စစ်ကိုင်းတိုင်း၊ ဝက်လက်မြို့နယ်၊ ညောင်ပင်ကြီးတောရွာကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခြင်းကြောင့် ကိုယ်ဝန်ဆောင် အမျိုးသမီး ၁ ဦး အပါအဝင် ပြည်သူ ၄ ဦး သေဆုံးခဲ့ကြောင်း ဝက်လက်မြို့နယ် ပကဖ ၏ ထုတ်ပြန်ချက်နှင့် Wetlet Informational Network တာဝန်ခံ ကိုမုန်တိုင်း၏ ပြောဆိုချက်အရ သိရသည်။

ယနေ့ ဇွန်လ ၁၇ ရက်နေ့ မွန်းလွဲ ၁၂ နာရီ ၄၂ မိနစ်ခန့်အချိန် ဝက်လက်မြို့နယ်၊ ညောင်ပင်ကြီးတောရွာကို အကြမ်းဖက် စစ်တပ်၏ တံတားဦးလေတပ်မှ တက်လာသော တိုက်လေယာဉ် ၁ စီးက လေကြောင်း တိုက်ခိုက်မှု ၂ ကြိမ် ပြုလုပ်ခဲ့သည်။

ထိုလေကြောင်းတိုက်ခိုက်မှု အတွင်း မိခင်ဖြစ်သူ ကိုယ်ဝန်ဆောင် အမျိုးသမီး ၁ ဦး၊ ကလေးငယ် ၁ ဦးနှင့် အမျိုးသမီး ၁ ဦးတို့ စုစုပေါင်း ၄ ဦးသေဆုံးခဲ့ပြီး ဗိုက်ပွင့် ဒဏ်ရာရရှိသူ ၁ ဦးမှာလည်း အသက်အန္တရာယ်စိုးရိမ်နေရသည်။

“မြေပြင်မှာ ဘာတိုက်ပွဲမှ မရှိဘဲ လေယာဉ်နဲ့ ဗုံးကျဲ တိုက်ခိုက်သွားတာ ကိုယ်ဝန်ဆောင် အမျိုးသမီးက ကလေးမွေးခံနီးပြီး ဗိုက်ထဲက ကလေးပါ သေဆုံးတယ်။ နောက်ပြီး ထိခိုက်ဒဏ်ရာရတဲ့ ဗိုက်ပွင့်လူနာက လည်းသေဆုံးနိုင်တယ်။ အခြေအနေက အရမ်းစိုးရိမ်ရပါတယ်” ဟု Wetlet Informational Network တာဝန်ခံ ကိုမုန်တိုင်းက ရန်ကုန်ခေတ်သစ် သတင်းဌာနထံသို့ ပြောဆိုသည်။

အလားတူ ဝက်လက်မြို့နယ်အတွင်းကို ယမန်နေ့ ညနေ ၄ နာရီကျော်ခန့်က အကြမ်းဖက် စစ်တပ်၏ ရွှေဘို လေ့ကျင့်ရေး-၈ မှ တက်လာသော အသေခံဒရုန်း ၅ စီးထဲမှ ၂ စီးသည် ဝက်လက်မြို့နယ်တောင် ခြမ်း ဝက်လူးအိုင်ရွာကို ကျရောက် ပေါက်ကွဲခဲ့ပြီး မိခင်ဖြစ်သူ အသက် ၅၅ နှစ်အရွယ် ဒေါ်ဘုတ် ဆုံ ပွဲချင်းပြီး သေဆုံးကာ သားဖြစ်သူ အသက် ၂၄ နှစ်အရွယ် ကိုသားပြည့်နှင့် သမီးဖြစ်သူ အသက် ၁၈ နှစ်အရွယ် မချောချောတို့ ၂ ဦး ထိခိုက်ဒဏ်ရာရရှိခဲ့သည်။

ဝက်လက်မြို့နယ်အတွင်း စစ်တပ်က လေကြောင်း တိုက်ခိုက်မှုများ နေ့စဉ်ပြုလုပ်နေ၍ ပြည်သူများ လေကြောင်း အန္တရာယ် သတိပြုနေထိုင်ကြရန်နှင့် ဗုံးခိုကျင်းများ လုပ်ဆောင်ထားကြရန် တော်လှန်ရေးအင်အားစုများက သတိပေး ပြောဆိုထားသည်။

The post ဝက်လက်မြို့နယ်၊ ညောင်ပင်ကြီးတောရွာကို စစ်တပ်က လေယာဉ်ဖြင့် ဗုံးကျဲ တိုက်ခိုက်မှု ကိုယ်ဝန်ဆောင် အမျိုးသမီး ၁ ဦး အပါအဝင် ပြည်သူ ၄ ဦး သေဆုံး appeared first on Khit Thit Media.

ပဲခူးတိုင်း၊ ရေတာရှည်မြို့နယ်၊ စစ်တောင်းမြစ်ဝှမ်းအနီးရှိ ကျေးရွာ ၅ ခုကို အကြမ်းဖက် စစ်တပ်က လေယာဉ်ဖြင့် ဗုံး ၃၀ ကျော်ကျဲချ တိုက်ခိုက်ခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇွန်လ ၁၅ ရက်နေ့ ည ၈ နာရီ ၁၅ မိနစ်ခန့်မှ စတင်ပြီး ရေတာရှည်မြို့နယ်၊ စစ်တောင်းမြစ်ဝှမ်းရှိ ကျေးရွာ ၅ ခုကို အကြမ်းဖက် စစ်တပ်က Y-12 လေယာဉ်ဖြင့် ဗုံး ၃၀ ကျော်ကျဲချ တိုက်ခိုက်ခဲ့ကြောင်း၊ ထို လေကြောင်းတိုက်ခိုက်မှု အတွင်း ထိခိုက်မှု အခြေအနေကို အတည်ပြုနိုင်ခြင်းမရှိသေးဘဲ ပြည်သူများ ရွာလုံးကျွတ် တိမ်းရှောင်နေရကြောင်း သိရသည်။

“မနေ့က ည ၈ နာရီကျော်လောက်ကစပြီးတော့ စစ်တောင်းမြစ်ဝှမ်းနားက ရွာ ၅ ခုကို စစ်ခွေးတွေက Y-12 လေယာဉ်နဲ့ ဗုံး ၃၀ ကျော်ကျဲချ တိုက်ခိုက်သွားတယ်။ ကျေးရွာ ၅ ခုက ပြည်သူတွေလည်း တိမ်းရှောင်နေရပါတယ်။ တစ်နာရီကျော်လောက် ပတ်ဝဲပြီး ကျဲချသွားတာ ပြည်သူအထိအခိုက်တော့ မသိရသေးဘူး” ဟု ဒေသပြည်သူတစ်ဦးက ပြောဆိုသည်။

အလားတူ မကွေးတိုင်း၊ မြိုင်မြို့နယ်ရှိ မကျည်းကန်ရွာ အနီးကိုလည်း စစ်တပ်က လေယာဉ်ဖြင့် ဗုံးကျဲ တိုက်ခိုက်ခဲ့ကြောင်း We Love Myaing အဖွဲ့ထံမှ သိရသည်။

ယနေ့ ဇွန်လ ၁၆ ရက်နေ့ မွန်းလွဲ ၁၂ နာရီ ၃၅ မိနစ်ခန့်မှ စတင်ပြီး မြိုင်မြို့နယ်မြောက်ပိုင်း မကျည်းကန်ရွာအနီးကိုလည်း တံတားဦးလေတပ်မှ တက်လာသော ဂျက်ဖိုက်တာ ၁ စီးက လေကြောင်းတိုက်ခိုက်မှု ပြုလုပ်ခဲ့ကြောင်း၊ ထိုလေကြောင်း တိုက်ခိုက်မှု အတွင်း ထိခိုက်မှု အခြေအနေကို အတည်ပြုနိုင်ခြင်းမရှိသေးကြောင်း သိရှိရသည်။

ထို့အတူ ချင်းပြည်နယ်၊ မင်းတပ်မြို့နယ်ကိုလည်း စစ်တပ်က လေယာဉ်ဖြင့် နေ့စဉ် ဗုံးကျဲ တိုက်ခိုက်နေကြောင်း ဒေသသတင်းရင်းမြစ်များထံမှ သိရသည်။

ဇွန်လ ၁၆ ရက်နေ့ နံနက် ၇ နာရီခန့်မှ စတင်ပြီး မင်းတပ်မြို့နယ် အရှေ့ခြမ်းကို နေပြည်တော်အေလာ လေတပ်တက်မှ တက်လာသော ဂျက်ဖိုက်တာ ၂ စီးက ဗုံး ၈ လုံးဖြင့် ကျဲချ တိုက်ခိုက်ခဲ့ကြောင်း၊ ယမန်နေ့ ဇွန်လ ၁၅ ရက်နေ့ နံနက် အစောပိုင်းမှ ၄ နာရီကျော်မှ စတင်ပြီး ည ၁၁ နာရီကျော်အထိ တံတားဦးလေတပ်နှင့် အေလာလေတပ်မှ တက်လာသော ဂျက်ဖိုက်တာ ၄ စီးကလည်း ဗုံး ၁၄ လုံးကျဲချ တိုက်ခိုက်ခဲ့သေးကြောင်း သိရှိရသည်။

ထို့ပြင် မင်းတပ်မြို့ပေါ်ကိုလည်း အကြမ်းဖက် စစ်တပ်က ဇွန်လ ၁၄ ရက်၊ ဇွန်လ ၁၂ ရက်၊ ၁၀ ရက်၊ ဇွန်လ ၈ ရက်၊ ဇွန်လ ၇ ရက်နှင့် ဇွန်လ ၆ ရက်နေ့တို့တွင်လည်း လေကြောင်းတိုက်ခိုက်မှုများ ဆက်တိုက်ပြုလုပ်ခဲ့ပြီး ထိခိုက်ပျက်စီးမှု အခြေအနေများကို သိရှိနိုင်ရန် ရန်ကုန်ခေတ်သစ် သတင်းဌာနက သက်ဆိုင်ရာ တော်လှန်ရေးအင်အားစုများထံ ဆက်သွယ်မေးမြန်းထားသော်လည်း ပြန်လည်ဖြေဆိုခြင်းမရှိသေးပေ။

ဓာတ်ပုံ – စစ်ကိုင်းတိုင်းအတွင်းရှိ ကျေးရွာတစ်ခုကို အကြမ်းဖက် စစ်တပ်က မီးရှို့ဖျက်ဆီးနေစဉ် (ပုံအဟောင်းဖြစ်သည်)

The post ရေတာရှည်မြို့နယ်၊ စစ်တောင်းမြစ်ဝှမ်းအနီးရှိ ကျေးရွာ ၅ ခုကို စစ်တပ်က လေယာဉ်ဖြင့် ဗုံး ၃၀ ကျော်ကျဲချ တိုက်ခိုက်၊ မြိုင်နှင့် မင်းတပ်မြို့နယ်ကိုလည်း စစ်တပ်က လေယာဉ်ဖြင့် ဗုံးကျဲ appeared first on Khit Thit Media.

စစ်ကိုင်းတိုင်း၊ ရွှေဘိုမြို့နယ် အနောက်တောင်ခြမ်းရှိ မဲတောကျေးရွာကို အကြမ်းဖက်စစ်ကောင်စီတပ်က တိုက်ပွဲဖြစ်ပွားခြင်းမရှိဘဲ လေကြောင်းမှ ဗုံးကျဲတိုက်ခိုက်ခဲ့ရာ ဒေသခံပြည်သူ ၄ ဦး ထိခိုက်ဒဏ်ရာရရှိပြီး စာသင် ကျောင်းနှင့် ဘုန်းကြီးကျောင်းဆောင်များ ပျက်စီးသွားကြောင်း ဒေသပြည်သူများထံမှ သိရသည်။

ယမန်နေ့ မေလ ၁၁ ရက်နေ့ ည ၉ နာရီကျော်ခန့်တွင် တံတားဦးလေတပ်စခန်းမှ တက်လာသော ဂျက်ဖိုက်တာ (Jet Fighter) ၁ စီးဖြင့် မဲတောကျေးရွာရှိ စာသင်ကျောင်းနှင့် ဘုန်းကြီးကျောင်းဝင်းအတွင်းသို့ ဗုံး ၃ လုံး ကျဲချကာ တိုက်ခိုက်ခဲ့ခြင်းဖြစ်သည်။ အဆိုပါ တိုက်ခိုက်မှုကြောင့် ကျေးရွာအတွင်း နေထိုင်သည့် အသက် ၃၀ ကျော်နှင့် ၅၀ အရွယ် အမျိုးသား ၂ ဦး၊ အမျိုးသမီး ၂ ဦး (စုစုပေါင်း ၄ ဦး) ထိခိုက်ဒဏ်ရာ ရရှိခဲ့သည်။

“စစ်ခွေးတွေ တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်ခဲ့တာပါ။ ဗုံး ၃ လုံးနဲ့ ကျဲသွားတာ။ ထိခိုက်ဒဏ်ရာရတဲ့ ပြည်သူတွေက ဘုန်းကြီးကျောင်းအနီးမှာ နေထိုင်တဲ့သူတွေပါ။ စာသင်ကျောင်းနဲ့ ဘုန်းကြီးကျောင်းဆောင်တွေလည်း ပျက်စီးသွားတယ်။ ပြည်သူများအနေနဲ့ စစ်ကြောင်းနဲ့ လေကြောင်းအန္တရာယ်တွေကို သတိပြုနေထိုင်ကြဖို့ ပြောချင်ပါတယ်”ဟု ဒေသသတင်းရင်းမြစ်က ပြောဆိုသည်။

