ရန်ကုန်၊ ဇန်နဝါရီ ၇
ဧရာ၀တီတိုင်း၊ ဖျာပုံမြို့နယ်တွင် စစ်မှုထမ်းတပ်သားအရောင်းအဝယ်လုပ်ခြင်း၊ ပြည်သူများကို အမှုဆင်ဖမ်းဆီးငွေညှစ်ခြင်းနှင့် လာဘ်ပေးလာဘ်ယူ အကြီးအကျယ် လုပ်ခဲ့သူ ဖျာပုံခရိုင် မူးယစ်တပ်ဖွဲ့စုမှူး ရဲမှူး ဝင်းလှိုင် သေဆုံးသွားကြောင်း ရဲအသိုင်းအ၀ိုင်းက ပြောဆိုသည်။
ဇန်နဝါရီလ ၂ ရက်နေ့တွင် ရဲမှူးဝင်းလှိုင်သည် ကျန်းမာရေးမကောင်းရာမှ သေဆုံးသွားခဲ့ခြင်းဖြစ်ပြီး မသေဆုံးမီအချိန် အထိ ဖျာပုံမြို့နယ်အတွင်း စစ်မှုထမ်းလူစားထိုးအရောင်းအဝယ်လုပ်ခြင်း၊ လူငယ်များကို မူးယစ်ဆေးဝါးဖြင့် အမှုဆင်ဖမ်းဆီး၍ စစ်မှုထမ်းတပ်သားအဖြစ် အတင်းအကျပ် စုဆောင်းခြင်း၊ ရောင်းဝယ်ခြင်း ၊ မူးယစ်ဆေးဝါး အရောင်းအဝယ်လုပ်သူများထံမှ ဆက်ကြေးကောက် လာဘ်ပေးလာဘ်ယူလုပ်ခြင်းများကို ကျူးလွန်ခဲ့သူဖြစ်ကြောင်း သိရှိရသည်။
“ရဲမှူး ဝင်းလှိုင်က သေတာကတော့ ကျန်းမာရေးမကောင်းလို့ ဆေးကုသမှု ခံယူရင်း သေတာ။ သာမန် ကျန်း မာရေး မကောင်းတာပဲ ထင်နေတာ။ နေမကောင်းလို့ ဆေးကုသမှုခံယူရင်း ဆုံးသွားတာ။ သူက ဖျာပုံမှာ မူးယစ်အမှုတွေမှာ လာဘ်ယူတာမှာ နာမည်ကြီးတယ်။ အထူးသဖြင့်တော ငါးဖမ်းသင်္ဘောတွေနဲ့ မူးယစ်ဆေးဝါး သယ်တာတွေ၊ စစ်မှုထမ်း လူငယ်တွေရဖို့ မူးယစ်ဆေးဝါးနဲ့ အမှုဆင်ဖမ်းတာတွေ အဲဒါတွေ သူလုပ်ခဲ့တာ” ဟု ဖျာပုံမြို့နယ်မှ ရဲအသိုင်းအ၀ိုင်းက ပြောဆိုသည်။
ရဲမှူးဝင်းလှိုင်သည် သေဆုံးချိန်တွင် အသက် ၅၅ နှစ်ရှိနေပြီဖြစ်ပြီး ဇန်နဝါရီလ ၈ ရက်နေ့ ဖျာပုံခရိုင်ရဲတပ်ဖွဲ့မှူးရုံး၊ အရာရှိလိုင်းခန်းတွင် နာရေးရက်လည် တရားနာပြုလုပ်မည်ဖြစ်ကြောင်း သိရှိရသည်။
#မြန်မာ့နွေဦးတော်လှန်ရေး #ykt #yktnews #khitthitmedia #myanmar #media #burmese #foryou #foryoupage #NUG #springrevolution #KhitThitMedia #springrevolutionmyanmar2021 #PDF #againstmyanmarmilitarycoup #rejectmilitarycoupmyanmar
