လှိုင်သာယာမြို့နယ်၊ ၁၂ ရပ်ကွက်ရုံးတွင် ဗုံးပေါက်ကွဲမှုဖြစ်ပြီး စစ်သား ၂ ဦးနှင့် ရာအိမ်မှူး ၁ ဦးဒဏ်ရာရ၊ အင်းစိန်နှင့်မြောက်ဒဂုံတွင်လည်း ဗုံးများပေါက်ကွဲ
ရန်ကုန်၊ ဧပြီ ၁၃
ရန်ကုန်တိုင်း၊ လှိုင်သာယာမြို့နယ် ၁၂ ရပ်ကွက်ရုံးတွင် ယနေ့ ဧပြီလ ၁၃ ရက် နေ့ ညပိုင်းတွင် ဗုံးပေါက် ကွဲပြီး စစ်သား ၂ ဦး၊ ရာအိမ်မှူး ၁ ဦးဒဏ်ရာ ရရှိကြောင်း ဒေသပြည်သူများက ရန်ကုန်ခေတ်သစ်သတင်းဌာန ထံသို့ ပြောဆိုသည်။
ဧပြီလ ၁၃ ရက်နေ့ သင်္ကြန်အကြိုနေ့ ည ၈ နာရီအချိန်၊ ည ၈ နာရီ ၃၀ မိနစ် အချိန် လှိုင်သာယာအ နောက်ပိုင်းမြို့နယ် ၊ ၁၂ ရပ်ကွက်ရုံးအနီးတွင် ဗုံး ၂ ကြိမ် ပေါက်ကွဲပြီး စစ်သား ၂ ဦးနှင့် ရာအိမ်မှူး ၁ ဦး ဒဏ်ရာရရှိကြောင်း၊ စစ်တပ်က အမှတ် ၂ အထက်တန်းကျောင်းအနီးကို ပိတ်ဆို့ စစ်ဆေးလျက်ရှိကြောင်း သိရှိရသည်။
“လှိုင်သာယာအနောက်ပိုင်းမြို့နယ် ၁၂ ရပ်ကွက်ရုံးအနီးမှာ ပြင်းထန်သော ပေါက် ကွဲမှု ၂ ကြိမ် ဖြစ်ပွားခဲ့ပြီး ထိခိုက်ပျက် စီး တယ်။ စစ်ကောင်စီက အ.ထ.က ၂ ကျောင်းပတ်ချာလည်လမ်းတွေကို ပိတ်ဆို့စစ်ဆေးနေပြီး တွေ့ရာ မြင်ရာ လမ်းသွား ပြည်သူတွေကို ရိုက်နှက်နေတယ်။ ည ၈ နာရီ တစ်ကြိမ် အုန်းတယ်။ ည ၈ နာရီ ၃၀ မိနစ် တစ်ကြိမ်ထပ် အုန်းတာ” ဟု ဒေသပြည် သူတစ်ဦးက ပြောဆိုသည်။
ဗုံးပေါက်ကွဲပြီးနောက် လူနာတင်ကားများ သွားရောက်ပြီး ဒဏ် ရာရရှိသူများကို သယ်ဆောင်သွားကြောင်း ဒေသပြည်သူတ ချို့က ဆိုကြသည်။
အလားတူ အင်းစိန်နှင့်မြောက်ဒဂုံမြို့နယ်တို့တွင်လည်း ယနေ့ ည ၈ နာရီ ၃၀ မိနစ်အချိန် အလွန်ကျယ်လောင်သော ဗုံးပေါက်ကွဲသံများကြားရကြောင်း ဒေသပြည်သူများနှင့် ရန်ကုန်ကင်းထောက် Eagles News ၏ သတင်း ဖော်ပြချက်အရ သိရှိရသည်။
ဓာတ်ပုံ- ရန်ကုန်မြို့လယ်တွင် စစ်ဆေးနေသည့် အကြမ်းဖက်ရဲများ။ (ပုံအဟောင်း ဖြစ်သည်။)
