“သူတို့ရဲ့ အင်အားကမြို့ပေါ်မှာပဲရှိတော့တယ်။ကျွန်တော်တို့က ချင်းတောင်မှာ ၇၀ရာခိုင်နှုန်းကျော်ကို ထိန်းချုပ်ထားတယ်။ သူတို့ရဲ့ အုပ်ချုပ်ရေးယန္တရားမလည်ပတ်နိုင်အောင် မြို့သိမ်းတိုက်ပွဲလုပ်ဖို့ လိုပါတယ်။စစ်ကောင်စီ အပြုတ် တိုက်ဖို့ဆိုရင် မြို့သိမ်းတိုက်ပွဲက လုပ်ကိုလုပ်ရမယ့်ဟာဖြစ်ပါတယ်။”
CNF/CNA ပြောရေးဆိုခွင့်ရှိသူ ဆလိုင်းထက်နီ နှင့်တွေ့ဆုံမေးမြန်းခြင်း
By ရန်ကုန်ခေတ်သစ်
နိုင်ငံအနှံ့တော်လှန်ရေးအင်အားစုတွေက အကြမ်းဖက်စစ်ကောင်စီရဲ့ စခန်းတွေ မြို့တွေကို ဆက်တိုက်သိ မ်းယူနေသလို ပြီးခဲ့တဲ့ ရက်ပိုင်းကလည်း ချင်းတော်လှန်ရေး တပ်ဖွဲ့တွေက ပထမဆုံး ရိဒ်ခေါဒါရ်မြို့ကို ပထမဆုံးတိုက်ခိုက်သိမ်းပိုက်လိုက်ပါတယ်။
အဲဒီသိမ်းပိုက်ထားတဲ့ ရိဒ်ခေါဒါရ်မြို့မှာ ပြည်သူ့ အုပ်ချုပ် ရေး တွေ စတင်တော့မယ့်အကြောင်းတွေနဲ့ နယ်စပ်ကုန်သွယ်ရေးမြို့ဖြစ်တာနဲ့အညီ အိန္ဒိယဘက်ခြမ်းရှိ အဖွဲ့အစည်းတွေနဲ့ ဆက်ဆံရေးအခြေအနေတွေ တိုက်ပွဲအတွင်း စစ်ကောင်စီတပ်တွေရဲ့ အခြေအနေတွေနဲ့ နောက်မြို့သိမ်းတိုက်ပွဲတွေလာတော့မလားဆိုတာ ကိုသိရအောင် CNF/CNA ပြောရေးဆိုခွင့်ရှိသူ ဆလိုင်းထက်နီ နဲ့ တွေ့ဆုံမေးမြန်းထားတာကို တင်ဆက်လိုက်ရပါတယ်။
