မြန်မာစစ်တပ်ထံသို့ လေယာဉ်ဆီတင်ပို့ရောင်းချမှုအားလုံးကို ကနေဒါ က ပိတ် ပင်လိုက်ပြီး တိုင်းမှူးနှင့် ဗိုလ်ချုပ် ၆ ဦးကို ဒဏ်ခတ်ပိတ်ဆို့ အရေးယူ
ရန်ကုန်၊ ဇန်နဝါရီ ၃၁
ကနေဒါအစိုးရက မြန်မာနိုင်ငံမှ စစ်ဗိုလ်ချုပ်နှင့်တိုင်းမှူး ၆ ဦးကို ပိတ်ဆို့ အရေး ယူကြောင်း ယနေ့တွင် ထုတ်ပြန်ကြေညာလိုက်ပြီး မြန်မာစစ် အာဏာ သိမ်း မှု နှင့်ပတ်သက်သူ လူပုဂ္ဂိုလ် ၉၀ ဦးကျော်ကို အရေးယူခဲ့ပြီးဖြစ်ကြောင်း ကနေဒါ အစိုးရ ၏ ထုတ်ပြန်ကြေညာချက်အရ သိရှိရသည်။
ကနေဒါအစိုးရက ထပ်မံ ဒဏ်ခတ် ပိတ်ဆို့ အရေးယူလိုက်သည့် စစ်ဗိုလ်ချုပ် နှင့် တိုင်းမှူး ၆ ဦးမှာ-
၁- ပဲခူးတိုင်းတိုင်းမှူး ထိန်ဝင်း (ဗိုလ်ချုပ်)
၂-ရခိုင်တိုင်းမှူး ထင်လတ်ဦး (ဗိုလ်ချုပ်)
၃-ယခင်စစ်ကိုင်းတိုင်းမှူးဟောင်း သန်းထိုက် (ဗိုလ်မှူးချုပ်)
၄-ရန်ကုန်တိုင်းမှူး ညွှန့်ဝင်းဆွေ( ဗိုလ်ချုပ်)
၅- ဒုတိယဗိုလ်ချုပ်ကြီး ဘုန်းမြတ်
၆-ဒုတိယဗိုလ်ချုပ်ကြီး သက်ပုံ တို့ဖြစ်ကြသည်။
ထို့ပြင် အကြမ်းဖက် မြန်မာစစ်တပ်ထံသို့ လေယာဉ်ဆီ တင်ပို့ခြင်း၊ ရောင်းချ ခြင်း၊ ထောက်ပံ့ခြင်းနှင့် သယ်ယူပို့ဆောင်ခြင်းများကို လုံး၀ ပိတ်ပင်ကြောင်း ကနေဒါ အစိုးရက ထုတ်ပြန်ကြေညာသည်။