စစ်ကောင်စီသည် ပြီးခဲ့သည့် မေလ ၁ ရက်နေ့ကလည်း ရွှေဘိုမြို့နယ် အနောက်ခြမ်းရှိ ဇင်ကြီးကုန်းပေါ်သို့ တံတား ဦးလေတပ်မှ ဂျက်ဖိုက်တာဖြင့် တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်မှု ၂ ကြိမ် ပြုလုပ်ခဲ့ကြောင်း သိရသည်။

လက်ရှိတွင် စစ်ကောင်စီသည် စစ်ကိုင်းတိုင်းအတွင်းရှိ အရပ်သားပြည်သူများ နေထိုင်ရာ ကျေးရွာများနှင့် ဘာသာ ရေး၊ ပညာ ရေးဆိုင်ရာ အဆောက်အအုံများကို ပစ်မှတ်ထား၍ လေကြောင်းတိုက်ခိုက်မှုများ ဆက်တိုက်လုပ်ဆောင်နေသဖြင့် ဒေသခံများအနေဖြင့် လုံခြုံရေးကို အထူးဂရုပြုနေထိုင်ကြရန် တော်လှန်ရေးတပ်များက တိုက်တွန်းနှိုးဆော်ထားသည်။

ဓာတ်ပုံ- အကြမ်းဖက်စစ်တပ်က ပြည်သူများ နေထိုင်သော ကျေးရွာများကို မီးရှို့ဖျက်ဆီးနေစဉ်။ (ပုံအဟောင်းဖြစ်ပါသည်။)

The post ရွှေဘိုမြို့နယ် မဲတောကျေးရွာကို စစ်တပ်က တိုက်ပွဲဖြစ်ပွားခြင်းမရှိဘဲ လေကြောင်းမှ ဗုံးကျဲတိုက်ခိုက်မှု ပြည်သူ ၄ ဦး ဒဏ်ရာရပြီး စာသင်ကျောင်းနှင့် ဘုန်းကြီးကျောင်း ပျက်စီး appeared first on Khit Thit Media.

ရခိုင်ပြည်၊ ကျောက်တော်မြို့ကို စစ်တပ်က ညသန်းခေါင်းအချိန် လေယာဉ်အုပ်စုလိုက်ဖြင့် ဗုံးများ အဆက်မပြတ်ကျဲချတိုက်ခိုက်ခဲ့ကြောင်း ရခိုင်ဒေသသတင်းရင်းမြစ်များထံမှ သိရှိရသည်။

ယမန်နေ့ မေလ ၇ ရက်နေ့ ည ၁၀ နာရီဝန်းကျင်အချိန်မှစတင်၍ အာရက္ခတပ်တော် (AA) ထိန်းချုပ်ရာ ကျောက်တော်မြို့နယ်အတွင်းရှိ ကျေးရွာများနှင့် တောင်တန်းဒေသများကို စစ်တပ်က လေကြောင်းမှတစ်ဆင့် အပြင်း အထန် ဗုံးကြဲတိုက်ခိုက်ခဲ့ကြောင်း ၊ လေယာဉ်များက အုပ်စုလိုက်ဗုံးကျဲခဲ့ခြင်းဖြစ်ပြီး အကြိမ်ကြိမ် ဗုံးကျဲတိုက်ခိုက်ခဲ့ခြင်းဖြစ်ကြောင်း သိရှိရသည်။

စစ်တပ်၏ ဗုံးကျဲတိုက်ခိုက်မှုများတွင် နေပြည်တော်နှင့် မန္တလေးတိုင်း၊ တံတားဦးလေတပ်စခန်းများမှ တက်လာသည့် တိုက် လေယာဉ်များနှင့် Y-12 လေယာဉ်များကို အသုံးပြုခဲ့ကြောင်း၊ ကျောက်တော်မြို့ပြင်ရှိ တောင်တန်းအနီးတစ်ဝိုက်နှင့် တောင်ခြေဒေသများကို ပစ်မှတ်ထား၍ ၁၅ မိနစ်အတွင်း အနည်းဆုံး ပေါက်ကွဲမှု ၅ ကြိမ်ထက်မနည်း ဖြစ်ပွားခဲ့ပြီး ည ၁၀ နာရီ ၁၉ မိနစ်ဝန်းကျင်တွင် Y-12 လေယာဉ်များဖြင့် ဆက်တိုက်ဗုံးကျဲခဲ့ကြောင်း သိရှိရသည်။

“လေယာဉ်တွေက အုပ်စုလိုက် တစ်ကျော့ပြီးတစ်ကျော့ ဗုံးလာကျဲတာ။ ပေါက်ကွဲမှုတွေ တော်တော်ပြင်းထန်ပါတယ်” ဟု ရခိုင်ဒေသသတင်းရင်းမြစ်က ပြောဆိုသည်။

ယမန်နေ့ ညပိုင်း လေကြောင်းတိုက်ခိုက်မှုကြောင့် သေဆုံးမှု အခြေအနေနှင့် ပျက်စီးဆုံးရှုံးမှုများကို မသိရှိရသေးပေ။

အာရက္ခတပ်တော် (AA) က ထိန်းချုပ်ထားသော နယ်မြေများတွင် စစ်ကောင်စီတပ်၏ လေကြောင်းတိုက်ခိုက်မှုများမှာ လတ်တ လောလပိုင်းအတွင်း သိသိသာသာ တိုးမြင့်လာခဲ့ပြီး မေလ ၆ ရက်နေ့ နေ့လယ်ပိုင်းကလည်း မင်းပြားမြို့နယ်၊ ကျောက်ခုတ်ကျေးရွာအနီးရှိ တောင်တန်းဒေသများကို တိုက်လေယာဉ် ၅ စင်းနှင့် Y-12 လေယာဉ် ၂ စင်းတို့ဖြင့် တစ်နာရီကျော်ကြာ ဗုံးကြဲခဲ့ကြောင်း သိရှိရသည်။

ထို့အပြင် မေလ ၅ ရက်နေ့ကလည်း ဂွမြို့နယ်ရှိ ခမရ ၅၆၃ တပ်ရင်းဟောင်းအနီးတွင် Y-12 လေယာဉ်ဖြင့် ကင်းထောက်ပြီးနောက် တိုက်လေယာဉ် ၃ စင်းဖြင့် ဗုံး ၁၀ လုံးထက်မနည်း ကြဲချခဲ့ကြောင်း ဒေသခံများက ဆိုသည်။

ဧပြီလ ၁၉ ရက်နေ့က ပုဏ္ဏားကျွန်းနှင့် မြောက်ဦးမြို့နယ်များတွင် လေကြောင်းတိုက်ခိုက်မှုကြောင့် အရပ်သား ၁ ဦး သေဆုံးကာ ၁၄ ဦး ဒဏ်ရာရရှိခဲ့ပြီး ဧပြီလ ၁ ရက်နေ့က သံတွဲမြို့အနီး ဗုံးကြဲမှုတွင်လည်း ကလေးငယ် ၂ ဦးအပါအဝင် အရပ်သား ၄ ဦး သေဆုံးခဲ့ကြောင်း သိရသည်။

The post ရခိုင်ပြည်၊ ကျောက်တော်မြို့ကို စစ်တပ်က ညသန်းခေါင်ယံအချိန် လေယာဉ်အုပ်စုလိုက်ဖြင့် ဗုံးများ အဆက်မပြတ်ကျဲချတိုက်ခိုက် appeared first on Khit Thit Media.

မကွေးတိုင်း၊ ဂန့်ဂေါမြို့နယ်၊ ထီလင်းမြို့နယ်၊ ဆောမြို့နယ်နှင့် ချင်းပြည်နယ်တောင်ပိုင်း မင်းတပ်မြို့ နယ်၊ ကျင်ဒွေးမြို့နယ်၊ စစ်ကိုင်းတိုင်း၊ ယင်းမာပင်မြို့နယ်တို့ကို စစ်တပ်က လေကြောင်းဖြင့် ယနေ့ ကဆုန်လပြည့်နေ့တွင် တောက်လျှောက်ဗုံးကျဲနေကြောင်း ဒေသပြည်သူများထံမှ စုံစမ်းသိရှိရသည်။

ယနေ့ ဧပြီလ ၃၀ ရက် (ကဆုန်လပြည့် ဗုဒ္ဓနေ့) နံနက် ၁၀ နာရီခန့်အချိန် ဂန့်ဂေါမြို့နယ်တောင်ပိုင်း၊ ဝန်ချီကျေးရွာအနီးကို အကြမ်းဖက် စစ်ခေါင်းဆောင် မင်းအောင်လှိုင်လက်အောက်ခံ မိတ္ထီလာရှမ်းတဲ လေး လေတပ်မှ တက်လာသော ဂျက်ဖိုက်တာ ၁ စီးဖြင့် ဗုံးကျဲတိုက်ခိုက်ခဲ့ရာ ထိခိုက်ပျက်စီးမှု မရှိသေးကြောင်း သိရသည်။

အလားတူ ယနေ့ နံနက် ၁၀ နာရီခန့်တွင် ထီးလင်းမြို့နယ် တောင်ပိုင်းတစ်နေရာကိုလည်း အကြမ်းဖက် စစ်ခေါင်းဆောင် မင်းအောင်လှိုင် လက်အောက်ခံ မကွေးလေတပ်မှ တက်လာသော ဂျက်ဖိုက်တာ ၂ စီးဖြင့် ဗုံးကျဲတိုက်ခိုက်ခဲ့ရာ ထိခိုက်ပျက်စီးမှု နောက်ဆက်တွဲအခြေအနေ သိရှိနိုင်ရန် စုံစမ်းနေဆဲဖြစ် ကြောင်း သိရသည်။

ထို့အပြင် မွန်းတည့် ၁၂ နာရီမှ ၁၃ နာရီ ၃၀ မိနစ်ကြားတွင် ဆောမြို့နယ်၊ ကျောက်ထုဒေသ၊ ကံကြီး ကျေးရွာအနီးတကြိမ် ကြံတောကျေးရွာအနီးတစ်ကြိမ်၊ မင်းတပ်မြို့နယ်အတွင်း ၂ နေရာကို မကွေး လေတပ်မှ တက်လာသော ဂျက်ဖိုက်တာ ၂ စီး၊ တံ တားဦးလေတပ်မှ တက်လာသော ဂျက်ဖိုက်တာ ၂ စီး စုစုပေါင်း လေယာဉ် ၄ စီးဖြင့် ဗုံးကျဲ တိုက်ခိုက်ခဲ့ကြောင်း၊ အလားတူ မွန်းလွဲ ၁ နာရီခွဲခန့်တွင် ကျင်ဒွေးမြို့ကိုလည်း ဂျက်ဖိုက်တာပေါ်မှ ပွိုင့် ၈ လက်နက်ဖြင့် ပစ်ခတ်တိုက်ခိုက်သွားကြောင်း သိရ သည်။

“ဂန့်ဂေါက မင်းရွာအနောက်မြောက်ဘက်နားကို ဝန်ချီပါကျေးရွာနားကို ကျဲသွားတာ။ ထိခိုက်မှု မရှိ ဘူး။ ထီးလင်းတောင်ပိုင်းက ၃ ကြိမ် ဗုံး ၈ လုံး မကွေးလေတပ်ကနေ တက်လာတဲ့ ဂျက်ဖိုက်တာ ၂ စီးနဲ့ ၂ ပတ်ပတ်ပြီး ကျဲသွားတာပါ။ ထိခိုက်ပျက်စီးမှုကတော့ မသိရသေးဘူး။ မင်းတပ်နယ်ကို ၂ စီးနဲ့ မင်းတပ်မြို့အရှေ့ဘက် ကျောက်ထုမြို့နဲ့ကြားနေရာ ၂ စီးကျဲသွားတာ၊ အဲဒါက ၁၂ နာရီ ၁၂ နာရီခွဲ ကြားမှာ ကျဲသွားတာ၊ နောက်ဆက်တွဲ ထိခိုက်မှု မသိရဘူး။ ပြီးတော့ ကျောက်ထုဒေသ ကံကြီးရွာနဲ့ ကြံတောရွာအနီးတဝိုက်ကို ကျဲသွားတယ်။ လူထိခိုက်မှုတော့ လောလောဆယ်အတည်ပြုလို့ မရသေး ဘူး။ အဲဒါကမင်းတပ်နဲ့ ကျောက်ထု မကွေးလေတပ်က ၂ စီးနဲ့ တံတားဦးလေတပ်က ၂ စီး တက်လာ ပြီးတော့ လှည့်ပတ်ကျဲသွားတာပါ။” ဟု ယောအလင်းတန်းမှ တာဝန်ရှိသူက ရန်ကုန်ခေတ်သစ် သတင်းဌာနထံသို့ ပြောကြားသည်။

ယနေ့ ဧပြီလ ၃၀ ရက် မွန်းလွဲ ၁ နာရီမှ ၁ နာရီ ၄၄ မိနစ်အထိ ကျောက်ထုမြို့ အမြောက်တပ် အမှတ် ၃၆၈ တပ်ရင်းအတွင်းသို့ မကွေးလေတပ်မှ တက်လာသည့် Y12 လေယာဉ်တစ်စီးဖြင့် ရိက္ခာထုပ် ၃ ထုပ်ချပေးခဲ့ကြောင်း၊ ထိုသို့ ရိက္ခထုပ်များချပေးနေစဉ် မကွေးလေတပ်မှ တက်လာသည့် ဂျက်ဖိုက် တာ ၁ စီးဖြင့် ၁၀ ကြိမ်ထက်မနည်း လှည့်ပတ်ပျံသန်းကာ ကင်းယူပေးခဲ့ကြောင်း သိရသည်။

