သပိတ်ကျင်းမြို့နယ်၊ တွင်းငယ် ရဲစခန်းသိမ်း တိုက်ပွဲမတိုင်မီ ရဲ ၂ ဦး လက်နက်များ ယူဆောင်လာပြီး အလင်းဝင်

ရန်ကုန်၊ ဩဂုတ် ၇

မန္တလေးတိုင်း၊ သပိတ်ကျင်းမြို့နယ်၊ တွင်းငယ် ရဲစခန်းသိမ်း တိုက်ပွဲမတိုင်မီ ရဲ ၂ ဦး လက်နက်များ ယူဆောင်လာပြီး အလင်းဝင်လာကြောင်း ABSDF တပ်မတော်က ပြောဆိုသည်။

ဇူလိုင်လ ၁၉ ရက်နေ့တွင် တွင်းငယ်ရဲစခန်းကို တော်လှန်ရေး တပ်ဖွဲ့များ တိုက်ခိုက် မသိမ်းပိုက်မီ ABSDF ကျောင်းသား တပ်မတော်ထံ ရဲ ၂ ဦး လက်နက်များ ယူဆောင်လာပြီး အလင်းဝင်ရောက်ခဲ့ကြောင်း၊ အလင်းမဝင်မီ အချိန်ကပင် အဆိုပါ ရဲ ၂ ဦးသည် ABSDF အပါအဝင် တော်လှန်ရေး အင်အားစုများကို များစွာအကူအညီ ပေးခဲ့ကြောင်း သိရသည်။

ထို့ကြောင့် ABSDF အနေဖြင့် ၎င်းတို့ကို လေးစားစွာ မှတ်တမ်းတင် ဂုဏ်ပြု​ရင်း ကျန်ရှိနေသေးသော စစ်ကောင်စီလက်အောက်ခံများကိုလည်း နီးစပ်ရာ တော်လှန်ရေးအင်အားစု အသီးသီးထံသို့ အလင်းဝင်ရောက်ကြပါရန် တိုက်တွန်းလိုကြောင်း ABSDF တပ်မတော်က ပြောဆိုသည်။

ABSDF အပါအဝင် မဟာမိတ် ပူးပေါင်းတပ်ဖွဲ့များက သပိတ်ကျင်းမြို့နယ် တွင်းငယ် ရဲစခန်းကို ဇူလိုင်လ ၂၅ ရက်နေ့တွင် အပြီးသတ် သိမ်းပိုက်နိုင်ခဲ့ကြောင်း သိရှိရသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar