ကရင်ပြည်နယ်၊ ထိုင်း-မြန်မာနယ်စပ်၊ KNU တပ်မဟာ ၇ နယ်မြေတွင် ဖမ်းဆီးရရှိသော စိတ်ကြွမူးယစ်ဆေးပြားများကို KNU က ယနေ့ မီးရှို့ဖျက်ဆီးလိုက်ကြောင်း ကရင်စစ်ရေး သတင်းရင်းမြစ်က ပြောဆိုသည်။
ကရင်အမျိုးသားအစည်းအရုံး (KNU) တပ်မဟာ ၇ ထိန်းချုပ်နယ်မြေ၊ ကရင် ပြည်နယ် မာနယ်ပလော သစ်စက်ဂိတ်စက်လှေပေါ်တွင် ပြီးခဲ့သည် ဧပြီလ ၂၇ ရက်နေ့ ဖမ်းဆီးရမိခဲ့သည့် WY စိတ်ကြွမူးယစ်ဆေးပြား ၅ သန်း ကို KNU ဗဟို တရား ရေး ဌာန က စိစစ် အရေးယူမှုများ ပြုလုပ်ခဲ့ကြောင်း၊ အဆိုပါ အမှုမှ မူးယစ်ဆေးဝါးများ အပါအဝင် KNU က ဖမ်းဆီးရရှိထားသော မူးယစ်ဆေးပြား ၆ သန်းကျော်ကို ယနေ့ စက်တင်ဘာလ ၁၉ ရက်နေ့ နံနက် ၉ နာရီအချိန်တွင် KNU က မီးရှို့ဖျက်ဆီးခြင်းဖြစ်ကြောင်း သိရှိရသည်။
“ဧပြီလတုန်းက ဖမ်းဆီးရရှိတာတွေကိုပါ မီးရှို့ဖျက်ဆီးတာပါ။ သယ်ယူတဲ့သူတွေကိုလည်း KNU တရားရေးဌာနက အရေးယူပြီးပါပြီ” ဟု ကရင်စစ်ရေး သတင်းရင်းမြစ်က ပြောဆိုသည်။
ဧပြီလ ၂၇ ရက်နေ့ ကရင်ပြည်နယ်၊ KNU တပ်မဟာ ၇ နယ်မြေ၊ မာနယ်ပလော သစ်စက်ဂိတ်၊ စက်လှေပေါ်တွင် လိုက်ပါလာသော လူ ၂ ဦးနှင့်အတူ WY စိတ်ကြွရူးသွပ်ဆေးပြား ၅ သန်းနီးပါးကို KNLA တပ်များက ဖမ်းဆီးရရှိခဲ့ခြင်းဖြစ်သည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
