ရန်ကုန်၊ ဇူလိုင် ၂၇
မင်းအောင်လှိုင် ဦးဆောင်သော အကြမ်းဖက် စစ်တပ်က ကိုဂျင်မီ၊ ကိုဖြိုးဇေယျာသော်၊ ကိုအောင်သူရဇော်၊ ကိုလှမျိုးအောင်တို့ကို သေဒဏ်စီရင်လိုက်မှုသည် နိုင်ငံရေးအမြင်မတူသူများကို သတ်ဖြတ်ခြင်းဖြစ်ပြီး ပြင်းပြင်းထန်ထန် ရှုတ်ချကြောင်း AA ၊ TNLA နှင့် MNDAA မဟာမိတ် ၃ ဖွဲ့က တရားဝင် ထုတ်ပြန်ကြေညာသည်။
အကြမ်းဖက်စစ်ကောင်စီ၏ လုပ်ရပ်ကြောင့် ပြည်သူတစ်ရပ်လုံး၏ ဒေါသစိတ်နှင့် ပြည်တွင်းစစ်ကို ပိုမိုပြင်းထန်စေမည်ဖြစ်ပြီး ဖြစ်ပေါ်လာသည့် ပြဿနာ အားလုံးကို စစ်တပ်က တာဝန်ယူရမည်ဖြစ်ကြောင်း မဟာမိတ် ၃ ဖွဲ့၏ ကြေညာချက်တွင် ဖော်ပြထားသည်။
