စစ်မှုထမ်းခိုင်းရန် လူငယ်များကို ဖမ်းဆီးငွေညှစ်မှုများ လုပ်ဆောင်နေသည့် ဒဂုံမြို့သစ်တောင်ပိုင်းရဲစခန်းကို မိုင်းဖြင့် ဖောက်ခွဲတိုက်ခိုက်

ရန်ကုန်၊ ဖေဖော်ဝါရီ ၂၆

ရန်ကုန်အတိုင်း စစ်မှုထမ်းခိုင်းရန် လူငယ်များကို ဖမ်းဆီးငွေညှစ်မှုများ လုပ်ဆောင်နေသည့် ဒဂုံမြို့သစ်တောင်ပိုင်းရဲစခန်းကို မိုင်းဖြင့် ဖောက်ခွဲတိုက်ခိုက်ခဲ့ကြောင်း Dark Shadow တပ်ဖွဲ့မှ ရဲဘော်ပန်ဒါန်က ရန်ကုန်ခေတ်သစ်သတင်းဌာနထံသို့ ပြောဆိုသည်။

ယမန်နေ့ ဖေဖော်ဝါရီလ ၂၅ ရက်နေ့ ည ၇ နာရီ ၂၈ မိနစ်အချိန် ဒဂုံမြို့သစ်တောင်ပိုင်း ၊တောင်မြောက်လမ်းဆုံအနီးရှိ ဒဂုံမြိုသစ်(တောင်ပိုင်း) မြို့မရဲတပ်ဖွဲ့စခန်း ကို Dark Shadow တပ်ဖွဲ့က အဝေးထိန်းမိုင်း ၂ လုံး အသုံးပြု တိုက်ခိုက်ခဲ့ကြောင်း၊ ရန်ကုန်နှင့် အခြားနေရာအနှံအပြားတွင် အကြမ်းဖက် စစ်တပ်က ပြည်သူများကို နေ့စဉ်ဒုက္ခပေးနေပြီး မတရား စစ်မှုထမ်း ဥပဒေကို အသုံးပြုကာ လူငယ်များကို ဖမ်းဆီးမှု၊ မိသားစုဝင်များကို ငွေညှစ်မှု များ လုပ်ဆောင်နေခြင်းကြောင့် ဖောက်ခွဲတိုက်ခိုက်နေခြင်းဖြစ်ကြောင်း သိရှိရသည်။

“အဓိကစစ်မှုထမ်းဥပဒေ တင်းကျပ်တာရယ်၊ မြို့နယ်ရဲစခန်းတွေကနေတစ်ဆင့် စစ်တပ်ဆီကို ပို့နေတာရယ်ကြောင့်” ဟု ရဲဘော်ပန်ဒါက ရှင်းပြသည်။

Dark Shadow တပ်ဖွဲ့က စစ်ကောင်စီတပ်ဖွဲ့ဝင်များကို ရရာနေရာမှ တိုက်ခိုက်သွားမည် ဖြစ်ကြောင်း၊ စစ်ရေးပစ်မှတ်များကိုလည်း ဆက်လက်တိုက်ခိုက်သွားမည် ဖြစ်ပြီး ပြည်သူများအနေဖြင့် စစ်ကောင်စီ နှင့် ပတ်သတ်သော နေရာများ၊ စစ်သား၊ရဲ ပျူစောထီးများနှင့် အရပ်ဝတ်စစ်ကောင်စီတပ်ဖွဲ့ဝင်များ စုဝေးရာနေရာများသို့ မသွားကြရန် ၊ဝေးဝေးမှရှောင်ရှားသွားလာပေးကြပါရန် မေတ္တာရပ်ခံထားသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar