ရန်ကုန်တိုင်း၊ မင်္ဂလာဒုံမြို့နယ်တွင် အကြမ်းဖက် စစ်တပ်၏ တရားမဝင် ရွေးကောက်ပွဲကို ပါဝင်လုပ်ဆောင်နေသော ကြံ့ဖွတ်ရုံးကို ဖောက်ခွဲ တိုက်ခိုက်ခဲ့ကြောင်း Yangon Army (YA) အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ယနေ့ အောက်တိုဘာလ ၁၅ ရက်နေ့ နံနက် ၉ နာရီ ၁၀ မိနစ်ခန့်တွင် မင်္ဂလာဒုံမြို့နယ်ရှိ ကြံ့ဖွတ်ပါတီရုံးကို တော်လှန်ရေးတပ်ဖွဲ့များက ပြင်းအားမြင့်မိုင်း ၁ လုံး ၊ လက်ပစ်ဗုံး ၂ လုံးတို့ဖြင့် ဖောက်ခွဲ တိုက်ခိုက်ခဲ့ကြောင်း သိရသည်။
ထိုတိုက်ခိုက်မှုအတွင်း ပစ်မှတ်ကို ထိရောက်စွာ တိုက်ခိုက်နိုင်ခဲ့ပြီး ထိခိုက်မှု အခြေအနေကို အတည်ပြုနိုင်ခြင်းမရှိသေးကြောင်း၊ တိုက်ခိုက်မှု ပြုလုပ်ပြီးနောက် တော်လှန်ရေး ရဲဘော်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရှိရသည်။
“ကျနော်တို့က တရားမဝင်ရွေးးကောက်ပွဲနဲ့ ပတ်သတ်တဲ့အရာတွေ လုပ်ဆောင်နေတဲ့ ဘယ်ပါတီ ဘယ်လူပုဂ္ဂိုလ် အားလုံးကိုတိုက်ခိုက်သွားမှာပါ။ မဲဆွယ်စည်းရုံးရေးဆင်းကြမယ့် အမတ်အလောင်းများလည်း သတိကြီးကြီးထားကြဖို့ အသိပေးလိုပါတယ်။ ရွေးကောက်ပွဲအတွက် အားတက်သရော လုပ်ဆောင်နေကြတဲ့ ကောင်တွေ စာရင်းအသေးစိတ်ပြုစုထားတယ်။ တချိန်မဟုတ်တချိန်လုပ်နေတဲ့ မင်းတို့တွေဆီ ကျနော်တို့ အရောက်လာမယ်ဆိုတာသတင်းပါးချင်ပါတယ်။ ပြည်သူတွေကိုလည်း တရားမဝင်ရွေးကောက်ပွဲကို နိုင်တဲ့နေရာကနေ ဆန်ကျင်ကြပြောချင်ပါတယ်” ဟု Yangon Army (YA) အဖွဲ့မှ တာဝန်ရှိသူက ပြောဆိုသည်။
အကြမ်းဖက် စစ်ကောင်စီနှင့် ပတ်သက်သောပစ်မှတ်များ၊ အကြမ်းဖက် စစ်ကောင်စီ ပြုလုပ်မည့် တရားမ၀င်ရွေးကောက်ပွဲနှင့်ပတ်သက်ပြီး ပါ၀င်လုပ်ကိုင်နေကြသောသူများကို ဆက်လက်၍ အပြင်းအထန်တိုက်ခိုက်သွားမည်ဖြစ်ကြောင်း၊ ထိုတိုက်ခိုက်မှုကို Yangon Army (YA) နှင့် အနောက်ပိုင်းခရိုင် ပကဖ တို့က ပူပေါင်းလုပ်ဆောင်ခဲ့ခြင်းဖြစ်ကြောင်း သိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
