လာမည့် နာရီပိုင်းအတွင်း မိုခါ ဆိုင်ကလုန်းမုန်တိုင်း၏ဗဟိုချက်က စစ်တွေမြို့အနီးမှ ဖြတ်သန်းမည်ဖြစ်ပြီး တစ်နာရီ အနည်းဆုံး လေတိုက်နှုန်း ၁၆၇ မိုင်ရှိနိုင်
ရန်ကုန်၊ မေ ၁၄
လာမည့်နာရီပိုင်းအတွင်း မိုခါ ဆိုင်ကလုန်းမုန်တိုင်း၏ဗဟိုချက်က စစ်တွေမြို့အနီးမှ ဖြတ်သန်းမည်ဖြစ်ပြီး တစ်နာရီ အနည်းဆုံး လေတိုက်နှုန်း ၁၆၇ မိုင်ရှိနိုင်ကြောင်း မိုးလေဝသနှင့်ရာသီဥတုပြောင်းလဲမှုဆိုင်ရာ သုတေသီ Sonia Leonard က ရန်ကုန်ခေတ်သစ်သတင်းဌာနသို့ ပြောဆိုသည်။
“ကုန်တွင်းပိုင်းကို ဝင်တဲ့အချိန်မှာ မိုခါမုန်တိုင်းပြင်းအားအဆင့် ၅ အဆင့်မှာပဲရှိနေတယ်။ ရခိုင်ဒေသမှ ပြည်သူများ အနီးဆုံးခိုလှုံရာများသို့ ယခု ချက်ချင်းသွားရောက်ရန် လိုအပ်ပါတယ်။ လေတိုက်နှုန်းက တနာရီမိုင် ၁၆၇ မှ ၁၈၆ မိုင်အထိ နောက်နှစ်နာရီအတွင်း တိုက်ခိုက်နိုင်ပါတယ်” ဟု မိုးလေဝသနှင့်ရာသီဥတုပြောင်းလဲမှုဆိုင်ရာ သုတေသီ Sonia Leonard က ပြောဆိုသည်။
လက်ရှိ စစ်တွေမြို့ဝန်းကျင်တွင် ကြုံတွေ့နေသည့် မိုးသက်လေပြင်းကို နောက် ထပ် ၁ နာရီမှ ၂ နာရီခန့်အထိ ကြုံတွေ့နေရဦးမည်ဖြစ်ပြီး ဖြည်းဖြည်းချင်း မုန်းတိုင်းက ရွေ့လျားသွားမည်ဟု ၎င်းက ပြောဆိုသည်။
ဓာတ်ပုံ- ယနေ့ စစ်တွေမြို့ ဆက်သွယ်ရေးတာဝါတိုင် မကျိုးမီနှင့် ကျိုးကျပြီး မြင်ကွင်း။
