ရန်ကုန်၊ မတ် ၁၀
မတ်လ ၇ ရက်နေ့ ဘယ်လာရုစ်နိုင်ငံတွင် ပြုလုပ်သော သတင်းစာရှင်းလင်းပွဲတွင် မင်းအောင်လှိုင်က “Sanctions လုပ်တယ်ဆိုလို့ရှိရင် Sanctions လို့ခေါ်တဲ့ အဖွဲ့အစည်းတွေ ဆန့်ကျင်ဘက်အဖွဲ့အစည်းတွေက အတိုက် အခိုက်ခံရတဲ့ Software တွေက အင်အားစုစည်းမှုကို ပိုမို ရရှိစေပြီးတော့မှ ပြိုင်ဆိုင်မှုတွေကို ပြင်းထန်လာစေမယ်ဆိုတာကိုလည်း သတိပြုစေလိုပါတယ်”ဟု မင်းအောင်လှိုင်က မှားယွင်းပြောဆိုခဲ့ခြင်းဖြစ်သည်။
ယင်းမှားယွင်းပြောဆိုမှုကို မတ်လ ၉ ရက်နေ့ထုတ် သတင်းစာများတွင် အမှားပြင်ဆင်ချက်အဖြစ် Software ဆိုသော စကားလုံးကို ဖြုတ်ပယ်၍ ပြင်ဆင်ဖတ်ရှုပါရန် ထည့်သွင်းဖော်ပြသည့်အပြင် ရုပ်မြင်သံကြားသတင်းများအားလုံးနှင့် တယ်လီဂရမ်တွင် တင်ထားသည့် မင်းအောင်လှိုင်၏ သတင်းစာရှင်းလင်းပွဲ ဗီဒီယိုများအားလုံးကို ပြန်လည် ပြင်ဆင်တည်းဖြတ်၍ ထုတ်လွှင့်ခိုင်းခဲ့ရကြောင်း သိရှိရသည်။
“တပ်ချုပ်က ပေးတဲ့ မိန့်ခွန်းအတိုင်းပဲ သတင်းစာနဲ့ MRTV မှာ ဖော်ပြတာပါ။ မူရင်းမိန့်ခွန်းမှာကို မှားယွင်းနေခဲ့တာပါ။ သတင်းစာမှာ အမှားပြင်ဆင်ချက်ထည့်တဲ့အပြင် တယ်လီဂရမ် ဗီဒီယိုတွေကိုလည်း ပြန်လည် ပြင်ဆင် တည်းဖြတ်ပြီး တင်ရပါတယ်” ဟု ရန်ကုန်ခေတ်သစ်၏ သတင်းရင်းမြစ်က ရှင်းပြသည်။
မင်းအောင်လှိုင်က Sanctions စီးပွားရေးပိတ်ဆို့မှုနှင့် ကွန်ပျူတာဆော့ဝဲ Software ၏ ကွဲပြားခြားနားသော အဓိပ္ပာယ်နှင့် အင်္ဂလိပ်စာ အသုံးအနှုန်းကို နားမလည်ဘဲ ထင်ရာမြင်ရာ ပြောဆိုရာမှ မှားယွင်းသွားခဲ့ခြင်းဖြစ်ကြောင်း ရန်ကုန်ခေတ်သစ်၏ သတင်းရင်းမြစ်ကဆိုသည်။
အကြမ်းဖက်စစ်ခေါင်းဆောင် မင်းအောင်လှိုင်u မတ်လ ၃ ရက်နေ့မှ မတ်လ ၉ ရက်နေ့ အထိ ရုရှား ခေါင်း ဆောင် ပူတင်၊ ဘယ်လာရုစ်သမ္မတတို့နှင့်သွားရောက်တွေ့ဆုံခဲ့ပြီး ယမန်နေ့ နေပြည်တော်သို့ ပြန်လည် ရောက်ရှိလာခဲ့သည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
