မူဆယ်တွင် ခရိုင်အုပ်ချုပ်ရေးမှူး အောင်ဇော်မိုးနှင့် စစ်တပ်က လာဘ်ငွေယူ၍ တရားမဝင် ကုန်စည်သယ်ယူပို့ဆောင်မှုများကို ပြန်လည် ခွင့်ပြုနေသည့်အပြင် ယင်းလမ်းကြောင်းမှတစ်ဆင့် စစ်တပ်အတွက် ရိက္ခာဖြည့်တင်းမှုများ လုပ်နေ

ရန်ကုန်၊ ဇန်နဝါရီ ၁၆

ရှမ်းပြည်နယ်မြောက်ပိုင်း၊ မူဆယ်တွင် ခရိုင်အုပ်ချုပ်ရေးမှူး အောင်ဇော်မိုးနှင့် စစ်တပ်က လာဘ်ငွေယူ၍ တရားမဝင် ကုန် စည် သယ်ယူပို့ဆောင်မှုများကို ပြန် လည် ခွင့်ပြုနေသည့်အပြင် ယင်းလမ်းကြောင်းမှတစ်ဆင့် စစ်တပ်အတွက် ရိက္ခာဖြည့်တင်းမှုများ လုပ်နေကြောင်း ဒေသကုန်သည်များနှင် ဒေသသတင်းရင်းမြစ်တချို့က ရန်ကုန်ခေတ်သစ်သတင်းဌာနထံသို့ ပြောဆိုသည်။

အကြမ်းဖက်စစ်ကောင်စီက ပြည်မမှ မူဆယ်ဘက်သို့ ကုန်စည်သယ်ယူခွင့်များကို ပိတ်ပင်ထားသော်လည်း ယခုအခါ မူဆယ်နှင့်မိုင်းယု (၁၀၅) မိုင်လမ်းကို ငွေကြေးများ ကောက်ယူ၍ ပြန်လည် ခွင့်ပြုပေးနေကြောင်း၊ ထို့ပြင် မူဆယ် ဆင်ဖြူဂိတ်မှတစ်ဆင့် တရုတ်ပြည်(ကြယ်ဂေါင်) ဘက်သို့ လာဘ်ငွေယူ၍ လိုင်စင်မဲ့ကားနှင့်ဆိုင်ကယ်များကို ပြန်လည် ခွင့်ပြု နေကြောင်း သိရှိရသည်။

“ဦးအောင်ဇော်မိုးနဲ့ တပ်ဗျူဟာမှူးတွေကတော့ အဓိကတော့ လာဘ်ငွေယူခွင့်ပြုတာ ။ ကုန်စည်သွားလာတာတွေ၊ ဖြတ်သန်းသွားလာတာတွေကို ပြန်ပြီး ခွင့်ပြုပေးနေတာ။ ပြည်တွင်းလမ်းရော၊ တရုတ်-မြန်မာနယ်စပ်ဂိတ်ရော။ ငွေတော့ အရမ်းတောင်းတယ်။ အဖွဲ့လိုက် ဌာနပေါင်းစုံက အတောင်းအရမ်းကြမ်းတယ်။ ငွေမပေးနိုင်ရင်တော့ မရဘူး။ ငွေပေးနိုင်ရင် စားသောက်ကုန်၊ ဆေးဝါး သယ်ခွင့်ရတယ်။ အဲဒီလိုတွေ တရားမဝင် လမ်းကြောင်းတွေက ပေးရတော့ ကုန်စည်နဲ့ ပစ္စည်းတွေက စျေးကြီးကုန်တာ” ဟု မူဆယ်ဒေသမှ ကုန်သည်တစ်ဦးက ပြောဆိုသည်။

ထို့ပြင် တစ်နှစ်ကျော်ဖြတ်သန်းခွင့်ပိတ်ပင်ထားသည့် မူဆယ်နှင့် မိုင်းယု (၁၀၅)မိုင်လမ်းကို စစ်ကောင်စီတပ်နှင့် လက် အောက် ခံပြည်သူစစ်များက ဒီဇင်ဘာလအကုန်မှစတင်၍ ဖြတ်သန်းသွားလာသူများကို ငွေတောင်းပြီး သွားလာခွင့်ပြုပေးနေကြောင်း၊ ထိုလမ်းမကြီးကို အိမ်စီးကားတစ်စီးလျှင် အသွားအပြန်အားဖြင့် ငွေကျပ် ၂ သိန်း ပေးဆောင်နေရကြောင်း၊ ၎င်တပ်ဖွဲ့ များက ပုံမှန်သတ်မှတ်ထားထက် ပိုပြီးကောက်ခံခြင်းမျိုး ပြုလုပ်လေ့ရှိကြောင်း၊ ဆိုင်ကယ်အားဖြင့် တစ်ကြိမ် ဖြတ်သွား တိုင်း ကျပ်ငွေ (၅၀၀၀) ပေးဆောင်နေရကြောင်း TNLA က ယခု ဇန်နဝါရီလအတွင်း သတင်းထုတ်ပြန်ခဲ့သည်။

