လန်ဒန်မြို့တွင် ယူကေရောက် တိုင်းရင်းသားများ စုပေါင်း၍ ပင်လုံစာချုပ် ချုပ်ဆိုခြင်း ၇၉ နှစ်မြောက် အခမ်းအနားကို ကျင်းပ
အင်္ဂလန်နိုင်ငံ လန်ဒန်မြို့တွင် ယူကေရောက် ပြည်ထောင်စုဖွားတိုင်းရင်းသားများ စုပေါင်း၍ ပင်လုံစာချုပ် ချုပ်ဆိုခြင်း ၇၉ နှစ်မြောက် အခမ်းအနားကို ဖေဖော်ဝါရီလ ၈ ရက်နေ့တွင် ကျင်းပခဲ့ကြောင်း သိရှိရသည်။
အဆိုပါ အခမ်းအနားကို ယူကေရောက်တိုင်းရင်းသား အဖွဲ့အစည်းများ အားလုံးနှင့်အတူ ဒေါ်အောင်ဆန်းစုကြည် သား Kim နှင့် ယူကေ နိုင်ငံဆိုင်ရာ NUG ကိုယ်စားလှယ် ဒေါက်တာ သက်ကိုကိုတို့လည်း တက်ရောက်ခဲ့ကြကြောင်း၊ တော်လှန်ရေးရန်ပုံငွေရှာဖွေပွဲအဖြစ် တိုင်းရင်းသားရိုးရာ အစားအစာများ ရောင်းချခဲ့ကာ ရန်ပုံငွေများကို ပြည်တွင်းရှိ လိုအပ်သည့်နေရာများသို့ တိုက်ရိုက် ထောက်ပို့သွားမည်ဖြစ်ကြောင်း သိရှိရသည်။
