ရန်ကုန်၊ ဩဂုတ် ၁
ရှမ်းပြည်နယ်မြောက်ပိုင်း၊ နောင်ချိုမြို့နယ်၊ ဒိုးပင်ကျေးရွာကို စစ်တပ်က တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်သဖြင့် ပြည်သူ ၁ ဦးသေဆုံးကြောင်း TNLA က သတင်းထုတ်ပြန်သည်။
ယမန်နေ့ ဇူလိုင်လ ၃၁ရက်နေ့ နောင်ချိုမြို့နယ်၊ ဒိုးပင်ကျေးရွာကို စစ်ကောင်စီတပ်က လေကြောင်းဖြင့် ပစ်ခတ်တိုက်ခိုက်မှုကြောင့် အသက် ၃၂ နှစ်အရွယ် အမျိုးသမီး ၁ ဦးသေဆုံးခဲ့ပြီး အသက် ၄၂ နှစ်အရွယ် ဦးခမ်းပန်းနှင့် အသက် ၆၈ နှစ်အရွယ် ဒေါ်တင်တင်ဦးတို့ ထိခိုက်ဒဏ်ရာရရှိခဲ့ကြောင်း၊ နေအိမ် ၈ လုံးနှင့် အိမ်စီးကား ၁ စီးတို့မှာလည်း ဗုံးစထိမှန်ပျက်စီးသွားခဲ့ကြောင်း သိရှိရသည်။
ဇူလိုင်လ ၃၀ ရက်နေ့ကလည်း နောင်ချိုမြိုနယ်၊ ဟိုခိုကျေးရွာကို မှ တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်သဖြင့် အမျိုးသမီး ၁ ဦးထိခိုက်ဒဏ်ရာရရှိပြီး နေအိမ် ၂ လုံးလည်း ထိမှန်ပျက်စီးခဲ့ကြောင်း သိရှိရသည်။
အလားတူမန္တလေးတိုင်း၊ တောင်သာမြို့နယ်၊ ရုံးစည်ကြီးရွာကို အကြမ်းဖက် စစ်တပ်က Gyrocopter များဖြင့် ဗုံးကျဲ တိုက်ခိုက်ခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။
ယနေ့ ဩဂုတ်လ ၁ ရက်နေ့ နံနက် ၁၂ နာရီ ၁၅ မိနစ်ခန့်အချိန် အကြမ်းဖက် စစ်တပ်၏ မိတ္ထီလာလေတပ်မှ တက်လာသော Gyrocopter ၃ စီးသည် တောင်သာမြို့နယ် အရှေ့ခြမ်းရှိ ရုံးစည်ကြီးရွာ အနီးကို ဗုံးသီး ၅ လုံး ကျဲချ တိုက်ခိုက်သွားကြောင်း သိရသည်။
အကြမ်းဖက် စစ်တပ်၏ လေကြောင်း တိုက်ခိုက်မှု အတွင်း ပြည်သူများ ထိခိုက်မှုမရှိသော်လည်း ကျေးရွာနေပြည်သူများ ထွက်ပြေး တိမ်းရှောင်ခဲ့ရကြောင်း သိရှိရသည်။
“ရုံးသည်ကြီးရွာ တစ်ဝိုက်ကို ပျံဝဲပြီးတော့ ပြည်သူတွေ အိပ်ကောင်းနေတဲ့ အချိန် ဗုံးလာကျဲတာ အားလုံးပေါင်း ဗုံးသီး ၅ လုံး ကျဲသွားတယ်။ ပြည်သူတွေ ထိခိုက်မှုမရှိဘူးလို့ သိရတယ်။ စစ်ခွေးတွေက ထပ်လာကျဲမှာကို ကြောက်လို့ ပြည်သူတွေတော့ ရှောင်နေရတယ်” ဟု ဒေသပြည်သူ တစ်ဦးက ပြောဆိုသည်။
ထို့အတူ မန္တလေး၊ ပုသိမ်ကြီးမြို့နယ်၊ သရက်ကိုင်းရွာ အနီးတစ်ဝိုက်ကိုလည်း အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခဲ့ကြောင်း Voice Of Mandalay မှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဇူလိုင်လ ၃၁ ရက်နေ့ ညပိုင်းတွင် သရက်ကိုင်းရွာ အနီးတဝိုက်ကို အကြမ်းဖက် စစ်တပ်က ဂျက်ဖိုက်တာ ၁ စီးဖြင့် ဗုံးကျဲ တိုက်ခိုက်ခဲ့ကြောင်း၊ အကြမ်းဖက် စစ်တပ်၏ ဗုံးကျဲ တိုက်ခိုက်မှု အတွင်း ပြည်သူများ ထိခိုက်မှုရှိမရှိကို အတည်ပြုနိုင်ခြင်းမရှိသေးဘဲ သရက်ကိုင်းရွာသည် တော်လှန်ရေး တပ်ဖွဲ့များ သိမ်းပိုက် ထိန်းချုပ်ထားသော နေရာဖြစ်ကြောင်း သိရသည်။
ပြည်သူ့ကာကွယ်ရေးတပ်မတော် (မန္တလေး)နှင့် ပူးပေါင်းမဟာမိတ်တပ်ဖွဲများသည် ဇူလိုင်လ ၂၀ ရက်နေ့တွင် မတ္တရာမြို့နယ် ထန်းပင်ကုန်းကျေးရွာ နှင့် ပုသိမ်ကြီးမြိုနယ် သရက်ကိုင်းကျေးရွာ နှင့် မြကန်သာကျေးရွာတို့ရှိ စစ်ကောင်စီ တပ်စခန်းများအားလုံးကို အပြီးသတ်သိမ်းပိုက်ရရှိခဲ့သည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
