ရန်ကုန်၊ ဧပြီ ၄
မန္တလေးမြို့၊ အိုးဘိုထောင်တွင် ငလျင်ဒဏ်ကြောင့် ယာယီ အချုပ်ထောင် တိမ်းစောင်းသွားပြီး ပြိုကျမည့် အခြေ အနေ ရှိသော် လည်း အချုပ်သား၊ အချုပ်သူများကို ချုပ်နှောင်ရာတွင် ဆက်လက်အသုံးပြုနေဆဲဖြစ်ကြောင်း အကျဉ်းဦးစီးဌာန သတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။
မတ်လ ၂၈ ရက်နေ့ လှုပ်ခတ်ခဲ့သော အင်အားပြင်း ငလျင်ဒဏ်ကြောင့် မန္တလေး အိုးဘိုထောင် အတွင်းရှိ ယာယီ အချုပ်ထောင် တိမ်းစောင်းသွားပြီး ပြိုကျမည့် အခြေအနေ ရှိသော်လည်း အချုပ်ထောင်ကို ဆက်လက် အသုံးပြု နေဆဲဖြစ်ကြောင်း၊ လက်ရှိအချိန် မန္တလေးမြို့ပေါ်တွင် နောက်ဆက်တွဲ ငလျင်များ နေ့စဉ် လှုပ်ခတ်နေခြင်းကြောင့် ယာယီ အချုပ်ထောင် ပြိုကျမည့် အခြေ အနေဖြစ်ပေါ်နေကာ စိုးရိမ်နေရကြောင်း၊ ထောင်အာဏာပိုင်များက အချုပ်သားအချုပ်သူများကို အကြောင်းမဲ့ ရိုက်နှက်မှုများကြောင့် အချုပ် ထောင် ပြိုကျနိုင်မည့် အခြေအနေကို ဝေဖန်ပြောဆိုမှု မလုပ်ရဲကြကြောင်း သိရှိရသည်။
“အိုးဘိုထောင်ထဲမှာ အမျိုးသမီး ယာယီ အချုပ်ထောင် ပင်မတိုင် တိမ်းစောင်းသွားပြီး အမျိုးသား အချုပ်ထောင်မှာလည်း အက် ကွဲကြောင်းကြီးတွေ ထနေပြီ။ အဲဒီနေရာတွေမှာ အချုပ်သားအချုပ်သူ တွေကို နံနက် ၁၁ နာရီကနေ ညနေ ၂ နာရီ အတွင်း အချုပ် ထောင်ထဲမှာ တစုတစည်းတည်း ချုပ်နှောင်နေတုန်းပဲ။ ငလျင်က နေ့တိုင်းလိုလို အနည်းနဲ့အများ လှုပ်နေတာဆိုတော့ အချိန်မရွေးပြိုကြနိုင်လို့ စိုးရိမ်နေရပါတယ်” ဟု အကျဉ်းဦးစီး သတင်းရင်းမြစ်က ပြောဆိုသည်။
မတ်လ၂၈ ရက်နေ့ ငလျင်လှုပ်ခတ်မှုကြောင့် နိုင်ငံရေးအကျဉ်းသားများကို စစ်ကောင်စီက ဖမ်းဆီးချုပ်နှောင် ထားသော မန္တလေးအိုးဘိုထောင်တွင် အဆောက် အဦး ပြိုကျသဖြင့် အနည်းဆုံး လူ ၄ ဦးသေဆုံးကြောင်း၊ ထိခိုက်ဒဏ်ရာရရှိသူ ၁၂ ဦး အထိ ရှိနိုင်ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်း သားများကွန် ရက် (PPNM) ကထုတ်ပြန်ခဲ့သည်။
အကျဉ်းထောင်အတွင်းရှိ အဆောက်အအုံနှင့် အုတ်ရိုးများမှာ နဂိုမူလကတည်း က ကြံ့ခိုင်မှုနည်းပါးပြီး အဆောင်များမှာ ပြိုကျလုဆဲဆဲအဆောင်များ ဖြစ် ကြောင်း၊ နှစ်ကာလရှည်ကြာသည့် အဆောင်များ ဖြစ်သည့်အပြင် လူဦး ရေ များပြားစွာ ထားသည့်အတွက် အဆောင်များ၏ ခံနိုင်ရည်အားသည် နဂိုမူလကတည်းက အားနည်းနေကြောင်း သိရှိရသည်။
ဓာတ်ပုံ – မန္တလေးအိုးဘိုထောင်။ (ပုံအဟောင်းဖြစ်ပါသည်။)
Photo- AFP ။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