အဆိုပါ ကျောက်ထုအမြောက်တပ်အတွင်းသို့ ယမန်နေ့ ဧပြီလ ၂၉ ရက် နံနက် ၉ နာရီခန့်ကလည်း Y12 ထောက်ပို့လေယာဉ်ဖြင့် လက်နက်ခဲယမ်းထုပ်များချပေးခဲ့ကြောင်း၊ ထို့သို့ ခဲယမ်းထုပ်များ ချနေ စဉ် ဂျက်ဖိုက်တာတစ်စီးဖြင့် ကင်းပတ်ပျံသန်းခဲ့ကြောင်း သိရသည်။

“ကျောက်ထုအမြောက်တပ် ၃၆၈ နေ့လည် ၁ နာရီမှာ Y12 နဲ့ ရိက္ခာထုပ် ၃ ထုပ်ထပ်ချပေးတယ်။ ရိက္ခာပါမပါတော့ မသိရဘူး။ မကွေးလေ တပ်ကတက်၊ နေ့လည် ၂ နာရီအထိ ၁၀ ကြိမ်ထက်မနည်း ပတ်ပြန်ပြီးတော့ ချ။ အဲဒီအချိန်မှာ မကွေး လေတပ်ကနေ တက်ဂျက်ဖိုက်တာတစ်စီးနဲ့ ကင်းပတ်ပေး တယ်။ မနေ့ကလည်း ခဲယမ်းထုပ်တွေ ချည်းပဲ Y12 နဲ့ချပေးသွားတာ၊ ရိက္ခာကို မပါဘူး။ လက်နက် ကြီးကျည်တွေ၊ ခဲယမ်းထုပ်တစ်ထုပ်ကို လေထီး ၃ ခုနဲ့ချရတာ။” ဟု ယောအလင်းတန်းမှ တာဝန်ရှိသူ ရှင်းပြသည်။

ယခုအခါ စစ်တပ်က ယောဒေသနှင့် ချင်းပြည်နယ်တောင်ပိုင်းဘက်သို့ လေကြောင်းမှ နေ့စဉ် ဗုံးကျဲ တိုက်ခိုက်မှုများ ပြုလုပ်နေသောကြောင့် မိဘပြည်သူများအနေဖြင့် လေကြောင်းရန် ကာကွယ်ရေး ဆိုင်ရာ နည်းလမ်းများကို လိုက်နာပေးကြပါရန်နှင့် ဗုံးခိုကျင်းများခိုင်မာစွာတူးထားပေးကြပါရန် တော်လှန်ရေးအဖွဲ့အစည်းများက တိုက်တွန်းထားသည်။

စစ်ကိုင်းတိုင်း၊ ယင်းမာပင်မြို့နယ် အတွင်းရှိ စစ်ဘေးရှောင်ပြည်သူများ နေထိုင်သည့် ဘုန်းကြီးကျောင်းကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယမန်နေ့ ဧပြီလ ၂၉ ရက်နေ့ မွန်းလွဲပိုင်းတွင် အကြမ်းဖက် စစ်တပ်က ယင်းမာပင်မြို့နယ် အတွင်းရှိ စစ်ဘေးရှောင်ပြည်သူများ နေထိုင်သော ဘုန်းကြီးကျောင်းကို လေယာဉ်ဖြင့် ဗုံးကျဲ တိုက်ခိုက်ခဲ့ခြင်းဖြစ်ကြောင်း၊ ထိုဗုံးကျဲ တိုက်ခိုက်မှုအတွင်း ပြည်သူများ အချိန်မီ တိမ်းရှောင်နိုင်ခြင်းကြောင့် ထိခိုက်မှုမရှိကြောင်း သိရသည်။

“စစ်ခွေးတွေက စစ်ရှောင်တွေ နေထိုင်တဲ့ ဘုန်းကြီးကျောင်းကို ဗုံးကျဲ တိုက်ခိုက်သွားတာ သံဃာတော်တွေနဲ့ စစ်ရှောင် ပြည်သူတွေက အချိန်မီ တိမ်းရှောင်နိုင်ခဲ့တဲ့အတွက် ထိခိုက်သူမရှိပါဘူး” ဟု ဒေသပြည်သူတစ်ဦးက ပြောဆိုသည်။

The post ကဆုန်လပြည့် ဗုဒ္ဓနေ့တွင် စစ်တပ်က ဂန့်ဂေါ၊ ထီးလင်း၊ ဆော၊ မင်းတပ်၊ ယင်းမာပင်နှင့် ကျင်ဒွေးမြို့နယ်တို့ကို လေယာဉ်ဖြင့် ဗုံးကျဲတိုက်ခိုက်ပြီး စေတီ၊ ဘုန်းကြီးကျောင်းနှင့် နေအိမ်များ ပျက်စီး appeared first on Khit Thit Media.

မကွေးတိုင်း၊ ရေစကြိုမြို့နယ်တွင် စစ်တပ်က တိုက်ပွဲဖြစ်ပွားခြင်းမရှိဘဲ ဒရုန်းဖြင့် ဗုံးကျဲမှုကြောင့် သက်တော် ၁၅ နှစ်အရွယ် ကိုရင် ရှင်ဝိသုတ၊ အသက် ၈ နှစ်အရွယ် မောင်ဟိန်းညီညီထက်နှင့် မောင်ကျော်ကိုကိုတို့ သေဆုံးသွားကြောင်း ဒေသပြည်သူများနှင့် သေဆုံးသူကလေးငယ်များ၏ ဆွေမျိုးများက ရန်ကုန်ခေတ်သစ်သတင်းဌာနထံသို့ ပြောဆိုသည်။

ယမန်နေ့ ဧပြီလ ၂၅ ရက်နေ့ မွန်းလွဲ ၂ နာရီ ၃၀ မိနစ်အချိန် ရေစကြိုမြို့နယ်၊ ရေလယ်ကျွန်းရှိ ပျူစောထီးကျေးရွာဖြစ်သော မင်းရွာမှ စစ်တပ်၊ ရဲနှင့် ပျူစောထီးများက ငတေရော်ကျေးရွာဘက်သို့ စစ်ကြောင်းထိုးလာကြောင်း၊ ထိုသို့ စစ်ကြောင်းထိုးလာစဉ် ဒရုန်းဖြင့် ဗုံးကျဲမှုကြောင့် ငတေရော်ကျေးရွာမှ အသက် ၁၅ နှစ်အရွယ် ရှင်ဝိသုတ၊ အသက် ၈ နှစ်အရွယ် မောင်ဟိန်းညီညီထက်နှင့် အသက် ၁၆ နှစ်အရွယ် မောင်ကျော်ကိုကို (ခ) မောင်မြတ်သူရကျော်တို့ သေဆုံးသွားကြောင်း သိရှိရသည်။

