ပူတာအိုရှိ စစ်တပ်ဒေါက်တိုင် ခရိုနီ တေဇပိုင် Putao Malikha lodge ဟိုတယ် မီးလောင်ပြီး အကုန်ပြာကျသွား
ရန်ကုန်၊ ဧပြီ ၂၀
ကချင်ပြည်နယ်၊ ပူတာအိုမြို့နယ်ရှိ စစ်တပ်ဒေါက်တိုင် ခရိုနီတေဇပိုင် Putao Malikha lodge ဟိုတယ် မီးလောင်ပြီး အကုန်ပြာကျသွားကြောင်း ဒေသပြည်သူများထံမှ သိရှိရသည်။
ဧပြီလ ၂၀ ရက်နေ့ နံနက် ၆ နာရီအချိန်တွင် တေဇပိုင် Putao Malikha lodge ဟိုတယ်တွင် မီးလောင်ကျွမ်းခြင်းဖြစ်ပြီး မီးလောင်ကျွမ်းမှုကြောင့် ဘန်ဂလို ၁၅ လုံးရှိသော ဟိုတယ်တစ်ခုလုံး မီးလောင်ပြာကျသွားခြင်းဖြစ်ကြောင်း၊ မီးလောင်ကျွမ်း ရသည့် အကြောင်းအရင်းကို မသိရှိရသေးကြောင်း ဒေသပြည်သူများက ဆိုကြသည်။
” ဘယ်လိုဖြစ်လို့ မီးလောင်လဲ မသိရသေးဘူး။ မီးလောင်တာတော့ ဟိုတယ်တစ်ခုလုံး အကုန်ကုန်သွားပြီ။ တစ်ခုမှ အကောင်း မကျန်တော့ဘူး။ နံနက် ၆ နာရီမှာ လောင်တာ ကုန်ပြီ။ အဲဒီဟိုတယ်က စျေးအတော်ကြီးတဲ့ဟိုတယ်ပဲ။ စစ်တပ်ဒေါက်တိုင်လည်းဟုတ်တယ်”ဟု ဒေသပြည်သူတစ်ဦးက ဆိုသည်။
တေဇ၏ Putao Malikha lodge ဟိုတယ်တွင် တစ်ညလျှင် ပျမ်းမျှ ဒေါ်လာ ၂၀၀ ဝန်းကျင် စျေးပေါက်ပြီး ခရီးသွားရာသီများဆိုလျှင် အလွန်စျေးနှုန်းကြီး မြင့်ကြောင်း သိရှိရသည်။
ဓာတ်ပုံ- တေဇပိုင် Putao Malikha lodge ဟိုတယ်၏ မီးလောင်နေသည့် မြင်ကွင်းနှင့် မီးမလောင်မီ ဟိုတယ်မြင်ကွင်း။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar #စစ်တပ်ဒေါက်တိုင် ခရိုနီ တေဇ #Putao Malikha lodge ဟိုတယ် မီးလောင်
![Pinterest](https://pinterest.com/pin/create/button/?url=https://yktnews.com/2024/04/158178/&media=https://yktnews.com/wp-content/uploads/2024/04/438785369_790400866520855_719585629889597540_n.jpg&description=" ဘယ်လိုဖြစ်လို့ မီးလောင်လဲ မသိရသေးဘူး။ မီးလောင်တာတော့ ဟိုတယ်တစ်ခုလုံး အကုန်ကုန်သွားပြီ။ တစ်ခုမှ အကောင်း မကျန်တော့ဘူး။){kind=link}