မြို့သစ်မြို့နယ်၊ ရွှေပန်းကျေးရွာ အုပ်ချုပ်ရေးမှူး ဇော်ဦးနှင့် ပျူစောထီးများက စစ်မှုထမ်းစာရင်း အကြောင်းပြ၍ ငွေညှစ်ခြင်း၊ လူငယ်များကို ပေါ်တာဆွဲဖမ်းဆီးခြင်းအပြင် အမျိုးသမီး ၁ ဦးကိုပါ ခြိမ်းခြောက် မုဒိမ်းကျင့်

ရန်ကုန်၊ ဒီဇင်ဘာ ၂၄

မကွေးတိုင်း၊ မြို့သစ်မြို့နယ်၊ ရွှေပန်းကျေးရွာ အုပ်ချုပ်ရေးမှူး ဇော်ဦးနှင့် ပျူစောထီးများက စစ်မှု ထမ်း စာရင်း အကြောင်းပြ ကျေးရွာနေပြည်သူများအပေါ် ငွေညှစ်နေသည့်အပြင် ပျူစောထီး စိုးသူ ဆိုသူကလည်း ကျေးရွာနေ အမျိုးသမီးတစ်ဦးကို မုဒိမ်းကျင့်ခဲ့ကြောင်း ဒေသနေပြည်သူများက ရန်ကုန်ခေတ်သစ်သတင်းဌာနထံသို့ ပြောကြားသည်။

ဒီဇင်ဘာလ ၁၆ ရက်နေ့ ညနေ ၅ နာရီအချိန် မြို့သစ်မြို့နယ်၊ ရွှေပန်းကျေးရွာနေ မောင်ဘိုလွန်းသည် ရွာလည်ပိုင်းဈေးဆိုင်တွင် ဈေးဝယ်နေစဉ် ကျေးရွာအုပ်ချုပ်ရေးမှူးဇော်ဦးနှင့် နောက်လိုက်ဖြစ်သူ ပျူ စောထီး ကိုဦးတို့က အလုပ်ခိုင်းစရာရှိသည်ဟုဆိုကာဆိုင်ကယ်ပေါ်တင်၍ ခေါ်ဆောင်သွားပြီး မြို့ နယ်စစ်ကောင်စီရုံးသို့ စစ်မှုထမ်းခိုင်းရန် ပို့ဆောင်ခဲ့ကြောင်း၊ သို့ရာတွင် မြို့နယ်စစ်ကောင်စီရုံးက အရက်သမားဖြစ်နေ၍ စစ်မှုထမ်းရန် မဖြစ်နိုင်သောကြောင့် ပြန်လည် လွှတ်ပေးလိုက်ကြောင်း သိရသည်။

“ မောင်ဘိုလွန်း ဈေးဝယ်နေတုန်း အုပ်ကြီးက အလုပ်ခိုင်းစရာရှိလို့ ခဏလိုက်ခဲ့ဦးဆိုပြီး ဆိုင်ကယ်ပေါ်တင်ခေါ်သွားတာ၊ ပြီး တော့ စစ်မှုထမ်းလူစုနေတဲ့ ရုံးကို သွားပို့လိုက်တယ်။ ဘိုလွန်းက အရက်သမား၊ အရက် မသောက် ရင်လုံးဝမနေနိုင်ဘူး။ အရက်မသောက်ရရင်ခြေတွေ၊ လက်တွေတုန်နေတာ၊ အဲဒါကို ငွေပေးမှ ပြန်လွှ တ်ပေးမယ်လုပ်သေးတယ်။ ဘိုလွန်းမှာက ငွေလည်းပေးစရာရှိဘူး။ နောက်ကနေ ငွေပေး ရွေးနိုင် တဲ့သူလည်းမရှိတော့ ဘာမှအသုံးမဝင်ဘူးဆိုပြီး ပြန်လွှတ်ပေးလိုက်တာ” ဟု ဒေသနပြည်သူ တစ်ဦး က ရန်ကုန်ခေတ်သစ်သတင်းဌာနထံသို့ ပြောကြားသည်။