“တိုက်ပွဲဖြစ်တာမရှိဘူး။ ဒရုန်းနဲ့ ကျေးရွာထဲကို ဗုံးလာကျဲတာ။ သေဆုံးသွားတာက G-10 ကျောင်းသား အသက် ၁၆ နှစ်အရွယ် မောင်ကျော်ကိုကို (ခ) မောင်မြတ်သူရကျော်၊ နောက်ပြီးတော့ အသက် ၈ နှစ်အရွယ် မောင်ဟိန်းညီညီထက်၊ သူကတော့ G-2 ကျောင်းသားလေး၊ အသက် ၁၅ နှစ်အရွယ် ရှင်ဝိသုတကတော့ ကိုရင်ငယ်ပဲရှိသေးတယ်။ ဝါတော် ၄ ဝါပဲရှိသေးတယ်” ဟု သေဆုံးသူကလေးငယ်တစ်ဦး၏ ဆွေမျိုးတစ်ဦးက ရှင်းပြသည်။

ယင်းအပြင် စစ်တပ်၏ ဒရုန်းဖြင့် ဗုံးကျဲမှုကြောင့် ထိခိုက်ဒဏ်ရာရရှိသူ ၂ ဦးရှိခဲ့ပြီး G-10 ကျောင်းသားဖြစ်သော အသက် ၁၆ နှစ်အရွယ် မောင်ဖိုးစီမှာ ဘယ်ဘက်ရင်ဘတ်တွင် ဗုံးစထိမှန်ဒဏ်ရာရရှိကြောင်း၊ အသက် ၁၆ နှစ်အရွယ် မောင်ဖိုးချမ်း (ခ) မောင်ချမ်းထက်စံမှာလည်း ညာဘက်ခြေထောက် ထိခိုက်ဒဏ်ရာရရှိကြောင်း သိရှိရသည်။

အကြမ်းဖက်စစ်တပ်က ရေစကြိုမြို့နယ်အတွင်း စစ်ကြောင်းထိုးမှုများကို အဆက်မပြတ်လုပ်ဆောင်လာပြီး ပြည်သူများနေထိုင်သော ကျေးရွာများကို ဒရုန်းဖြင့် ဗုံးကျဲမှုများ ဆက်တိုက်လုပ်ဆောင်လာကြောင်း ဒေသတော်လှန်ရေးသတင်းရင်းမြစ်များထံမှ သိရှိရသည်။

The post ရေစကြိုမြို့နယ်တွင် စစ်တပ်က တိုက်ပွဲဖြစ်ပွားခြင်းမရှိဘဲ ဒရုန်းဖြင့် ဗုံးကျဲမှုကြောင့် သက်တော် ၁၅ နှစ်အရွယ် ကိုရင် ရှင်ဝိသုတ၊ အသက် ၈ နှစ်အရွယ် မောင်ဟိန်းညီညီထက်နှင့် မောင်ကျော်ကိုကိုတို့ သေဆုံး appeared first on Khit Thit Media.

ပဲခူးတိုင်း၊ လက်ပံတန်းမြို့နယ်၊ ဝန်ကလေးရွာကို အကြမ်းဖက် စစ်တပ်က လေယာဉ် ၂ စီးဖြင့် ဗုံးကျဲ တိုက်ခိုက်ခြင်းကြောင့် ၁၀ ကျော်သက်အရွယ် လူငယ်များ အပါအဝင် ပြည်သူ ၄ ဦးသေဆုံးခဲ့ကြောင်း သာယာဝတီခရိုင် လက်ပံတန်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဧပြီလ ၂၂ ရက်နေ့ နံနက် ၁၁ နာရီ ၃၀ မိနစ်ခန့်တွင် လက်ပံတန်းမြို့နယ်၊ ဝါးရုံပင်ဇင်းအုပ်စု၊ သဲကောဆည် အနီးရှိ ဝန်ကလေး(ဆားချောင်း) ရွာအတွင်း ရေလုပ်ငန်း လုပ်ကိုင်ရှာဖွေစားသောက်နေသော ပြည်သူများ၏ နေအိမ်များကို အကြမ်းဖက် စစ်တပ်က တိုက်လေယာဉ် ၂ စီးဖြင့် ဗုံး ၁၀ လုံး ထက်မနည်းကျဲချ တိုက်ခိုက်ခဲ့ကြောင်း သိရသည်။

အကြမ်းဖက် စစ်တပ်၏ ဗုံးကျဲ တိုက်ခိုက်မှု အတွင်း အသက် ၁၅ နှစ်အရွယ် အမျိုးသား ၁ ဦး၊ အသက် ၁၆ နှစ် အရွယ် အမျိုးသား ၁ ဦး၊ အသက် ၁၉ နှစ်အရွယ် အမျိုးသား ၁ ဦးနှင့် အသက် ၂၀ နှစ်အရွယ် အမျိုးသား ၁ ဦး နေရာတင် ပွဲချင်းပြီး သေဆုံးခဲ့ကြောင်း၊ ထို့ပြင် ပြည်သူ ၆ ဦးလည်း ထိခိုက်ဒဏ်ရာရရှိခဲ့ပြီး ၂ ဦးမှာ ဒဏ်ရာအခြေအနေ စိုးရိမ်ရကြောင်း သိရှိရသည်။

“တိုက်ပွဲဖြစ်ပွားတာမရှိဘဲနဲ့ စစ်ခွေးတွေက ပြည်သူတွေ နေထိုင်တဲ့ နေရာကို ရည်ရွယ်ချက်ရှိရှိ ဗုံးကျဲ တိုက်ခိုက်ခဲ့တာပါ။ စစ်ခွေးတွေ ဗုံးကျဲ တိုက်ခိုက်လို့ ပြည်သူ ၄ ဦးသေဆုံးပြီး ၆ ဦးထိခိုက်ဒဏ်ရာရတယ်။ ဒဏ်ရာရတဲ့ သူတွေထဲမှာ စိုးရိမ်ရတဲ့ သူတွေလည်း ပါဝင်ပါတယ်” ဟု လက်ပံတန်းမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူက ပြောဆိုသည်။

အကြမ်းဖက် မင်းအောင်လှိုင် ဦးဆောင်သော အာဏာသိမ်း အကြမ်းဖက် စစ်တပ်၏ အပြစ်မဲ့ အရပ် သားပြည်သူများအပေါ် ရည်ရွယ်ချက်ရှိရှိ ဗဟိုပြု၍ လေကြောင်းတိုက်ခိုက်မှုများ အင်အားအလွန် အကျွံသုံးစွဲတိုက်ခိုက်နေခြင်းကြောင့် ပြည်သူများအနေဖြင့် လေကြောင်းအန္တရာယ် အထူးဂရုပြုသတိ ထားကြရန် လက်ပံတန်းမြို့နယ် ပြည်သူ့ကာကွယ်ရေးအဖွဲ့က အသိပေးပြောဆိုထားသည်။

The post လက်ပံတန်းမြို့နယ်၊ ဝန်ကလေးရွာကို စစ်တပ်က လေယာဉ် ၂ စီးဖြင့် ဗုံးကျဲ တိုက်ခိုက်မှု ဆယ် ကျော်သက် အရွယ် လူငယ်များ အပါအဝင် ပြည်သူ ၄ ဦးသေဆုံး appeared first on Khit Thit Media.

