကြမ်းဖက်စစ်သား ၇ ဦးသေဆုံးပြီး အများအပြားဒဏ်ရာရရှိခဲ့ကြောင်း သိရသည်။
အဆိုပါတိုက်ခိုက်မှုကို Myingyan District Drone Strike (MDDS) ၊ မြင်းခြံခရိုင် တပ်ရင်း ၁ ၊ 27 Revolution Forces ၊ မြင်းခြံခရိုင် တပ်ရင်း ၃ ၊ မြင်းခြံခရိုင်တပ်ရင်း ၄ တို့ပူးပေါင်းကာ တိုက်ခိုက်ခဲ့ခြင်း ဖြစ်ကြောင်း သိရသည်။
