မကွေးတိုင်း၊ အထက်မင်းလှမြို့နယ် အရှေ့ဘက်ခြမ်းကို စစ်ကြောင်းထိုးရန် ထွက်လာသော အကြမ်းဖက် စစ်တပ် စစ်ကြောင်းနှင့် ထိတွေ့တိုက်ပွဲဖြစ်ပွားရာ စစ်တပ်ဘက်မှ ထိခိုက်ဒဏ်ရာရခဲ့ကြောင်း ဗမာပြည်ကာကွယ်ရေးတပ် – USBA မှ ပြန်ကြားရေးတာဝန်ခံ ကိုသာချိုက ရန်ကုန်ခေတ်သစ်သတင်းဌာနထံသို့ပြောဆိုသည်။
နိုဝင်ဘာလ ၂၆ ရက်နေ့ နံနက် ၁၀နာရီ ၃၀မိနစ်ခန့်တွင် အထက်မင်းလှမြို့နယ် အရှေ့ဘက်ခြမ်းကို စစ်ကြောင်းထိုးရန် ထွက်လာသော အကြမ်း ဖက် စစ်တပ် စစ်ကြောင်း မင်းတဲကြီး ကျေးရွာအနီး သရက် – မင်းလှ လမ်းပိုင်းတွင် တော်လှန်ရေး တပ်ဖွဲ့များနှင့် ထိတွေ့တိုက်ပွဲဖြစ်ပွားရာခဲ့ကြောင်းသိရှိရသည်။
ထိုထိတွေ့ တိုက်ပွဲသည် မိနစ် ၃၀ ခန့် ကြာမြင့်ခဲ့ပြီး အကြမ်းဖက် စစ်တပ်ဘက်မှ ထိခိုက်သေဆုံးမှု အရေအတွက်ကို အတည်ပြုနိုင်ခြင်းမရှိသေးဘဲ တော်လှန်ရေး ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်းသိရှိရသည်။
“မင်းလှမြို့နယ်နဲ့ ၂ မိုင် ၃ မိုင်ရှိတဲ့ ကုန်းကြီး ကပစ ၁၀ နဲ့ မင်းလှမြို့ပေါ်မှာရှိတဲ့ အင်အားနဲ့ သူတို့စုပေါင်းအင်အား ခွေးကား ၄ စီးနဲ့ ဒီနေ့ မနက် အစောပိုင်းမှာ မင်းလှ ဘက်ကနေ စစ်ကြောင်းထိုးလာတာ ဖြစ်ပါတယ်။ စစ်ကြောင်းထိုးလာပြီးတော့ ညောင်၀ိုင်း လမ်းပေါက်လောက်ရောက်တဲ့အချိန်မှာ သူတို့ ကားတွေ ရပ်ပြီးတော့ ဒရုန်းတွေ လွတ်တယ် ပြီးတော့ ဆင်းလျှောက်တယ်။ အဲဒီ စစ်ကြောင်းနဲ့ ထိတွေ့ဖြစ်ခဲ့တာပါ။ စစ်ခွေးတွေဘက်လည်း သတိထားပြီးတော့ ဒရုန်းတွေရော ခြေလျင်တွေရော စစ်ကြောင်းထိုးလာတာပါ ဖြစ်ပါတယ်။ စစ်ကြောင်းကလည်း တစ်ကြောင်းတည်း မဟုတ်ဘဲနဲ့ ဘေးတွေမှာ ဖြန့်ပြီးတော့ မသင်္ကာတဲ့ နေရာတွေကို ကားလမ်းအတွင်းထဲက၀ိုက်ပြီးလာတာဖြစ်ပါတယ်။ အဲဒါကြောင့်မို့ ကျွန်တော်တို့ ကင်းယူထားတဲ့ နေရာတွေနဲ့ တိုးပြီးတော့မှ ထိတွေ့ဖြစ်သွားတဲ့ သဘောတွေပါ။ စစ်ခွေး သေစာရင်းကတော့ ကျွန်တော်တို့ ဆက်လက် စုံစမ်းဆဲနေတုန်းပါ။ ကျွန်တော်တို့ ရဲဘော်တွေ အထိအခိုက်မရှိ ပြန်လည်ဆုတ်ခွာနိုင်ခဲ့ပါတယ်”ဟု ဗမာပြည်ကာကွယ်ရေးတပ် – USBA မှ ပြန်ကြားရေးတာဝန်ခံ ကိုသာချိုကပြောဆိုသည်။
အဆိုပါ တိုက်ခိုက်မှုကို United States Of Burma Army – USBA မှ ရဲဘော်များက လုပ်ဆောင်ခဲ့ခြင်း ဖြစ်ကြောင်း၊ ပြည်သူများအနေဖြင့် တတ်နိုင်သမျှ အသွားအလာမပြုလုပ်ကြရန် ဗမာပြည်ကာကွယ်ရေးတပ် – USBA မှ ပြန်ကြားရေးတာဝန်ခံ ကိုသာချိုက ဆက်လက်ပြောဆိုသည်။
အလားတူ စစ်ကိုင်းတိုင်း၊ ချောင်းဦးမြို့နယ် မုံရွာ-မန္တလေး အမြန်လမ်း နတ်ရေကန်ဂိတ်မှာ ထွက်လာသော အကြမ်းဖက်စစ်တပ် စစ်ကြောင်းကို စစ်ကောင်စီတပ်သားများကို မိုင်းတိုက်ခိုက်ရာတွင် စစ်တပ်ဘက်မှ ထိခိုက်သေဆုံးမှုနိုင်ကြောင်း The Pentagram-ငါးထောင့်ကြယ် မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ပြောဆိုသည်။
နိုဝင်ဘာလ ၂၆ ရက်နေ့ နံနက် ၈နာရီခန့်တွင် ချောင်းဦးမြို့နယ် မုံရွာ-မန္တလေး အမြန်လမ်း နတ်ရေကန်ဂိတ်မှာ ထွက်လာသော အင်အား ၃၀ကျော် အကြမ်းဖက် စစ်ကြောင်းကို ရေပိုးစား ဘုန်တော်ကြီးကျောင်း အနီးတွင် တော်လှန်ရေး တပ်ဖွဲ့များက မိုင်းဆွဲတိုက်ခိုက်ခဲ့ကြောင်းသိရှိရသည်။
ထိုမိုင်းဆွဲတိုက်ခိုက်မှုအတွင်း အကြမ်းဖက် စစ်တပ်ဘက်မှ ထိခိုက်သေဆုံးမှုအရေအတွက်ကို အတည်ပြုနိုင်ခြင်းမရှိဘဲ၊ တော်လှန်ရေး ရဲဘော်များအထိအခိုက်မရှိ ပြန်လည်ဆုတ်ခွာနိုင်ခဲ့ကြောင်းသိရှိရသည်။
“စစ်ခွေး သေစာရင်းကတော့ မသိရသေးဘူး ကျွန်တော်တို့ ဆက်လက် စုံစမ်းဆဲပါ။ စစ်ခွေးဘက်ကတော့ ထိခိုက်တာကတော့ များတယ်။ ကျွန်တော်တို့ သွားပြီး စစ်ဆေးကြည့်တဲ့အခါမှာ သွေးကွက်တွေရယ် ယူနီဖောင်း အစတွေ တွေ့ခဲ့တယ်။ ကျွန်တော်တို့ ထောက်လှမ်းလို့တော့ မရသေးဘူး။ ထိခိုက်တာတော့ များပါတယ်။ အဲဒါကတော့ သေချာပါတယ်။ စစ်ခွေးဘက်က ထိခိုက်သေဆုံးမှုရှိနိုင်ပါတယ်။ စစ်ခွေးတွေဘက်က လက်နက်ခဲယမ်းများ သိမ်းဆည်းရမိတာတော့ မရှိပါဘူး။ ကျွန်တော်တို့ ရဲဘော်တွေ အထိအခိုက်မရှိ ပြန်လည်ဆုတ်ခွာနိုင်ခဲ့ပါတယ်”ဟု The Pentagram-ငါးထောင့်ကြယ် မှ တာဝန်ရှိသူတစ်ဦးက ပြောဆိုသည်။
အဆိုပါတိုက်ခိုက်မှုကို Pentagram ၊ ငါးထောင့်ကြယ် LPDF နှင့် နွေဦးလူငယ် LPDF တို့က ပူးပေါင်းလုပ်ဆောင်ခဲ့ခြင်းဖြစ်ကြောင်းသိရှိရသည်။