ထိုင်း-မြန်မာနယ်စပ်၊ မယ်ဟောင်ဆောင်အနီး မြန်မာဘက်အခြမ်းရှိ KNU ဆေးရုံကို စစ်တပ်က လေယာဉ်ဖြင့် ဗုံးကျဲတိုက်ခိုက်ခဲ့ရာ ထိုင်းနိုင်ငံအတွင်းသို့ ဗုံး ၁ လုံးကျရောက်ပေါက်ကွဲခဲ့ကြောင်း ထိုင်း Khaosod သတင်းဌာနက သတင်းဖော်ပြသည်။

ယနေ့ ဧပြီလ ၂၀ ရက်နေ့ နံနက် ၁၁ နာရီခန့်အချိန် မြန်မာစစ်တပ်၏ Yak-130 နှင့် MiG-29 တိုက် လေယာဉ်များက ထိုင်း-မြန်မာနယ်စပ်၊ မယ်ဟောင်ဆောင်အနီး၊ မြန်မာဘက်အခြမ်းရှိ KNU ဆေးရုံကို ဗုံးကျဲချခဲ့ကြောင်း၊ စစ်တပ်က လေကြောင်းဖြင့် ဗုံး ၉ လုံးခန့် ကျဲချခဲ့ရာ ဗုံး ၁ လုံးမှာ ထိုင်းနိုင်ငံဘက်ခြမ်း၊ မယ်ဆမ်လက်ပ်ကျေးရွာအနီး သံလွင်မြစ်ကမ်းဘေးသို့ ကျရောက်ခဲ့သဖြင့် ထိုင်းဒေသခံများကို အရေးပေါ် ရွှေ့ပြောင်းပေးခဲ့ရကြောင်း သိရှိရသည်။

မြန်မာစစ်တပ်က ဗုံးကျဲသော KNU ဆေးရုံမှာ ထိုင်းနိုင်ငံ၊ မယ်စရီယန်းခရိုင်၊ မယ်ဆမ်လက်ပ် (Mae Sam Laep) ကျေးရွာ၏ တစ်ဖက်ကမ်း၊ နယ်စပ်မှ မီတာ ၅၀၀ ခန့်သာ ကွာဝေးသည့် နေရာဖြစ်သည်။

ထိုင်းလုံခြုံရေးတာဝန်ရှိသူများ၏ ပြောကြားချက်အရ ဗုံး ၉ လုံးခန့် ကြဲချခဲ့သော်လည်း မြန်မာနိုင်ငံဘက်ခြမ်းရှိ ထိခိုက်ပျက်စီးမှုနှင့် သေဆုံးမှုစာရင်းကိုမူ ရှင်းလင်းစွာ မသိရသေးကြောင်း၊ သို့သော် ဗုံးတစ်လုံးမှာ မယ်ဆမ်လက်ပ်ရှိ သံလွင်မြစ်ကမ်းဘေး ထိုင်းနိုင်ငံဘက်ခြမ်းသို့ ကျရောက်ခဲ့သဖြင့် ဒေသခံများမှာ ထိတ်လန့်တကြား ဘေးလွတ်ရာသို့ ထွက်ပြေးခဲ့ကြရကြောင်း သိရှိရသည်။

အလားတူ တာ့ခ်ခရိုင်၊ မဲဆောက်မြို့၏ တစ်ဖက်ကမ်း မြဝတီမြို့နယ်အတွင်းရှိ KNU အခြေစိုက်စခန်းများကိုလည်း မြန်မာစစ်တပ်၏ ခြေလျင်တပ်မ ၂၂ က လက်နက်ကြီး၊ လက်နက်ငယ်များဖြင့် အပြင်းအထန် ထိုးစစ်ဆင်နေကြောင်း သိရသည်။

မိုးရာသီမကျရောက်မီ နယ်မြေစိုးမိုးမှုရရှိရန် အထက်မှ အမိန့်ပေးထားသည့်အတွက် မြန်မာစစ်တပ်က မြေပြင်စစ်ကြောင်းများအပြင် လေကြောင်းနှင့် ဒရုန်းများကိုပါ အသုံးပြု၍ တိုက်ခိုက်နေခြင်းဖြစ်သည်။

သို့သော်လည်း KNU တပ်ဖွဲ့များ၏ အခိုင်အမာ ခုခံမှုကြောင့် ထိုးစစ်ဆင်သည့် မြန်မာစစ်တပ်ဘက်မှ အကျအဆုံး ပိုမိုများပြားနေကြောင်း KNU သတင်းရင်းမြစ်များက ဆိုသည်။

ယခုကဲ့သို့ တိုက်ပွဲများ ဆက်လက်ပြင်းထန်နေခြင်းကြောင့် နယ်စပ်ကုန်သွယ်ရေး ထိခိုက်နေပြီး မြဲဆောက်-မြဝတီ ချစ်ကြည်ရေးတံတား ၂ ကိုလည်း မြန်မာအာဏာပိုင်များဘက်က ပြန်လည်ဖွင့်လှစ်ခြင်း မရှိသေးသဖြင့် ပုံမှန်ကုန်သွယ်မှုများ ကြန့်ကြာနေကြောင်း သိရှိရသည်။

The post ထိုင်း-မြန်မာနယ်စပ်တွင် အကြမ်းဖက်စစ်တပ်က KNU ဆေးရုံကို လေယာဉ်ဖြင့် ဗုံးကျဲတိုက်ခိုက်စဉ် ထိုင်းနိုင်ငံအတွင်းသို့ ဗုံး ၁ လုံးကျရောက်ပေါက်ကွဲ၊ မြ၀တီမြို့နယ်တွင်လည်း တိုက်ပွဲ ပြင်းထန်နေ appeared first on Khit Thit Media.

