ဖာပွန်ခရိုင်တွင် ဒီဇင်ဘာလဝက်အထိ တိုက်ပွဲ ၄၅ ကြိမ် ဖြစ်ပွားပြီး စစ်ကောင်စီ တပ်သား ၁၁ ဦးသေဆုံး
ကရင်ပြည်နယ်၊ ဖာပွန်ခရိုင်တွင် ဒီဇင်ဘာလဝက်အထိ တိုက်ပွဲ ၄၅ ကြိမ် ဖြစ်ပွားပြီး စစ်ကောင်စီ တပ်သား ၁၁ ဦးသေဆုံးခဲ့ကြောင်း KNU ဗဟိုက ပြောဆိုသည်။
ဒီဇင်ဘာလ ၁ ရက်နေ့မှ ၁၅ ရက်နေ့အထိ ဖာပွန်ခရိုင်တွင် အကြမ်းဖက် စစ်ကောင်စီတပ်များနှင့် ကရင် အမျိုးသားလွတ်မြောက်ရေးတပ်မတော် (K.N.L.A) ဦးဆောင်သော တော်လှန်ရေးပူးပေါင်းတပ်များ အကြား တိုက်ပွဲကြီးတိုက်ပွဲငယ်ပေါင်း ၄၅ ကြိမ် ဖြစ်ပွားခဲ့ကြောင်း သိရသည်။
ယင်း ထိတွေ့ တိုက်ပွဲများ အတွင်း အကြမ်းဖက် စစ်ကောင်စီ တပ်သား ၁၁ ဦးသေဆုံးပြီး ၈ ဦးခန့် ထိခိုက် ဒဏ်ရာရရှိခဲ့ကြောင်း သိရှိရသည်။
တိုက်ပွဲများဖြစ်ပွားစဉ်အတွင်း အကြမ်းဖက် စစ်ကောင်စီတပ်များက ပြည်သူလူထုများ နေထိုင်ရာ ကျေးရွာများအတွင်း လက်နက်ကြီး ၂၈ လုံး ပစ်ခတ်ခဲ့သောကြောင့် ပြည်သူ ၁ ဦး ထိခိုက်ဒဏ်ရာရရှိခဲ့ကြောင်း သိရသည်။
