ရန်ကုန်၊ ဧပြီ ၁၉
မန္တလေးတိုင်း၊ တံတားဦးမြို့ရှိအကြမ်းဖက်စစ်ကောင်စီ၏ တံတားဦး လေဆိပ်ကို ရှော့တိုက်ဒုံး ၁၅ လုံး ဖြင့် ပစ်ခတ်တိုက် ခိုက်ခဲ့ရာ လေယာဉ်ထားသည့် ဂိုဒေါင် ထိမှန် ပျက်စီးခဲ့ကြောင်း Freedom Revolution Force – FRF မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြား သည်။
ဧပြီလ ၁၇ ရက်နေ့ နံနက် ၂ နာရီခန့်အချိန် မြန်မာနိုင်ငံလုံးအနှံ့ရှိ ပြည်သူများကို လေကြောင်းမှ တိုက်ခိုက်ရာတွင် အသုံးပြုနေသော တံတားဦးမြို့ရှိ အကြမ်းဖက်စစ်ကောင်စီ၏ လေတပ်ကို ၁၀၇ မမ ရှော့တိုက်ဒုံး ၁၀ လုံး၊ ၉၀ မမ ရှော့တိုက်ဒုံး ၅ လုံးဖြင့် ပစ်ခတ်တိုက်ခိုက်ခဲ့ရာ ရှော့တိုက်ဒုံး ၁၂ လုံး ခန့်ပစ်မှတ်ကို ထိမှန်ပေါက်ကွဲခဲ့ပြီး လေယာဥ်ဂိုဒေါင် ပျက်စီးခဲ့ကြောင်း သိရသည်။
“လေယာဉ်တွေထားတဲ့ ဂိုဒေါင်ထိတာတော့ သတင်းရထားတယ်၊ ကျန်တဲ့နောက်ဆက်တွဲသတင်းက တော့ မရသေးဘူး၊ ၃ လုံးလောက်ကတော့ ပစ်ခတ်တဲ့ ပစ်မှတ်ကို မရောက်တာဖြစ်ခဲ့တယ်။ ၉၀ မမ တွေကတော့ အကုန်လုံးနီးပါး ပစ်မှတ်ထိတယ်၊ ၁၀၇ မမ ပဲ ၃ လုံးလောက်မရောက်တာ။ အခုချိန် အထိ လေတပ်ဘက်အခြမ်းမှာ အကုန်လုံးပိတ်ထားတာ၊ နောက်ဆက်တွဲ ဘယ်လိုမှ သတင်းထောက်လို့မရဘူးဖြစ်နေတယ်၊ဒီလေဆိပ် ကနေပြီး မြန်မာနိုင်ငံအနှံ့က ပြည်သူတွေကို ဗုံးကျဲတိုက်ခိုက်နေတဲ့အတွက်ကြောင့် ကျနော်ပစ်မှတ် ထားပြီး တိုက်ခိုက်ခဲ့တာပါ” ဟု Freedom Revolution Force – FRF မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြား သည်။
အဆိုပါ တိုက်ခိုက်မှုကို Freedom Revolution Force – FRF အထူးတာဝန်တပ်ဖွဲ့ – ၁ ၊ Kyaukse Revolution Army – KRA နှင့် စဥ့်ကိုင်မြို့နယ် ပကဖ အဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး အကြမ်းဖက်စစ်ကောင်စီ၏ လေတပ်အတွင်းမှ လက်နက်ကြီးများဖြင့် ရမ်းသမ်းပစ်ခတ်မှုရှိခဲ့သော် လည်း ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရ သည်။
ရန်ကုန်ခေတ်သစ်က ရရှိထားသော သတင်းများအရ ရှော့တိုက်ဒုံးထိမှန်သော လေယာဉ်ထားရာ ဂိုဒေါင်အတွင်းမှ တိုက်လေယာဉ်တချို့လည်း ထိခိုက်ပျက်စီးမှုရှိကြောင်း သိရှိရသည်။
ဓာတ်ပုံ – တံတားဦးလေတပ်ကို ၂၀၂၃ ခုနှစ် ဇန်နဝါရီလအတွင်း ပစ်ခတ်ခဲ့သည့် ရှော့တိုက်ဒုံးများ။(ပုံအဟောင်းဖြစ်ပါသည်။)
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar #တံတားဦးလေတပ် #လေယာဉ်ဂိုဒေါင်ထိမှန်ပျက်စီး
