ရန်ကုန်၊ ဇွန် ၂၇
ကချင်ပြည်နယ်၊ ဖားကန့်မြို့နယ်၊ဆိုင်းတောင်ရဲစခန်းတွင် အစည်းအဝေး လုပ်နေစဉ် ဒရုန်းဖြင့် ဗုံးကျဲချရာ ဒုရဲမှူးကြီး အောင်သူရ အပါအဝင် ၁၀ ဦး သေဆုံးခဲ့ကြောင်း KIA ၏ စစ်ရေး သတင်းရင်းမြစ်က ရန်ကုန်ခေတ်သစ်မီဒီယာသို့ ပြောဆိုသည်။
ယမန်နေ့ ဇွန်လ ၂၆ ရက်နေ့တွင် ဆိုင်းတောင်ရဲစခန်း၌ အကြမ်းဖက် စစ်ကောင်စီ တပ်သားများ အစည်းအဝေး ပြုလုပ်နေစဥ် KIA က ဒရုန်းဖြင့် ဗုံးကျဲ တိုက်ခိုက်ရာ ဖားကန့် ရဲတပ်ရင်းမှူး အောင်သူရ အပါအဝင် ၁၀ ဦး သေဆုံးခဲ့ပြီး ၆ ဦး ထိခိုက် ဒဏ်ရာရရှိခဲ့ကြောင်း သိရှိရသည်။
” ဆိုင်းတောင်ရဲစခန်းမှာ သူတို့ အစည်းအဝေးလုပ်နေတုန်း KIA က drone နဲ့ ဗုံးလာကျဲတဲ့ထဲမှာ သေတာ ရဲ ၁၀ ကောင်သေတယ်။ ၆ ကောင် ဒဏ်ရာပြင်းထန်တယ်။ ” ဟု KIA ၏ စစ်ရေး သတင်းရင်းမြစ်က ပြောဆိုသည်။
ဒရုန်းဖြင့် ဗုံးကျဲမှုကြောင့် သေဆုံးသွားကြသူများမှာ –
၁- ဒုရဲမှူးကြီး အောင်သူရ
၂- ဒုရဲမှူး ခိုင်စိုးဟန်
၃- ရဲအုပ် ထွန်းခိုင်စိုး
၄-ရဲတပ်ကြပ်ကြီး သိန်းစိုး
၅-ဒုတပ်ကြပ် ဇော်မိုး
၆-တသ ဟိန်းမင်းထက်
၇-တသဖြိုးထက်အောင်
၈-တသဇော်၀င်းကျော်
၉-တသထွန်းထွန်းလင်း
၁၀-တပ်ကြပ်ကြီး ၀င်းမြင့် တို့ဖြစ်ကြောင်း သိရှိရသည်။
ဓာတ်ပုံ – ဖားကန့် ဆိုင်းတောင် တိုက်ပွဲအတွင်း သေဆုံးနေသော စစ်ကောင်စီတပ်ဖွဲ့ဝင်များ။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
