အမေရိကန်နိုင်ငံ၊ ဆန်ဖရန်စစ္စကိုမြို့ရှိ ထောက်ပို့ အဖွဲ့များနှင့် NUG အစိုးရ ဝန်ကြီးများ တွေ့ဆုံ ဆွေးနွေး
ရန်ကုန်၊ မေ ၂၃
အမေရိကန်နိုင်ငံ၊ ကာလီဖိုးနီးယားပြည်နယ်၊ ဆန်ဖရန်စစ္စကိုမြို့ရှိ နွေဦး တော်လှန်ရေး ထောက်ပို့ မြန်မာမိသားစုဝင်များနှင့် NUG အစိုးရ ဝန်ကြီး ဒေါက်တာဇော်ဝေစိုး၊ ဝန်ကြီး ဦးထင်လင်းအောင်နှင့် သံအမတ်ကြီး ဦးကျော်မိုးထွန်းတို့ တွေ့ဆုံ ဆွေးနွေးခဲ့ကြောင်း သိရသည်။
ထိုဆွေးနွေးပွဲကို မေလ ၂၂ ရက်နေ့တွင် ပြုလုပ်ခဲ့ပြီးထောက်ပို့ မြန်မာမိသားစုဝင် ၂၅၀ ကျော်တက်ရောက်ခဲ့ကာ အလှူငွေ သောင်းကျော် ရရှိခဲ့ကြောင်း၊ တက်ရောက် လာသော ပရိတ်သတ်များ၏ မေးခွန်းများကိုလည်း ဝန်ကြီးနှင့် သံအမတ်ကြီးတို့က ပြန်လည် ဖြေကြားပေးခဲ့ပြီး ရှေ့လုပ်ငန်းစဉ်၏ လိုအပ်ချက်များကိုလည်း ပွင့်လင်းစွာ ပြောဆိုခဲ့ကြောင်း သိရှိရသည်။
