26 C
Yangon

ကျောက်တံခါးမြို့ပေါ်ရှိ စစ်တပ် ဂိတ်စခန်း ၂ ခုကို ဝင်ရောက် တိုက်ခိုက်မှု စစ်ကောင်စီ တပ်သား ၁၆ ဦးသေဆုံးပြီး PDF ရဲဘော် ၁ ဦး ကျဆုံး

Must read

ကျောက်တံခါးမြို့ပေါ်ရှိ စစ်တပ် ဂိတ်စခန်း ၂ ခုကို ဝင်ရောက် တိုက်ခိုက်မှု စစ်ကောင်စီ တပ်သား ၁၆ ဦးသေဆုံးပြီး PDF ရဲဘော် ၁ ဦး ကျဆုံး

ရန်ကုန်၊ ဇွန် ၂၆

ပဲခူးတိုင်း၊ ကျောက်တံခါးမြို့ပေါ်ရှိ အကြမ်းဖက် စစ်တပ် ဂိတ်စခန်း ၂ ခုကို ဝင်ရောက် တိုက်ခိုက်ရာ စစ်ကောင်စီ တပ်သား ၁၆ ဦးသေဆုံးပြီး PDF ရဲဘော် ၁ ဦး ကျဆုံးခဲ့ကြောင်း ပြည်သူ့ကာကွယ်ရေးတပ်မတော် တောင်ပိုင်းစစ်ဒေသ ထံမှ သိရသည်။

ဇွန်လ ၂၅ ရက်နေ့ နံနက် ၁ နာရီ ၃၅ မိနစ်ခန့်တွင် ကျောက်တံခါးမြို့ စျေးပိုင်း ရပ်ကွက် ၁ လမ်းရှိ စစ်တပ် ဂိတ်ကင်းစခန်းနှင့် စျေးပိုင်းရပ်ကွက် ၂ လမ်းထိပ်ရှိ အကြမ်းဖက် စစ်တပ် တပ်စွဲထားသော ရွှေဘုန်းတိုး ဂိတ်စခန်းကို အမျိုးသားညီညွတ်ရေးအစိုးရ၊ ကာကွယ်‌ရေးဝန်ကြီးဌာန၊ တောင်ပိုင်းစစ်ဒေသ၊ အမှတ် ၂ စစ်ဒေသခွဲ၊ ပြည်သူ့ကာကွယ်ရေးတပ်မတော် (PDF)၊ ပဲခူးခရိုင် တပ်ရင်း ၃၇၀၂ နှင့် KNLA တပ်ရင်း ၉ ပူးပေါင်းတပ်ဖွဲ့တို့က ဝင်ရောက် တိုက်ခိုက်ခဲ့ခြင်း ဖြစ်ကြောင်း သိရသည်။

အဆိုပါ တိုက်ခိုက်မှုအတွင်း အကြမ်းဖက် စစ်ကောင်စီတပ်သား ၁၆ ဦးခန့် သေဆုံးခဲ့ပြီး ပြည်သူ့ကာကွယ်ရေးတပ်မတော် (PDF) တပ်ရင်း ၃၇၀၂ မှ ရဲဘော် ၁ ဦး တိုင်းပြည်အတွက် မြင့်မြတ်စွာ အသက်ပေးလှူခဲ့ကြောင်း သိရှိရသည်။

ယင်းနေ့ နံနက် ၂ နာရီ ၂၀ မိနစ်ခန့်တွင် အကြမ်းဖက် စစ်တပ်ဘက်မှ လက်နက်ကြီး ပစ်ကူနှင့် စစ်ကူ အင်အား ၁၀၀ ဝန်းကျင်ခန့်ပါသော ကား ၅ စီးဖြင့် စစ်ကူများ ရောက်ရှိလာသောကြောင့် ပြည်သူ့ကာကွယ်ရေးတပ်ဖွဲ့နှင့် ပူးပေါင်းအဖွဲ့မှ အထိခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

တိုက်ပွဲဖြစ်ပွားပြီးနောက် ပိန်းဇလုပ် ခလရ ၂၆၄ တပ်ရင်းက လက်နက်ကြီးများဖြင့် ရမ်းသမ်းပစ်ခတ်ခဲ့ပြီး သမင်အင်းကုန်းကျေးရွာ အတွင်း ကျရောက်ပေါက်ကွဲခဲ့ပြီး ပြည်သူများ ထိခိုက်မှု မရှိသော်လည်း ပြည်သူပိုင် နေအိမ်များ ထိခိုက်ပျက်ဆီးမှု ရှိခဲ့ကြောင်း သိရှိရသည်။

- Advertisement -spot_img

More articles

- Advertisement -spot_imgspot_imgspot_imgspot_img

Latest article