“လာဘ်ငွေယူ ခွင့်ပြုပေးတာက ပြည်သူအတွက် မဟုတ်ဘူး။ သူတို့ တပ်နဲ့ ပြည်သူ့စစ်အတွက် လိုအပ်တဲ့ ရိက္ခာနဲ့ကုန်စည်တွေရဖို့လည်း ပြည်သူနဲ့ ရောပြီး ခွင့်ပြုနေတာ။ ပြည်သူကို ခွင့်မပြုဘဲ သူတို့ချည်းပဲ ဆိုရင် ဖြတ်တိုက်ခံရတာတို့ ဘာတို့ ဖြစ်မှာစိုးလို့ပါ။ ပြည်သူကိ စေတနာရှိလို့မဟုတ်ဘူး”ဟု မူဆယ်ဒေသသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ရှင်းလင်း ပြောဆိုသည်။

TNLA ၏ အဆိုအရ မူဆယ်-မိုင်းယု လမ်းကြောင်းကို စစ်ကောင်စီတပ်က တရားဝင်ဖြတ်သန်းခွင့်ပေးခြင်းထားခြင်းမျိုးမဟုတ်ဘဲ ခွင့်ပြုရက်သာရှိသော်လည်း ၎င်းတိုတောင်းခံသည့်ငွေကိုပေးနိုင်လျှင် ဖြတ်သန်းခွင့်ပြုပေးကြောင်း၊ ကုန်တင်ကား၊ ဓာတ်ဆီနှင့်ဒီဇယ်တင်ယာဥ်များကို လုံးဝဖြတ်သန်းခွင့်မပြုသေးကြောင်း သိရှိရသည်။

ညီနောင်မဟာမိတ် ၃ ဖွဲ့ စတင်ခဲ့သည့် ၁၀၂၇ စစ်ဆင်ရေးမှစ၍ ယခုချိန်ထိ ဖြတ်သန်းခွင့်ပိတ်ပင်ထားသည့် ထိုလမ်းကို ၁၅ မိနစ်သာ သွားလာရချိန် ၄ နာရီခန့်ကြာအောင် မူဆယ်-နမ့်ခမ်း-နမ့်ဖက်ကာ-နမ့်ဖက်ကာ-မိုင်းယု ၁၀၅ မိုင်လမ်းကြောင်းကို ကွေ့ပတ်ပြီး သွားလာနေရကြောင်း၊ မိုင်းယု ၁၀၅ မိုင်ကုန်သွယ်ရေးဇုန်ကို ပြီးခဲ့သည့် ၂၀၂၃ခုနှစ်၊ ဒီဇင်ဘာလ ၁၄ရက်တွင် ညီနောင်မဟာမိတ် ၃ ဖွဲ့ ဖြစ်သည့် TNLA၊ AAနှင့် MNDAA တပ်ဖွဲ့က အလုံးစုံတိုက်ခိုက်သိမ်းပိုက်ခဲ့ပြီးနောက် မူဆယ်နှင့် မိုင်းယု ၁၀၅ မိုင် လမ်းကို စစ်ကောင်စီတပ်က ပိုမိုတင်းကြပ်စွာပိတ်ပင်ထားခဲ့ကြောင်း သိရှိရသည်။

ရှမ်းမြောက်မှ မြိုနယ်အားလုံးနီးပါး ဆုံးရှုးလိုက်ရသော စစ်ကောင်စီတပ်သည် လက်ကျန်ထိန်းချုပ်နေဆဲဖြစ်သည့် တရုတ်-မြန်မာနယ်စပ် မူဆယ်မြို့မှ တခြားမြို့ သို ကုန်စီးဆင်းခွင့်မရအောင် ပိတ်ပင်ထားခြင်းသော်လည်း အဆမတန် ငွေများတောင်းခံ ဖြတ်သန်းခွင့်ပြုမှုများ ရှိကြောင်း TNLA က သတင်းထုတ်ပြန်သည်။

ဓာတ်ပုံ – မူဆယ်ခရိုင်အုပ်ချုပ်ရေးမှူး

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar