ရန်ကုန်၊ ဒီဇင်ဘာ ၂၀
ဧရာဝတီတိုင်းအတွင်းသို့ AA ဝင်ရောက် တိုက်ခိုက်မည်ကို အကြမ်းဖက် စစ်တပ်က စိုးရိမ်နေပြီး အင်္ဂပူမြို့နယ်တွင် ရပ်ကွက်လုံခြုံရေးအဖွဲ့များ ဖွဲ့စည်းရန် အရေးပေါ် အစည်းအဝေးများ ခြိမ်းခြောက် ခေါ်ယူနေကြောင်း ပုသိမ်မြို့နယ် သတင်းအထူးတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ယမန်နေ့ ဒီဇင်ဘာလ ၁၉ ရက်နေ့ မွန်းလွဲ ၁ နာရီခန့်အချိန် အင်္ဂပူမြို့နယ်အတွင်း AA ဝင်ရောက် တိုက်ခိုက်မည်ကို အကြမ်းဖက် စစ်တပ်က စိုးရိမ်နေပြီး မဲဇလီကုန်းမြို့ ရပ်ကွက် ၁ ၊ ၂ ၊ ၃၊ ၄ အတွင်းရှိ အသက် ၃၅ နှစ်အထက် ပြည်သူများကို ရပ်ကွက်လုံခြုံရေးအဖွဲ့ ဖွဲ့ရန်အတွက်ဟုဆိုကာ အုပ်ချုပ်ရေးမှူးများက အရေးပေါ် အစည်းအဝေးခေါ်ယူခဲ့ကြောင်း သိရသည်။
ယင်း အစည်းအဝေးပွဲကို ဗိုလ်အောင်ကျော်ခန်းမတွင် ပြုလုပ်ခဲ့ပြီး ရပ်ကွက်လုံခြုံရေးအတွက် လူဦးရေ ၅၀ ခန့် ပေးရမည်ဖြစ်ကြောင်း၊ လက်နက်မဲ့ သင်တန်း ၂ ပတ် တက်ရောက်ရမည်ဖြစ်ကာ တစ်နေ့လျှင် ၆၈၀၀ ကျပ်ပေးမည်ဖြစ်ကြောင်း၊ ထို့ပြင် သင်တန်းဆင်းလာသူများကိုလည်း အပြာနုရောင် ဝတ်စုံထုတ်ပေးပြီး ဧည့်စာရင်းစစ်ဆေးခြင်း၊ လူကြီးလမ်းကြောင်းများတွင် လုံခြုံရေးစောင့်ပေးခြင်း၊ ၎င်းတို့ ခေါ်ဆောင်လျှင် လက်ထိပ်နှင့် တုတ်များ ပေးထားမည်ဖြစ်ကြောင်း ပြောဆိုခဲ့သည်ဟု သိရှိရသည်။
ထို့ပြင် မြို့ပေါ် ရပ်ကွက်များအတွင်း လူစိမ်း ဝင်ရောက်ခြင်း၊ ဧည့်သည် ရောက်ရှိခြင်းများရှိပါက အုပ်ချုပ်ရေးပိုင်းကို ချက်ချင်း သတင်းပေးပို့ ပေးပို့ခြင်းများလည်း လုပ်ဆောင်ရမည်ဖြစ်ကြောင်း၊ သင်တန်းဆင်းလာသူများကို လက်နက် မပေးဘဲ သတင်းပေး ပုံစံသာ လုပ်ဆောင်ခိုင်းခြင်းဖြစ်ကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
