တောင်ပိုင်းတိုင်း စစ်ဒေသခွဲ ၃ အပတ်စဉ် ၇ ဒရုန်းသင်တန်းဆင်းပွဲ ပြုလုပ်
ရန်ကုန်၊ ဇွန် ၁၀
မြန်မာနိုင်ငံတောင်ပိုင်း တော်လှန်ရေးနယ်မြေတစ်နေရာတွင် တောင်ပိုင်းတိုင်း စစ်ဒေသခွဲ ၃ အပတ်စဉ် ၇ ဒရုန်းသင်တန်းဆင်းပွဲကို ဇွန်လ ၇ ရက်နေ့တွင် ပြုလုပ်ခဲ့ကြောင်း သိရှိရသည်။
အဆိုပါ သင်တန်းဆင်းပွဲကို မွန်ပြည်ဖက်ဒရယ်ကောင်စီ MSFC မှ ခေါင်းဆောင်များ၊ မွန်ပြည်ကာကွယ်ရေးတပ် MSDF နှင့် မွန်ပြည်တော်လှန်ရေးတပ် MSRF စစ်ရေးခေါင်းဆောင်များ တက်ရောက်ခဲ့ကြပြီး အမျိုးသားညီညွတ်ရေးအစိုးရ ၏ ဒု-ကာကွယ်ရေးဝန်ကြီးနိုင်ကောင်းရွတ် သဝဏ်လွာပေးပို့ခဲ့ကြောင်း သိရှိရသည်။