ရွှေပန်းကျေးရွာအုပ်ချုပ်ရေးမှူးဇော်ဦးနှင့် နောက်လိုက်ပျူစောထီးများဖြစ်ကြသည့် ကိုဦး ၊ စိုးသူ ၊ မြင့်ငွေ ၊ မျိုးမင်း ၊ အောင်သန်းစိုး နှင့် ဇော်လင်းဦးတို့သည် စစ်မှုထမ်းစာရင်းကို အကြောင်းပြကာ တစ်အိမ်လျှင်‌ ငွေကျပ် ၃၀၀၀၀ (သုံးသောင်း) ကောက်ခံနေသည့်အပြင် ချိန်းဆော ဖြင့် သစ်ခုတ်၊ မျောခုတ်လုပ်ကိုင်အသက်မွေးနေကြသူများကိုလည်း တစ်လလျှင် အခွန်း ၄၅၀၀၀ (လေးသောင်းငါးထောင်ကျပ်)နှုန်းကောက်ခံကြောင်း၊ ထို့အပြင် ကျေးရွာလုံခြုံရေးအတွက်ဟုဆိုကာ တစ်အိမ်လျှင် ၂ ကြိမ်နှုန်း ကင်းစောင့်ပေးရပြီး မစောင့်နိုင်ပါက ငွေကျပ် ၁၀၀၀၀ (တစ်သောင်းကျပ်) နှုန်းကောက်ခံနေကြောင်း သိရသည်။

ထို့အပြင် ရွှေပန်းကျေးရွာ ပျူစောထီးအဖွဲ့ဝင် စိုးသူက ကျေးရွာအသက် ၂၀ အရွယ် အမျိုးသမီး တစ်ဦးကို မုဒိမ်းကျင့်ကာ တိုင်ကြားလျှင် သတ်ပစ်မည်ဟုခြိမ်းခြောက်ထားကြောင်း ဒေသနေပြည် သူများက ရန်ကုန်ခေတ်သစ်သတင်းဌာနထံသို့ ပြောကြားသည်။

ဖြစ်စဉ်မှာ ဒီဇင်ဘာလ ၁၅ ရက်နေ့ မြို့သစ်မြို့နယ်၊ ရွှေပန်းကျေးရွာနေ အသက် ၂၀ အရွယ် အမျိုး သမီးတစ်ဦးနှင့် ချစ်ကြိုက်နေသူ မြေပြင်သာအုပ်စု၊ ကိုဒူကျေးရွာမှ လူငယ်တစ်ဦးက ရွှေပန်းကျေးရွာ သို့ လာရောက်စဉ် ကျေးရွာအုပ်ချုပ်ရေးမှူးဇော်ဦးနှင့် ပျူစောထီးအဖွဲ့ဝင် စိုးသူ၊ ကိုဦးတို့က ဖမ်းဆီးခဲ့ ကြောင်း ၊ ထိုသို့ ဖမ်းဆီးလိုက်ပြီးနောက် ပျူစောထီးအဖွဲ့ဝင် စိုးသူက အဆိုပါ လူငယ်၏ ချစ်သူ အမျိုးသမီးကို သွား ရောက်ခေါ်ဆောင်ကာ ရွှေပန်းချောင်းအနီးတွင် အဓမ္မပြုကျင့်ခဲ့ကြောင်း၊ တိုင်ကြားလျှင် သတ်ပစ်မည်ဟု ခြိမ်းခြောက်ခဲ့ကြောင်း၊ ထို့နောက် ဖမ်းဆီးထားသူ လူငယ်အမျိုးသားကို စစ်ဆေး ကာပြန်လွှတ်ပေးလိုက်ကြောင်း သိရသည်။

“စစ်ဆေးရေးဂိတ်မှာဖမ်းတဲ့ လူငယ်က သူ့ကောင်မလေးကိုလာတွေ့တာပြောတော့ ပျူစောထီး စိုးသူက ကောင်မလေးကို သွားခေါ်တာ၊ နင်ချစ်သူရောက်နေတယ်၊ တွေ့ဖို့လိုက်ခဲ့ဆိုပြးခေါ်တော့ ကောင်မလေးကလိုက်လာတာ၊ အဲဒီမှာ ရွာရဲ့အရှေ့ဘက်ရွှေပန်းချောင်းထဲခေါ်သွားပြီး မုဒိမ်းကျင့် တာ၊ ကျင့်ပြီးတော့ ဘယ်သူ့မှ မပြောရဘူး၊ ပြောရင် တိုင်ရင် သတ်ပစ်မယ်လို့ ခြိမ်းခြောက်တယ်၊ ပြီးမှ စစ်ဆေး ရေးဂိတ်ကိုခေါ်သွားပြီး နင့်ကောင်လေးဟုတ်လားဆိုပြီး မေးတော့ ဟုတ်ပါတယ်လို့ ပြောမှ ပြန်လွှတ် ပေးတာ” ဟု ဒေသနေပြည်သူတစ်ဦးက ပြောဆိုသည်။

#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar