တောင်ကိုရီးယားနိုင်ငံ ချောင်းဂျူမြို့တွင် စစ်အာဏာသိမ်းမှုအလိုမရှိဆန့်ကျင်ကြောင်းဆန္ဒပြပွဲနှင့် ထောက်ပို့ရန်ပုံငွေ ဘောလုံးပြိုင်ပွဲကျင်းပ

ရန်ကုန်၊ အောက်တိုဘာ ၉

တောင်ကိုရီးယားနိုင်ငံ၊ချောင်းဂျူမြို့တွင် မြန်မာနိုင်ငံစစ်အာဏာသိမ်းမှုအလိုမရှိဆန့်ကျင်ကြောင်းဆန္ဒပြပွဲနှင့် MFDMC မြန်မာ့ဖက်ဒရယ်ဒီမိုကရေစီအောင်နိုင်ရေးအဖွဲ့ကကြီးမှူးကျင်းပသော MFDMC CUP နွေဦးတော်လှန်ရေးထောက်ပို့ရန်ပုံငွေဖလားဘောလုံးပြိုင်ပွဲကျင်းပခဲ့သည်။

အခမ်းအနားတွင် ဒယ်ဂူးဘုန်းဘုန်းမှ NUG အစိုးရအနေနှင့် မြေပြင်ကို စနစ်တကျစီမံဆောင်ရွက်ပေးနိုင်ရန်၊PDF တွေအနေနှင့် တစ်ဖွဲ့နှင့် တစ်ဖွဲ့ပေါင်းစည်းကာ အာဏာသိမ်းစစ်ကောင်စီကိုမောင်းထုတ်ရန်၊ ပြည်တွင်းပြည်ပရှိမြန်မာနိုင်ငံသူနိုင်ငံသားများ ထောက်ပို့ရေးအရှိန်အဟုန်မြင့်တင်ပြီး တော်လှန်ရေး၏ အသက်သည် ထောက်ပို့၊ထောက်ပို့၏ အသက်သည် PDF ဖြစ်ကြောင်းမိန့်ကြားခဲ့သည်။