ရန်ကုန်၊ ဧပြီ ၂၂
မကွေးတိုင်း၊ ပခုက္ကူအကျဉ်းထောင်တွင် စစ်တပ်ဘက်သို့ ဘက်ပြောင်းသွားသော PDF ရဲဘော်များကို ထောင်သွင်းအကျဉ်းချထားကြောင်း Southern YSO PDF တာဝန်ခံ ကိုအောင်မောင်းက ရန် ကုန်ခေတ်သစ်သတင်း ဌာနထံသို့ ပြောကြားသည်။
ပခုက္ကူမြို့ရှိ အကျဉ်းထောင်အတွင်း၌ အကျဉ်းသား ၇၀၀ ခန့်ရှိပြီး အများစုမှာ ပခုက္ကူခရိုင်အတွင်းရှိ ပြည်သူ့ကာကွယ်ရေးအဖွဲ့(PDF) များနှင့် ဆက်နွယ်မှုရှိသည်ဟု မတရားစွပ်စွဲကာ ဖမ်းဆီးခံထားရသူ များ၊ အထူးသဖြင့် စစ်တပ်၏ လှည့်ဖြားမှုကြောင့် ဘက်ပြောင်းသွားသူများကို တောင်ကြီး၊ မန္တလေး မြို့တို့တွင် ကြိုဆိုပွဲပြုလုပ်ပြီးနောက် အချိန်ကာလတစ်ခုအထိ နေအိမ်၌ ပြန်လည်နေထိုင်စေကာ စောင့်ကြည့်မှုပြုလုပ်ပြီး ပြန်လည်ဖမ်းဆီးကာ ပခုက္ကူအကျဉ်းထောင်သို့ ပို့ဆောင်ခံရသူများဖြစ် ကြောင်း သိရသည်။
“လွတ်ငြိမ်းဆိုပြီး ပခုက္ကူအကျဉ်းထောင်ကနေ ၃၀ ကျော်လွတ်လာတယ်။ သူတို့က ငွေပေးပြီး ပြန် လွတ်လာသူတွေပါ။ သူတို့ထဲက တစ်ယောက်က ဖွင့်ပြောလို့ သိရတာဖြစ်ပါတယ်။ အာဏာရှင် လက် အောက်ကို ပြန်လည်ဝင်ရောက်သွားတဲ့သူတွေ လှည့်စားခံလိုက်ရတာဖြစ်ပါတယ်။ လူငယ်တွေအနေ နဲ့ အာဏာရှင်ရဲ့ လှည့်စားမှုကို မခံရစေဖို့ အခုလိုထုတ်ပြန်လိုက်တာပါ” ဟု Southern YSO PDF တာဝန်ခံ ကိုအောင်မောင်းက ရန် ကုန်ခေတ်သစ်သတင်း ဌာနထံသို့ ပြောကြားသည်။
ထို့အပြင် စစ်တပ်၏ မတရား စွပ်စွဲဖမ်းဆီးခံရပြီး ထောင်ဒဏ် နှစ် ၄၀ ကျော် ချမှတ်ခံရသည့် ကိုယ် ဝန်ဆောင် အမျိုးသမီးများစွာလည်း အကျဉ်းထောင်အတွင်း၌ ကလေးမွေးကာ နေထိုင်ကြရသူများ လည်းရှိကြောင်း၊ CDM ပြုလုပ်ထားသော နိုင်ငံ့ဝန်ထမ်းများကိုလည်း ခရီးသွားစဉ်မှတ်ပုံတင်စစ်ဆေး ကာ ထောင်ဒဏ် ၅ နှစ်အထက်ချမှတ်ခံထားရသူများလည်း ရှိကြောင်း သိရသည်။
အကြမ်းဖက် မင်းအောင်လှိုင်က ဧပြီလ ၂၀ ရက်နေ့ PDF များ ရက်ပေါင်း ၁၀၀ အတွင်း အလင်းဝင်ကြရန်၊ မြန်မာနိုင်ငံတွင် ပညာရေးနှင့် အသိပညာအားနည်းမှုများကြောင့် PDF များ ပေါ် ပေါက်လာခြင်းဖြစ်ပြီး လာမည့် ဇူလိုင်လ ၃၁ ရက်နေ့ကို နောက်ဆုံးထား၍ PDF များအနေဖြင့် အလင်းဝင်ရောက်ကြရန် ထုတ်ဖော်ပြောဆိုထားသည်။
ဓာတ်ပုံ- PDF များ အလင်းဝင်သည်ဟု စစ်တပ်က ဝါဒဖြန့်ခဲ့စဉ်။