တနင်္သာရီတိုင်း၊ တနင်္သာရီမြို့နယ်၊ တိုက်ကမ်းရွာကို အကြမ်းဖက် စစ်တပ်က လေယာဉ်ဖြင့် ဗုံးကျဲ တိုက်ခိုက်ခြင်းကြောင့် ဘုန်းကြီးကျောင်းနှင့် နေအိမ်များ ပျက်စီးခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ယနေ့ ဧပြီလ ၁၉ ရက်နေ့ မွန်းလွဲ ၁၂ နာရီ ၃၀ မိနစ်ခန့်တွင် အကြမ်းဖက် စစ်တပ်က တိုက်ကမ်းရွာ ဘုန်းကြီးကျောင်းနှင့် လူနေအိမ်များ အကြားကို လေယာဉ်ဖြင့် ဗုံး ၂ လုံးကျဲချ တိုက်ခိုက်ခဲ့ကြောင်း၊ ထိုလေကြောင်း တိုက်ခိုက်မှု အတွင်း ပြည်သူများ ထိခိုက်မှုမရှိဘဲ နေအိမ် ၂ လုံး နှင့် ဘုန်းကြီးကျောင်း အုတ်တံတိုင်းများပြိုကျကာ ကျောင်းခေါင်မိုးကို ဗုံးစများ ထိမှန်ပျက်စီးခဲ့ကြောင်း သိရသည်။

အကြမ်းဖက် စစ်တပ်က ဗုံးကျဲတိုက်ခိုက်သွားသော တိုက်ကမ်းရွာသည် တိုက်ပွဲဖြစ်ပွားခြင်းမရှိဘဲ စစ်တပ်က အရပ်သားပြည်သူများကို ပစ်မှတ်ထား တိုက်ခိုက်ခဲ့ခြင်းဖြစ်ကြောင်း သိရှိရသည်။

“တိုက်ပွဲဖြစ်ပွားတာမရှိပါဘူး။ စစ်ခွေးတွေက ပြည်သူတွေ နေထိုင်တဲ့ရွာကို ပစ်မှတ်ထားပြီး ဗုံးကျဲ တိုက်ခိုက်သွားတာ ပြည်သူတွေ ထိခိုက်တာတော့မရှိဘူး။ နေအိမ်တွေနဲ့ ဘုန်းကြီးကျောင်းပဲ ထိခိုက်ပျက်စီးသွားတယ်” ဟု ဒေသပြည်သူတစ်ဦးက ပြောဆိုသည်။

အကြမ်းဖက် စစ်တပ်သည် ဆက်လက်၍ ပြည်သူများ နေထိုင်သော ကျေးရွာများကို လေကြောင်း တိုက်ခိုက်မှုများ ထပ်မံပြုလုပ်လာနိုင်သောကြောင့် လေကြောင်း အန္တရာယ် သတိပြုနေထိုင်ကြရန် တော်လှန်ရေးအင်အားစုများက အသိပေးပြောဆိုထားသည်။

The post တနင်္သာရီမြို့နယ်၊ တိုက်ကမ်းရွာကို စစ်တပ်က လေယာဉ်ဖြင့် ဗုံးကျဲ တိုက်ခိုက်မှု ဘုန်းကြီးကျောင်းနှင့် နေအိမ်များ ပျက်စီး appeared first on Khit Thit Media.

ရခိုင်ပြည်နယ်၊ ပုဏ္ဏားကျွန်းမြို့ အနီးဝန်းကျင်နှင့် မြောက်ဦး-ကျောက်တော်မြို့နယ်အစပ်တို့ကို အကြမ်းဖက် စစ်တပ်က ယနေ့နံနက်ပိုင်းတွင် လေကြောင်းဖြင့် ဆက်တိုက်ဗုံးကျဲတိုက်ခိုက်ခဲ့ကြောင်း စစ်ဘေးရှောင်များကို ကူညီနေသော ရခိုင်ဒေသသတင်းရင်းမြစ်က ရန်ကုန်ခေတ်သစ်သတင်းဌာနထံသို့ပြောဆိုသည်။

ယနေ့ ဧပြီလ ၁၉ ရက် နံနက် ၁၀ နာရီခန့်အချိန် အကြမ်းဖက် စစ်တပ်က လေယာဉ်များဖြင့် မြောက်ဦးနှင့် ကျောက်တော်မြို့နယ်အစပ်ရှိ ကျောက်ဆည်ပြင်ရွာအနီးကို လေကြောင်း တိုက်ခိုက်မှုများ ပြုလုပ်ခဲ့ကြောင်း၊ ထို့ပြင် ပုဏ္ဏားကျွန်းမြို့အနီရှိ ဓါတ်အားခဲစက်ရုံနဲ့ နယ်စက်​ဒေသဖွံ့ဖြိုး​ရေး​​ကျောင်းများကို အကြမ်းဖက် စစ်တပ်က လေယာဉ်များဖြင့် ဗုံးကျဲချတိုက်ခိုက်ခဲ့ကြောင်း၊ ထိုသို့ အကြမ်းဖက် စစ်တပ်၏ ဗုံးကျဲတိုက်ခိုက်မှုအတွင်း ပြည်သူများ ထိခိုက်ဒဏ်ရာရရှိမှုနှင့် နေအိမ်ပျက်စီးမှုများရှိကြောင်း သိရသည်။

“​နံနက် ၁၀နာရီ ဝန်းကျင်က မြောက်ဦးမြို့နယ်နဲ့ ​ကျောက်​​တော်မြို့နယ်ကြားက ​ကျောက်ဆည်ပြင်ရွာအနီးအနားကို ပစ်တာရှိတယ်။ ပုဏ္ဏားကျွန်းမြို့​အနီးက ဓါတ်အားစက်ရုံနဲ့ နတလ ​ကျောင်း​တွေကို ပစ်သွားတယ်။ လူမ​​နေတဲ့ ​နေရာ​တွေပါ။ လူအထိခိုက် ရှိ၊ မရှိ​တော့ မသိရ​သေးဘူး။ ပုဏ္ဏားကျွန်းမြို့က လူ​တွေက စစ်​ရှောင်​နေကြတဲ့အတွက် လူ​တွေ သိပ်မရှိဘူး” ဒေသသတင်းရင်းမြစ်တစ်ဦးက ပြောဆိုသည်။

​မြောက်ဦးမြို့နယ်၊ ​ကျောက်ဆည်ပြင်(မြို)ရွာသို့ စစ်တပ်က လေယာဉ်ဖြင့် ဗုံးကျဲမှုကြောင့် ဘုန်းကြီး​ကျောင်းမီးလောင်ကျွမ်းသွားကြောင်း၊ ပုဏ္ဏားကျွန်းမြို့နယ်သို့ စစ်တပ်က လေကြောင်းမှ ဗုံး ၆လုံးနှင့် ​​​​မြောက်ဦးမြို့နယ်ကို ဗုံး ၂ တို့ဖြင့် ပစ်ခတ်တိုက်ခိုက်ခဲ့ကြောင်း သိရှိရသည်။

ဓာတ်ပုံ- Wai Hun Aung နှင့် One Nation News။

The post ပုဏ္ဏားကျွန်းမြို့ပေါ်နှင့် မြောက်ဦး-ကျောက်တော်အစပ်တို့ကို စစ်တပ်က ယနေ့နံနက်ပိုင်းတွင် လေကြောင်းဖြင့် ဆက်တိုက်ဗုံးကျဲတိုက်ခိုက် appeared first on Khit Thit Media.